All Categories - telugutaruni.weebly.com

న్యూట్రీషియస్ దోసె

9/19/2013

కావలసినవి:
మినప్పప్పు - అరకప్పు;
బార్లీ - అరకప్పు
బియ్యం - కప్పు;
పెసరపప్పు - 2 టేబుల్ స్పూన్లు
శనగపప్పు, సోయాబీన్స్ - అర కప్పు చొప్పున
నానబెట్టిన మెంతులు - టేబుల్ స్పూను
అటుకులు - పావుకప్పు;
జీలకర్ర - 2 టీ స్పూన్లు
ఉప్పు - తగినంత;
చీజ్ తురుము - 50 గ్రా.
కొత్తిమీర - చిన్న కట్ట;
నూనె - కొద్దిగా
క్యారట్ తురుము - 4 టేబుల్ స్పూన్లు
పచ్చిమిర్చి తరుగు - టీ స్పూను;
ఉల్లితరుగు - పావు కప్పు

తయారి:

అన్నిరకాల పప్పులు, బియ్యం, బార్లీ, సోయాబీన్స్‌ని ఆరు గంటలసేపు నానబెట్టాలి.
నీరు వడకట్టి, మిక్సీలో వేసి మెత్తగా చేసి పక్కన ఉంచుకోవాలి.
తగినంత నీటిలో అటుకులను పావుగంట సేపు నానబెట్టి, మిక్సీలో వేసి మెత్తగా చేయాలి.
రుబ్బి ఉంచుకున్న పిండి మిశ్రమంలో అటుకుల పిండి కలిపి మూడు నాలుగు గంటలు పక్కన ఉంచాలి. జీలకర్ర వేసి కలపాలి.
స్టౌ మీద పెనం పెట్టి, వేడయ్యాక పిండిని దోసెలా వేసి, పిండి పచ్చిగా ఉండగానే, పైన క్యారట్ తురుము, ఉల్లి తరుగు, పచ్చిమిర్చి తరుగు కొద్దికొద్దిగా వేసి బాగా కాలాక రెండవవైపు తిప్పి కాల్చి తీసేయాలి.

మూలం : సాక్షి దినపత్రిక

రాగి ఇడ్లీ

9/14/2013

కావలసిన పదార్థాలు :
రాగి పిండి - 2 కప్పులు
ఇడ్లీ రవ్వ - ఒక కప్పు
మినపప్పు - అర కప్పు
మెంతులు - ఒక టీ స్పూన్
ఉప్పు - తగినంత

తయారు చేసే విధానం :
ఇడ్లీ రవ్వ, మెంతులు, మినపప్పు విడివిడిగా 6గంటల పాటు నానబెట్టాలి. మూడు కలిపి మరీ మెత్తగా కాకుండా గ్రైండ్ చేసుకోవాలి. దీంట్లో రాగి పిండి, కొన్ని నీళ్ళు పోసి మిక్స్ చేయాలి. ఈ మిశ్రమాన్ని కూడా ఆరు గంటల పాటు అలాగే ఉంచాలి. ఆ తర్వాత ఇడ్లీ ప్లేట్‌కు నూనె రాసి మిశ్రమాన్ని కొద్ది, కొద్దిగా వేయాలి. ఆవిరి మీద పదినిమిషాల పాటు ఉడికించాలి. ఈ ఇడ్లీలను కొత్తిమీర చట్నీతో లాగిస్తే బాగుంటాయి.

తాటి ఇడ్లీలు

9/13/2013

కావలసినవి
పండిన తాటిపండు గుజ్జు- 2 కప్పులు
బియ్యం పిండి- 1 కప్పు
బియ్యం రవ్వ- 1 కప్పు
బెల్లం- 3 టి.స్పూన్లు

తయారుచేసే పద్ధతి :

బాగా పండిన తాటిపండు గుజ్జు తీసుకుని అం దులో బియ్యం పిండి, బియ్యం రవ్వ వేసి బాగా కలిపి, అరగంట నానిన తర్వాత బెల్లం తురుము వేసి కలిపి పది నిమిషాలు అలాగే వదిలేయాలి.
ఈ మిశ్రమం మరీ పలుచగా కాకుండా, మరీ చిక్కగా కాకుండా మామూలుగా మనం ఇడ్లీ పిండికి చేసినట్టుగా ఉండాలి. అవసరమైతే మరి కొంచెం వరి నూక, వరి పిండి కలుపుకోవచ్చు. తాటి గుజ్జు ఒక రకమైన రుచిలో ఉంటుంది కాబట్టి కాస్త బెల్లం వేయాలి. నానిన పిండితో నూనె రాసిన ఇడ్లీ పాత్రలో వేసి ఆవిరి మీద ఉడికించుకుని, ఎండుమిర్చి లేదా అల్లం పచ్చడితో సర్వ్ చేయాలి.

