Blog Archives - telugutaruni.weebly.com

బీరకాయ గసగసాలు

10/11/2013

కావలసినవి:
బీరకాయ (చెక్కుతీసి, ముక్కలు కోసి) - మూడు కప్పులు,
ఉల్లిపాయ - ఒకటి (సన్నగా తరిగి),
గసగసాల పొడి - రెండు టేబుల్ స్పూన్లు,
పసుపు, కారం - ఒక్కోటి పావు టీస్పూన్,
పచ్చిమిర్చి - రెండు (తరిగి),
నూనె - రెండు టీస్పూన్లు,
ఆవాలు - పావు టీస్పూన్,
ఎండుమిర్చి - రెండు,
ఉప్పు - రుచికి సరిపడా.

తయారీ:
గసగసాల పొడిలో కొద్దిగా నీళ్లు పోసి పేస్ట్‌లా చేసుకోవాలి. గిన్నెలో నూనె వేడిచేసి ఆవాలు వేయాలి. అవి చిటపటమన్నాక ఎండుమిర్చి వేసి ఒక నిమిషం పాటు వేగించాలి. తరువాత బీరకాయ ముక్కలు, ఉప్పు వేసి ఐదు నిమిషాల పాటు ఎక్కువ మంట మీద వేగించాలి. పసుపు, ఉల్లిపాయముక్కలు, కారం, పచ్చిమిర్చి ముక్కలు వేసి బాగా కలపాలి. ఆ తరువాత గసగసాల పేస్ట్ వేసి కూరగాయ ముక్కలు పొడిపొడిగా అయ్యే వరకు అంటే ముదురు రంగులోకి మారే వరకు వేగించాలి. వేడివేడిగా తింటే బీరకూరని ఇష్టపడని వాళ్లు కూడా ఈ కూరను మళ్లీ మళ్లీ తింటారు.

గోడా మసాలా తయారీ

10/10/2013

మూడు టీస్పూన్ల ఎండుకొబ్బరి తురుము,
మూడు టేబుల్‌స్పూన్ల నువు్వలు,
ఎండుమిర్చి-అరకప్పు,
ధనియాలు-అరకప్పు,
పలావు ఆకులు-4,
మూడు అంగుళాల దాల్చిన చెక్క,
మిరియాలు-7,
లవంగాలు-7,
జాపత్రి-3

ముందు ఎండుకొబ్బరి, నువ్వులు వేయించాలి. తరువాత టేబుల్‌స్పూన్‌ నూనె వేసి మిగిలినవి వేయించి అన్నీ కలిపి పొడి చేయాలి. ఇదే మహారాష్ట్రియన్ల గోడా మసాలా.

బెండ, క్యాప్సికం కర్రీ

10/9/2013

కావలసినవి
బెండకాయలు, క్యాప్సికం-అరకేజీ చొప్పున
జీలకర్ర-అరచెంచా, ఇంగువ-చిటికెడు
ఉప్పు, కారం-రుచికి తగినంత
అల్లం, పచ్చిమిర్చి ముద్ద-చెంచా చొప్పున
పసుపు-చిటికెడు
ధనియాలపొడి, జీలకర్ర పొడి-రెండు చెంచాల చొప్పున
ఎండు కొబ్బరి తురుము-అరకప్పు
కొత్తిమీర కట్టలు-రెండు
ఉప్పు-తగినంత
టమాటాలు-రెండు
నూనె-పావు కప్పు
తయారుచేసే విధానం
క్యాప్సికం, బెండకాయలు సన్నగా పొడవుగా తరిగి, సన్నటి సెగమీద నూనెలో వేయించాలి. ఇప్పుడు మరో బాణలిలో మిగిలిన నూనె వేడిచేసి ఇంగువ, పసుపు, జీలకర్ర, జీలకర్ర పొడి, ధనియాలపొడి వేయాలి. ఆ వెంటనే సన్నగా తరిగిన టమాట ముక్కలు, ఉప్పు, కారం, అల్లం పచ్చిమిర్చి ముద్ద, కొబ్బరి కోరు వేయించి ఐదు నిమిషాలు మగ్గించాలి. ఇప్పుడు బెండకాయ, క్యాప్సికం ముక్కలు చేర్చి మూతపెట్టాలి. సన్నటి సెగపై కూర బాగా మగ్గనిచ్చి కొత్తిమీరతో అలంకరిస్తే బెండకాయ క్యాప్సికం కూర సిద్ధమయినట్టే.

