All Categories - telugutaruni.weebly.com

బేసన్ బెండి

11/6/2013

కావలసినవి:

బెండకాయలు-పది,
శనగపిండి-నాలుగు టేబుల్‌స్పూన్లు
నూనె-రెండు టేబుల్‌స్పూన్లు,
ఉల్లిపాయ-ఒకటి
జీలకర్ర-ఒక టేబుల్‌స్పూన్‌
ఉప్పు-రుచికి సరిపడా
ధనియాలపొడి-ఒకటిన్నర టేబుల్‌స్పూన్లు
పసుపు-ఒక టేబుల్‌ స్పూన్‌,
కారం-ఒక టేబుల్‌ స్పూన్‌
ఆమ్‌చూర్‌పొడి-అర టేబుల్‌స్పూన్‌
ఉల్లిగింజలు-అర టేబుల్‌ స్పూన్‌

తయారుచేసే విధానం:

ఉల్లిపాయల్ని సన్నని ముక్కలుగా కోయాలి. బెండ కాయల్ని పలుచని ముక్కలుగా కోయాలి. బాణలిలో నూనెవేసి కాగాక జీలకర్ర, ఉల్లిముక్కలు వేసి వేయిం చాలి. వేగాక బెండకాయముక్కలు, ఉప్పు,ధనియాలపొడి, పసుపు, కారం వేసి మూతపెట్టి ఐదునిమిషాలు మగ్గనివ్వాలి. శనగపిండి వేసి కలిపి మూతపెట్టి మరో ఐదు నిమిషాలు ఉడికించాలి. ఆమ్‌చూర్‌ పొడి, ఉల్లి గింజలు వేసి కలిపి ముక్కలు ఉడికేవరకూ ఉంచాలి. మధ్య మధ్యలో తిప్పుతూ పూర్తిగా ఉడికాక దించాలి.

గ్రీన్ పీస్ మసాలా

11/4/2013

కావలసిన పదార్థాలు :

బఠాణీలు - పావు కప్పు,
ఉల్లిగడ్డలు - 3,
లవంగాలు - 2,
యాలకులు - 1,
దాల్చినచెక్క - 1,
టమాటాలు - 5,
అల్లం, వెల్లుల్లి పేస్ట్ - అర టీ స్పూన్,
జీలకర్ర - పావు టీ స్పూన్,
మెంతులు - 5,
కారం - 2 టీ స్పూన్స్,
ధనియాల పొడి - 2 టీ స్పూన్స్,
గరంమసాలా పౌడర్ - అర టీ స్పూన్,
కొత్తిమీర - అర కట్ట,
చక్కెర - కొద్దిగా,
ఉప్పు, పసుపు,
నూనె - తగినంత

తయారు చేసే విధానం :
కడాయిలో కొద్దిగా నూనె పోసి జీలకర్ర, మెంతులు వేయించాలి. వీటిని మిక్సీ పట్టి పొడి చేసి పక్కన పెట్టాలి. మళ్లీ కడాయిలో నూనె పోసి ఉల్లిగడ్డలు, అల్లం వేసి వేయించాలి. కొద్దిగా వేగాక టమాటాలను వేసి కలపాలి. టమాటాలు బాగా ఉడకనివ్వాలి. దీన్ని కాసేపు చల్లారనిచ్చి పేస్ట్‌లా గ్రైండ్ చేసుకోవాలి. ఇప్పుడు కుక్కర్‌లో కొద్దిగా నూనె పోసి లవంగాలు, యాలకులు, దాల్చినచెక్క వేసి వేగనివ్వాలి. దాంట్లో టమాటాప్యూరీ వేసి కలపాలి. సన్నని మంట మీద ఐదు నిమిషాలపాటు అలాగే ఉండనివ్వాలి. ఆ తర్వాత గరం మాసాలా పౌడర్, కారం, ధనియాల పొడి పసుపు వేసి కలపాలి. రెండు నిమిషాలాగి బఠాణీలు వేసి రెండు కప్పుల నీళ్ళుపోయాలి. దీంట్లో ధనియాలపొడి, చక్కెర, ఉప్పు వేసి కలపాలి. పదినిమిషాలపాటు సన్నని మంట మీద ఉడకనివ్వాలి. చివరగా కొత్తిమీర వేసి దించేయాలి. నోరూరించే గ్రీన్ పీస్ మసాలా రెడీ!