బనానా ఇడ్లీ

9/11/2013

కావలసిన పదార్థాలు :
రవ్వ - ఒక కప్పు
కొబ్బరి తురుము
- పావు కప్పు
పండిన అరటిపండ్లు - 4
చక్కెర - అరకప్పు
బేకింగ్ సోడా
- అర టీ స్పూన్
నెయ్యి - ఒక టీ స్పూన్
ఉప్పు - తగినంత

తయారు చేసే విధానం:
పండిన అరటిపండ్లను మెత్తగా చిదిమి పెట్టుకోవాలి. ఒక గిన్నెలో అరటిపండ్ల గుజ్జు, రవ్వ, కొబ్బరి తురుము, ఉప్పు, చక్కెర, బేకింగ్ సోడా అన్నీ వేసి బాగా కలపాలి. ఈ మిశ్రమంలో కొద్దిగా నీళ్ళు కలిపి మిక్స్ చేయాలి. ఈ పిండి మరీ మెత్తగా కాకుండా కలుపుకోవాలి. ఇప్పుడు ఇడ్లీ ప్లేట్‌కు నెయ్యి రాసి, అరటిపండ్లతో చేసిన మిశ్రమాన్ని పోసి 15నిమిషాల పాటు సన్నని మంట మీద ఉడికించాలి. ఇంకేముంది.. బనానా ఇడ్లీ రెడీ! పాలతో కలిపి ఈ ఇడ్లీలు తింటే ఎంతో ఆరోగ్యం!

రవ్వ పులిహోర

9/5/2013

కావలసిన పదార్థాలు :
రవ్వ - ఒక కప్పు,
పచ్చిమిరపకాయలు - 5,
పల్లీలు - పావు కప్పు,
కరివేపాకు - నాలుగు రెమ్మలు,
నిమ్మకాయలు - 2,
ఎండు మిరపకాయలు - 2,
శనగపప్పు - 2 స్పూన్స్,
మినపప్పు - ఒక స్పూన్,
ఆవాలు - అర టీ స్పూన్,
జీలకర్ర - అర టీ స్పూన్,
పసుపు - పావు టీ స్పూన్,
ఉప్పు, నూనె - తగినంత

తయారు చేసే విధానం :

రెండు కప్పుల నీళ్ళు మరిగించి అందులో ఉప్పు, పసుపు వేయాలి. దీంట్లో రవ్వ పోసి ఐదు నిమిషాల పాటు ఉడికించాలి. ముద్దలా కాకుండా పొడి, పొడిగా ఉండేట్లుగా చూసుకోవాలి. ఈ మిశ్రమాన్ని ఒక ప్లేటులో వేసి పక్కన పెట్టాలి.
కడాయిలో నూనె పోసి ఆవాలు, జీలక(ర వేగాక పల్లీలు వేసి వేయించాలి. ఆ తర్వాత శనగపప్పు, మినపప్పు వేసి వేగనివ్వాలి. దీంట్లో పచ్చిమిరపకాయలు, కరివేపాకు, ఎండుమిరపకాయలు వేసి రెండు నిమిషాలపాటు కలిపి దించేయాలి. కాస్త చల్లారాక వేయించుకున్న రవ్వలో కలపాలి.
ఆ పైన ఈ మిశ్రమంలో నిమ్మరసం, సరిపడినంత ఉప్పు వేయాలి. వేడి.. వేడి.. రవ్వ పులిహోర మీ ముందుంటుంది. దీన్ని రెండుగంటలు అలాగే ఉంచి ఆ తర్వాత తింటే బాగుంటుంది.

మొక్కజొన్న దోశ

9/1/2013

కావలసిన పదార్థాలు
మొక్కజొన్న గింజలు : 4 కప్పులు,
పచ్చిమిర్చి : 4,
అల్లం : చిన్నముక్క,
బియ్యం పిండి : 2 స్పూన్లు,
ఉల్లిపాయ : 2,
ఉప్పు : తగినంత,
నూనె : తగినంత.