టమాటా కుర్మా

10/6/2013

కావలసిన పదార్థాలు :
చిన్న టమాటాలు - 250 గ్రా.
ఉల్లిపాయ - 1
పసుపు - 1/4 టీ.స్పూ.
కరివేపాకు - 2 రెబ్బలు
కొత్తిమీర - కొద్దిగా
కారం పొడి - 1 టీ.స్పూ.
ధనియాల పొడి - 2 టీ.స్పూ.
గరం మసాలా పొడి - 1/4 టీ.స్పూ.
కొబ్బరి పొడి - 3 టీ.స్పూ.
గసగసాల పొడి - 1 టీ.స్పూ.
అల్లం వెల్లుల్లి ముద్ద - 1 టీ.స్పూ.
ఉప్పు - తగినంత
నూనె - 3 టీ.స్పూ.

తయారు చేసే పద్ధతి :

పాన్లో నూనె వేడి చేసి సన్నగా తరిగిన లేదా నూరిన ఉల్లిపాయ వేసి దోరగా వేయించాలి. ఇందులో పసుపు, అల్లం వెల్లుల్లి ముద్ద, కరివేపాకు, కారంపొడి వేసి రెండు నిమిషాలు వేపి, చిన్న చిన్న టమాటాలు కట్ చేయకుండా అలాగే వేసి కలిపి మూత పెట్టాలి.
ఒక గినె్నలో కొబ్బరిపొడి, ధనియాల పొడి గరం మసాలా పొడి, గసగసాల పొడి, అర కప్పు నీళ్లు లేదా పెరుగు వేసి ఉండలు లేకుండా కలుపుకుని ఉడుకుతున్న కూరలో వేయాలి. సరిపడ ఉప్పు వేసి కలిపి మూత పెట్టి ఉడికించాలి.
కూర ఉడికి నూనె తేలుతున్నప్పుడు దింపేయాలి. పొడులు తయారుగా ఉంటే చాలా త్వరగా తయారు చేసుకునే వంటకం ఇది. పులావ్, రోటీ, పరాఠాలకు ఎంతో బావుంటుంది.

బెండి సాంబారియా

10/5/2013

కావలసినవి
బెండకాయలు-పావుకిలో
కొబ్బరితురుము-రెండున్నర టేబుల్‌స్పూన్లు
కొత్తిమీర తురుము-ఒక టేబుల్‌స్పూన్‌
రెడ్‌ క్యాప్సికమ్‌-ఒకటి, గ్రీన్‌ క్యాప్సికమ్‌-ఒకటి
టమాటాలు-రెండు
నెయ్యి-రెండు టేబుల్‌స్పూన్లు
అల్లం తురుము- ఒక టేబుల్‌స్పూన్లు
జీలకర్ర-అర టేబుల్‌స్పూన్‌
ఇంగువ-అర టేబుల్‌స్పూన్‌
పచ్చిమిర్చి ముద్ద-ఒక టేబుల్‌స్పూన్‌
ఎండు మామిడికాయపొడి-అర టేబుల్‌స్పూన్‌
ఉప్పు-సరిపడా, ధనియాలపొడి-అర టేబుల్‌స్పూన్‌

తయారుచేసే విధానం
బాణలిలో నెయ్యి వేసి కాగాక జీలకర్ర, ఇంగువ, పచ్చిమిర్చి ముద్ద, అల్లం తురుము వేసి తిప్పాలి. తరువాత ముక్కలుగా కోసిన క్యాప్సికమ్‌, టమాట కూడా వేసి ఓ రెండు నిమిషాలు కలపాలి. ఇప్పుడు రెండు టేబుల్‌స్పూన్ల కొబ్బరి తురుము వేసి మరో రెండు నిమిషాలు తిప్పి రెండు చివరలా కోసేసిన బెండకాయల్ని అలాగే వేసి మూతపెట్టాలి. బెండకాయలు బాగా ఉడి కాయి అనుకున్న తరువాత మూత తీసేయాలి. తరువాత ఉప్పు వేసి కలిపి మరికాసేపు వేగనివ్వాలి. ఇప్పుడు కొత్తిమీర తురుము, మామిడికాయపొడి, ధనియాలపొడి వేసి కలిపి మరికాసేపు వేగనిచ్చి దించాలి. దించే ముందు పక్కన ఉంచిన అరటేబుల్‌స్పూన్‌ కొబ్బరి తురుము చల్లితే బిండీ సాంబారియా రెడీ.