పన్నీర్ మక్‌మలాయ్

11/3/2013

కావలసిన పదార్థాలు :
పన్నీర్ - 3 కప్పులు,
ఉల్లిపాయ ముక్కలు - ఒక కప్పు,
పాలు - పావు కప్పు,
గరంమసాలా - 1 1/2 టీ స్పూన్,
వెన్న - ఒక స్పూన్ ,
కొత్తిమీర - ఒక కట్ట,
పుదీనా - ఒక కట్ట,
పచ్చిమిరపకాయలు - 3,
అల్లం - చిన్న ముక్క,
కాజు - పావు కప్పు,
పెరుగు - పావు కప్పు,
నిమ్మరసం - ఒక స్పూన్,
ఉప్పు, నూనె - తగినంత

తయారు చేసే విధానం :
కొత్తిమీర, పుదీనా, పచ్చిమిరపకాయలు, అల్లం, కాజు అన్ని కలిపి మెత్తగా గ్రైండ్ చేసుకోవాలి. ఒక గిన్నెలో పన్నీర్ వేసి అందులో ఆ పేస్ట్, పెరుగు, నిమ్మరసం వేసి పదిహేను నిమిషాల పాటు పక్కన పెట్టాలి. ఇప్పుడు కడాయిలో నూనె పోసి ఉల్లిపాయ ముక్కలు బంగారు వర్ణం వచ్చేవరకు వేయించాలి. దీంట్లో కలిపి పెట్టుకున్న పన్నీర్ వేసి ఐదు నిమిషాలు అలాగే ఉడకనివ్వాలి. ఆ తర్వాత పాలు, వెన్న వేసి కలపాలి. పాలు ఇంకిపోయేవరకు సన్నని మంట మీద ఉండనివ్వాలి. చివరగా గరంమసాలా వేసి దించేయాలి. హాట్‌గా ఆరగిస్తే పన్నీర్ మక్‌మలాయ్ చాలా ఉంటుంది.

అచార్ పన్నీర్

11/1/2013

కావలసిన పదార్థాలు :
పన్నీర్ క్యూబ్స్ - ఒక కప్పు,
సోంపు గింజలు - ఒక టీ స్పూన్,
జీలకర్ర - అర టీ స్పూన్,
ఆవాలు - పావు టీ స్పూన్,
మెంతులు - 5,
ఇంగువ - అర టీ స్పూన్,
మామిడికాయ పచ్చడి (ముక్కలు లేకుండా) - 2 స్పూన్స్,
ఉల్లిగడ్డ - 1,
కారం - అర టీ స్పూన్,
పసుపు - పావు టీ స్పూన్,
పెరుగు - 3/4 కప్పు,
మైదా - ఒక టీ స్పూన్,
కొత్తిమీర - ఒక కట్ట,
ఉప్పు, నూనె - తగినంత

తయారు చేసే విధానం :
ఒక గిన్నెలో జీలకర్ర, సోంపు గింజలు, ఆవాలు, మెంతులు, ఇంగువ వేసి కలపాలి. ఇప్పుడు కడాయిలో కొద్దిగా నూనె పోసి ఆ పోపుగింజలను వేయించాలి. ఆ తర్వాత ఉల్లిపాయముక్కలు బ్రౌన్ కలర్ వచ్చేవరకు వేగనివ్వాలి. ఇందులో పన్నీర్ క్యూబ్స్, పసుపు, కారం, పచ్చడి, ఉప్పు వేసి సన్నని మంట మీద ఉంచాలి. ఐదు నిమిషాల తర్వాత పెరుగు, మైదా వేసి మరికాసేపు కలపాలి. చివరగా కొత్తిమీర వేసి దించేయాలి. అచార్ పన్నీర్ చపాతీల్లోకి చాలా బాగుంటుంది.

బీరకాయ పల్లీ మసాలా

10/31/2013

కావలసినవి:
బీరకాయ (పెద్దది) - ఒకటి,
ఉల్లిపాయ (పెద్దది, తరిగి) - ఒకటి,
వేగించిన పల్లీలు - రెండు టేబుల్ స్పూన్లు,
ఎండుమిర్చి - ఐదు,
ఉప్పు - రుచికి సరిపడా,
నూనె - ఒక టేబుల్ స్పూన్.
తాలింపుకు:
నువ్వుల నూనె - ఒక టేబుల్ స్పూన్,
ఆవాలు, జీలకర్ర, మినపప్పు, ఇంగువ - ఒక్కో టీస్పూన్.

తయారీ:
బీరకాయ చెక్కు తీసేసి సన్నగా తరగాలి. వేగించిన పల్లీలు, ఎండుమిర్చి, ఉప్పు కలిపి మెత్తగా గ్రైండ్ చేయాలి. గిన్నెలో నూనె వేడిచేసి తాలింపు వేయాలి. ఇందులో తరిగిన ఉల్లిపాయ ముక్కలు వేసి వేగిన తరువాత తరిగిన బీరకాయ ముక్కలు, కొద్దిగా ఉప్పు వేసి ముక్కలు మెత్తగా అయ్యే వరకు ఉడికించాలి. (నీళ్లు పోయొద్దు. ఉడికేటప్పుడు బీరకాయ ముక్కల నుంచి నీరు వస్తుంది.) చివరగా గ్రైండ్ చేసి పెట్టుకున్న పల్లీ పొడి కలిపి కొన్ని నిమిషాల తరువాత స్టవ్ పైనుంచి గిన్నె దింపేయాలి. ఈ కూరని వేడివేడిగా అన్నం, రోటీ, పరాఠాల్లో తింటే బాగుంటుంది.

