సోయా, మునగ కూర

కావలసిన పదార్థాలు : 
సోయా చంక్స్                - 1 కప్పు
 మునక్కాయ ముక్కలు - 2 కప్పులు 
ఉల్లిపాయ                       - 2 
పచ్చిమిర్చి                     - 3 
కరివేపాకు                      - 2 రెబ్బలు 
టమాటాలు                     - 3 
పసుపు                          - 1/4 టీ.స్పూ. 
కారం పొడి                      - 1 టీ.స్పూ. 
ధనియాల పొడి                - 2 టీ.స్పూ. 
గరం మసాలా పొడి - 1/4 టీ.స్పూ. 
అల్లం వెల్లుల్లి ముద్ద - 1 టీ.స్పూ. 
ఉప్పు                    - తగినంత 
నూనె                     - 3 టీ.స్పూ. 

తయారుచేసే పద్ధతి: 

• ఒక గిన్నెలో మూడు కప్పుల నీళ్లు మరిగించి సోయా చంక్స్ వేసి దింపేయాలి. చల్లారిన తర్వాత జల్లెట్లో వేసి నీరంతా గట్టిగా పిండేయాలి. 
  
• మునగకాయలు రెండు అంగుళాల సైజులో కట్ చేసుకుని పైన నార తీసేయాలి. 
  
• పాన్‌లో నూనె వేడి చేసి సన్నగా తరిగిన ఉల్లిపాయ, నిలువుగా చీల్చిన పచ్చిమిర్చి వేసి లేత బంగారు రంగు వచ్చేవరకు వేయించాలి. 
  
• ఇందులో పసుపు, కరివేపాకు, అల్లం వెల్లుల్లి ముద్దవేసి కొద్దిగా వేపి కారం పొడి, ధనియాల పొడి, సోయా చంక్స్ వేసి మరో నాలుగు నిమిషాలు వేయించాలి. 
  
• ఇందులో మునగకాయ ముక్కలు, తగినంత ఉప్పు, సన్నగా తరిగిన టమాటాలు లేదా టమాటా ప్యూరీ (ముద్ద) వేసి కలిపి మూతపెట్టాలి. 
  
• కొద్దిగా మగ్గిన తర్వాత కప్పుడు నీళ్లు గరం మసాలా పొడి వేసి కలిపి మూత పెట్టి నిదానంగా ఉడికించాలి. ముక్కలు ఉడికి నూనె తేలుతున్నప్పుడు దింపేయాలి.
  

మూలం : ఆంధ్రభూమి

---