సోయా - టొమాటో కర్రీ

10/4/2013

కావలసినవి
నానబెట్టిన సోయాబీన్స్ - కప్పు
టొమాటో తరుగు - కప్పు
నూనె - 3 టేబుల్ స్పూన్లు
క్యాప్సికమ్ తరుగు - పావు కప్పు
ఉల్లితరుగు - అర కప్పు;
సోంపు - 2 టీ స్పూన్లు
పుదీనా ఆకులు - అర కప్పు
వెల్లుల్లి రేకలు - 3; పచ్చిమిర్చి - 6
జీడిపప్పు పలుకులు - 10;
బాదంపప్పులు - 6
ఏలకులపొడి, పసుపు, కారం, గరంమసాలా- టీ స్పూను చొప్పున;
కొత్తిమీర - కొద్దిగా
నానబెట్టిన మీల్‌మేకర్ - అరకప్పు

తయారి:

ఒక పెద్ద పాత్రలో సోయాబీన్స్, తగినంత ఉప్పు, నీరు పోసి ప్రెజర్‌కుకర్‌లో ఉంచి, పది విజిల్స్ వచ్చేవరకు ఉడికించాలి.
బాణలిలో టేబుల్ స్పూను నూనె కాగాక, వెల్లుల్లి రేకలు వేసి వేయించాలి.
పచ్చిమిర్చి తరుగు, జీడిపప్పు, బాదంపప్పు, సోంపు, ఏలకుల పొడి వేసి బంగారురంగు వచ్చేవరకు వేయించాలి.
సగం ఉల్లితరుగు వేసి వేయించాక, సగం టొమాటో తరుగు జత చేసి బాగా కలపాలి.
చల్లారాక పుదీనా ఆకులు జత చేసి మిక్సీలో వేసి మెత్తగా పేస్ట్ చేసి పక్కన ఉంచాలి.
బాణలిలో రెండు టేబుల్ స్పూన్ల నూనె వేసి, మిగిలిన ఉల్లితరుగు, టొమాటో తరుగు, క్యాప్సికమ్ తరుగు, మీల్‌మేకర్ వేసి బంగారురంగు వచ్చేవరకు వేయించాలి.
కారం, పసుపు, ధనియాలపొడి, గరంమసాలా వేసి బాగా కలపాలి. ముందుగా చేసి ఉంచు కున్న పేస్ట్ వేసి రెండు నిముషాలు ఉడికించాలి.
కొద్దిగా నీరు జతచేసి ఐదు నిముషాలు ఉడికించిన తరువాత, సోయాబీన్స్‌ని వేసి నాలుగైదు నిముషాలు ఉడికించి, కొత్తిమీరతో గార్నిష్‌చేసి సర్వ్ చేయాలి.

వంకాయ, కొబ్బరి వేపుడు

10/4/2013

కావలసిన పదార్థాలు : బెంగళూరు/ సీమ వంకాయ - 250 గ్రా.
పచ్చికొబ్బరి తురుము - 1/2 కప్పు
ఉల్లిపాయ - 1 చిన్నది
ఎండుమిర్చి - 6
నూనె - 2 టీ.స్పూ.
ఆవాలు, జీలకర్ర - 1/2 టీ.స్పూ.
మినప్పప్పు - 2 టీ.స్పూ.
కరివేపాకు - 1 రెబ్బ
ఉప్పు - తగినంత

చేసే విధానం

సీమ వంకాయను చెక్కు తీసి చిన్న చిన్న ముక్కలుగా కట్ చేసుకోవాలి. పచ్చి కొబ్బరిని తురిమి పెట్టుకోవాలి. బాణలి లేదా పాన్‌లో నూనె వేడి చేసి ఎండుమిర్చి, ఆవాలు, జీలకర్ర వేసి చిటపటలాడాక కరివేపాకు, సన్నగా తరిగిన ఉల్లిపాయ ముక్కలు, కరివేపాకు వేసి మెత్తబడేవరకు వేయించాలి. ఇందులో సీమ వంకాయ ముక్కలువేసి కలిపి మూత పెట్టాలి. కొద్దిగా వేగిన తర్వాత తగినన్ని నీళ్లుపోసి, ఉప్పువేసి కలిపి మూతపెట్టి ఉడికించాలి. ముక్కలు ఉడికిన తర్వాత పచ్చికొబ్బరి తురుమువేసి కలిపి తడి పూర్తిగా పోయేవరకు వేయించాలి. ఈ కూర అన్నం, చపాతీలకు బావుంటుంది