తయారుచేసే పద్ధతి :

మొక్కజొన్న గింజలు, అల్లం, పచ్చిమిర్చి, ఉప్పు తగినన్ని నీళ్లు పోసి దోసపిండిలా గ్రైండ్ చేసుకోవాలి
స్టవ్ మీద పెనం పెట్టి వేడి అయ్యాక మొక్కజొన్న పిండి దోశ వేసుకుని సన్నగా తరిగిన ఉల్లిపాయ ముక్కలు చల్లుకుని రెండు వేపులా కాల్చుకోవాలి.

మొక్కజొన్న బోండా

8/31/2013

కావలసిన పదార్థాలు
మొక్కజొన్న గింజలు : కప్పు (ఉడకబెట్టినవి),
బంగాళా దుంప : కప్పు (ఉడకబెట్టినది),
అల్లం : చిన్న ముక్క,
పచ్చిమిర్చి : 2, కొత్తిమీర :
కట్ట, ఉప్పు : తగినంత,
శనగపిండి : 2 కప్పులు,
జీలకర్ర : చిటికెడు,
నూనె : వేయించడానికి సరిపడ.

తయారుచేసే పద్ధతి :
అల్లం, పచ్చిమిర్చి, ఉడకబెట్టిన మొక్కజొన్నల గింజలను మిక్సీలో వేసుకుని మెత్తగా రుబ్బుకోవాలి. ఈ మిశ్రమంలో ఆలుగడ్డ ముద్ద, సన్నగా తరిగిన కొత్తిమీర, జీలకర్ర వేసి కలుపుకోవాలి. దీనిని చిన్న చిన్న ఉండలుగా చేసుకొని పక్కకు పెట్టుకోవాలి. శనగపిండిలో ఉప్పు వేసి బజ్జీల పిండిలా తయారు చేసుకోవాలి. ఉండలను శనగపిండిలో ముంచి కాగిన నూనెలో వేయించుకోవాలి. వాహ్..మొక్కజొన్న బొండా తయార్..

ఓట్స్, పోహా ఉప్మా

8/28/2013

కావలసిన పదార్థాలు :
అటుకులు- 2 కప్పులు
ఓట్స్- 1 కప్పు
ఉల్లిపాయ - 1
పచ్చిమిర్చి -3
కరివేపాకు- 2 రెబ్బలు
కొత్తిమీర - కొద్దిగా
నిమ్మరసం - 1 టి.స్పూన్
సాంబార్ పొడి- 2 టి.స్పూన్
ఆవాలు, జీలకర్ర- 1/4 టి.స్పూన్
మినప్పప్పు- 1 టి.స్పూన్
పల్లీలు- 2 టి స్పూన్లు
క్యారట్ తరుగు- 2 టి.స్పూన్
ఉప్పు- తగినంత
నూనె - 3 టి.స్పూన్

తయారుచేసే పద్ధతి :
అటుకులను కడిగి జల్లెట్లోవేయాలి. నీరంతా పోయాక సాంబార్ పొడి వేసి కలిపి పెట్టుకోవాలి. పాన్లో నూనె వేడిచేసి ఆవాలు, జీలకర్ర వేసి చిటపట లాడాక మినప్పప్పు, పల్లీలు వేసి వేయించాలి.
తర్వాత సన్నగా తరిగిన ఉల్లిపాయ, పచ్చిమిర్చి, కరివేపాకు, క్యారట్ ముక్కలు, ఓట్స్ వేసి మెత్తబడేవరకు బాగా వేయించాలి. ఇం దులో అటుకులు, తగినంత ఉప్పు, సన్నగా తరిగిన కొత్తిమీర వేసి కలిపి మూతపెట్టాలి. అటుకులు మగ్గిన తర్వాత నిమ్మరసం కలిపి వేడిగా సర్వ్ చేయాలి.

గోధుమ పిండి పుట్టు

8/23/2013

ఇది కేరళీయుల వంటకం. దీనిని తయారు చేయడానికి ఓ ప్రత్యేకమైన పాత్ర ఉంటుంది. దానికి కింద చిన్న బిందెలా ఉండి, మూతిపైన పెట్టడానికి చిల్లులున్న గొట్టం లాంటిది ఉంటుంది. ఈ పుట్టుని మలయాళీలు ఎక్కువగా అల్పాహారంగా చేసుకుంటారు. ఆవిరి మీద ఉడికించడం వల్ల ఆరోగ్యానికి కూడా చాలా మంచిది.