రాజ్మా కర్రీ

10/4/2013

కావలసినవి:
రాజ్మా - రెండు కప్పులు
రిఫైన్‌డ్ ఆయిల్ - 2 టేబుల్ స్పూన్లు
జీలకర్ర - టీ స్పూను;
ఉల్లితరుగు - కప్పు
అల్లంవెల్లుల్లి పేస్ట్ - టీ స్పూను;
పసుపు - కొద్దిగా
టొమాటో ముక్కలు - కప్పు;
ఉప్పు - తగినంత
గరంమసాలా - టీ స్పూను;
ఇంగువ - చిటికెడు
పచ్చిమిర్చి తరుగు - టీ స్పూను
ధనియాలపొడి, జీలకర్రపొడి - 2 టీ స్పూన్ల చొప్పున
కొత్తిమీర తరుగు - కొద్దిగా

తయారి:

బాణలిలో నూనె కాగాక జీలకర్ర వేయించాలి.
ఉల్లితరుగు వేసి మెత్తగా అయ్యేవరకు కలపాలి.
అల్లంవెల్లుల్లి పేస్ట్ జతచేసి రెండు నిముషాలు వేయించాలి.
పచ్చిమిర్చి తరుగు, టొమాటో ముక్కలు, ధనియాలపొడి, జీలకర్ర పొడి, పసుపు, గరంమసాలా పొడి వేసి నూనె వేరు పడేవరకు వేయించాలి
రాజ్మా, మూడు కప్పుల నీరు, ఇంగువ, ఉప్పు వేసి సుమారు 10 నిముషాలు ఉడికించి, కొత్తిమీరతో గార్నిష్ చేయాలి
(కొన్ని రాజ్మా గింజలను మెత్తగా చేసి జత చేస్తే గ్రేవీలా ఉంటుంది)

మెంతాకు పన్నీర్

10/2/2013

కావలసినవి
పన్నీర్‌-అరకేజి
మెంతిఆకులు-3 కప్పులు
మిరియాలపొడి-ఒక చెంచా
శనగపిండి-ఒకటిన్నర కప్పు
నూనె-తగినంత
జీలకర్ర-రెండు చెంచాలు
టమాట గుజ్జు-ఒక కప్పు
నీరు-తగినన్ని
తాజా మీగడ-రెండు చెంచాలు
ఉప్పు-సరిపడా

తయారుచేసే విధానం

ముందుగా పన్నీర్‌ను పెద్దపెద్ద ముక్కలుగా కోసి పెట్టుకోవాలి. తరువాత ఒక గిన్నె తీసుకుని అందులో శనగపిండి వేసి అందులో కాస్త ఉప్పు వేసి కలపాలి. పన్నీర్‌ ముక్కలను ఆ పిండిలో దొర్లించి పక్కన పెట్టుకోవాలి.
తరువాత ఒక వెడల్పాటి గిన్నెలో నూనెపోసి కాగాక ముందుగా పిండిలో దొర్లించుకున్న పన్నీర్‌ ముక్కలను వేసి బంగారు వర్ణంలోకి వచ్చే వరకూ వేయించి పక్కన పెట్టుకోవాలి.
తరువాత అదే బాణలిలో ఉన్న నూనెలో టమాట గుజ్జు, మిరియాలపొడి, ఉప్పు, వేయించిన జీలకర్రపొడి, మెంతి ఆకులు, నీళ్లు పోసి 30 నిమిషాల పాటు తక్కువ మంట మీద ఉడికించాలి. తరువాత పన్నీర్‌ ముక్కలు వేసి కాస్త గ్రేవీ ఉండగానే దించి మీగడ వేసి కలపాలి. అంతే మెంతి ఆకులతో పన్నీర్‌ కర్రీ రెడీ.