కావలసిన పదార్థాలు :
గోధుమ పిండి - 2 కప్పులు
పచ్చికొబ్బరి తురుము - 1/2 కప్పు
ఉప్పు - తగినంత
పంచదార - 2 టీ.స్పూ.
నీళ్లు - తగినన్ని

తయారుచేసే పద్ధతి :
ఒక వెడల్పాటి గినె్నలో జల్లించిన గోధుమ పిండి, ఉప్పు, పంచదార వేసి బాగా వేసి కలపాలి. ఇందులో తగినన్ని నీళ్లు చల్లుకుంటూ చేతులతో కలపాలి. ఇది పలుచగా ఉండకూడదు. కాస్త తడిగా అయ్యి పొడి పొడిగానూ ఉండాలి.
ఇప్పుడు పుట్టు చేయడానికి కిందనున్న పాత్రలో సగం వరకు నీళ్లు పోసి పొయ్యిమీద పెట్టి వేడి చేయాలి. పొడవాటి గొట్టంలో అడుగున చిల్లులున్న ప్లేట్లు వేయాలి. దీనిపైన ముందుగా పచ్చికొబ్బరి తురుము, దానిపైన పుట్టు మిశ్రమం, ఆపైన కొబ్బరి తురుము, మళ్లీ దానిపైన పుట్టు మిశ్రమం.. ఇలా వరుసగా పేర్చుకుంటూ చివరిలో కొబ్బరి తురుము వచ్చేలా చూసుకోవాలి. దానిపైన మూత పెట్టాలి. ఇపుడు ఈ గొట్టాన్ని మరుగుతున్న నీళ్లతో ఉన్న గినె్నపైన పెట్టి ఐదారు నిమిషాలు ఉడికించాలి. తర్వాత తీసి మెల్లిగా తట్టి గరిటతో తోస్తే ఉడికిన పుట్టు బయటకొస్తుంది. దీనిపైన కాస్త పంచదార చల్లి అరటిపండుతో వెంటనే సర్వ్చేయాలి. ఒకవేళ పుట్టు చేసే పాత్ర లేకుంటే ఒక గినె్నలో నీళ్లు పోసి దానిపైన జల్లెడ పెట్టాలి. ఇందులో పల్చటి బట్టపరిచి అందులో కలుపుకున్న పుట్టు మిశ్రమం పచ్చి కొబ్బరి తురుము వేసి మూత పెట్టి ఆవిరిమీద ఉడికించాలి. చూడడానికి ఆకారం వేరుగా ఉన్నా రుచి మాత్రం మారదు.

బ్రెడ్‌ పెరుగు వడ

7/11/2013

కావలసిన పదార్ధాలు:
బ్రెడ్‌ : 5 స్లైసులు
ఉల్లిపాయ : 1 (సన్నగా తరగాలి)
అల్లం తురుము: 1 టీ స్పూన్‌
పచ్చి మిర్చి : 2
పెరుగు : ఒక కప్పు
ఉప్పు : తగినంత
కారం : కొద్దిగా
చాట్‌ మసాలా : 1 టీ స్పూన్‌
నూనె : తగినంత
కొత్తిమీర : అలంకరణకు సరిపడ

తయారు చేసే విధానం:
పెరుగులో అల్లం తురుము, కారం, పచ్చిమిర్చి, ఉప్పు వేసి మిక్సీలో ఒకసారి తిప్పాలి.
బ్రెడ్‌ చివరలు కట్‌ చేసి స్లైస్‌ను నీటిలో ముంచి నీరంతా పిండేయాలి. ఆ తర్వాత రెండు చేతుల మధ్య అదిమి మధ్యలో రంధ్రం చేయాలి. అప్పుడు చూడటానికి వడలా వస్తుంది.
బాణలి పెట్టి అందులో నూనె పోసి సన్నని మంట మీద ఉంచి ఈ బ్రెడ్‌ వడలను బంగారు రంగు వచ్చే వరకు వేయించాలి.
తరువాత మిక్సీలో తిప్పి పెట్టుకున్న పెరుగు మిశ్రమంలో వేయాలి.
ఐదు నిమిషాలలో తీసి పక్కన పెట్టి పైన చాట్‌ మసాలా, ఉల్లిపాయ ముక్కలు చల్లాలి. కొత్తిమీరతో అలంకరించి సర్వ్‌ చేయడమే. చాలా సులువుగా తయారైపోతాయి ఈ వడలు. పిల్లలు కూడా ఇష్టంగా తింటారు.

మూలం : సూర్య దినపత్రిక