టొమాటో గుత్తికూర

10/26/2013

కావలసినవి:
టొమాటోలు - 250 గ్రా (గాట్లు పెట్టాలి);
ఉల్లిపాయలు - 2;
కొబ్బరిపొడి - 2 టేబుల్‌స్పూన్లు;
జీలకర్ర పొడి - 1/2 టీ స్పూన్;
మెంతిపొడి - 1/4 టీ స్పూన్;
పల్లీలు - 3 టేబుల్ స్పూన్లు;
పల్లీలు - 3 టేబుల్ స్పూన్లు;
నువ్వులు - 2 టేబుల్ స్పూన్లు;
చింతపండు పులుసు - 1/4 కప్పు;
ఉప్పు - తగినంత;
కారం - టీ స్పూన్;
ధనియాల పొడి - టేబుల్ స్పూన్;
అల్లం వెల్లుల్లి ముద్ద - టీస్పూన్;
కరివేపాకు - 1 రెమ్మ;
నూనె - 3 టేబుల్ స్పూన్లు

తయారి:
ఉల్లిపాయలు సన్నగా తరిగిపెట్టుకోవాలి. పల్లీలు, నువ్వులు (నూనె లేకుండా) కొద్దిగా వేయించి, పొడి చేసుకోవాలి. నూనె వేడి చేసి, ఉల్లిపాయలు వేసి మెత్తబడేవరకు వేయించాలి. మిక్సీలో... ముందుగా తయారుచేసి ఉంచుకున్న పొడి, చింతపండు పులుసు, పసుపు, ఉప్పు, కారం, ధనియాల పొడి, జీలకర్ర పొడి, మెంతిపొడి వేసి మెత్తగా గ్రైండ్ చేసుకోవాలి. బాణలిలో నూనె వేసి కాగాక, గాట్లు పెట్టి ఉంచుకున్న టొమాటో లను మగ్గనివ్వాలి. తరవాత గ్రైండ్ చేసిపెట్టుకున్న మసాలాపేస్ట్, కొద్దిగా నీరు కలిపి చిక్కగా చేసి ఈ టొమాటోల మీద పోసి కలిపి మూతపెట్టి, మంట తగ్గించాలి. నూనె తేలేవరకు ఉడికించి, కొత్తిమీర తో గార్నిష్ చేయాలి.

మిర్చి కా సాలన్

10/25/2013

మిర్చి కా సాలన్ చేయడానికి కావలసిన వస్తువులు:
మిరపకాయలు – 250 గ్రాములు
చింతపండు పులుసు – 1/4 కప్పు
పసుపు – 1/4 టీస్పూన్
కారం పొడి – 1 టీస్పూన్
ఉప్పు – తగినంత
కొబ్బరి పొడి – 3 టేబుల్ స్పూన్స్
జీలకర్ర పొడి – 1/2 టీస్పూన్
మెంతి పొడి – 1/4 టీస్పూన్
పల్లీల పొడి – 2 టేబుల్ స్పూన్స్
నువ్వుల పొడి – 2 టేబుల్ స్పూన్స్
ఎర్రగా వేయించిన ఉల్లిపాయలు – 2 టేబుల్ స్పూన్స్
అల్లం వెల్లుల్లి పేస్ట్ – 1 టీస్పూన్
జీలకర్ర – 1/4 టీస్పూన్
గరం మసాలా పొడి – 1 టీస్పూన్
మెంతులు – చిటికెడు
నూనె – 4 టేబుల్ స్పూన్స్

ఈ కూర కోసం బజ్జీ మిరపకాయలను వాడాలి. రుచి బావుంటుంది. మిరపకాయలను మధ్యలో చాకుతో కాటు పెట్టి గింజలు తీసేయాలి. ఇలా చేయడం వల్ల మిరపకాయలలో కారం తగ్గుతుంది.
ప్యాన్‌లో నూనె వేడి చేసి మిరపకాయలను కొద్దిగా మెత్తబడేవరకు వేయించాలి. ఒక గిన్నెలో చింతపండు పులుసు, వేయించిన ఉల్లిపాయలు,అల్లం వెల్లుల్లి పేస్ట్, కారంపొడి, కొబ్బరి పొడి, పసుపు, ఉప్పు, పల్లీలపొడి, నువ్వుల పొడి, జీలకర్ర , మెంతిపొడి వేసి బాగా కలిపి ఉంచాలి.
ఇందాక మిరపకాయలు వేయించిన ప్యాన్ లోనే నూనె వేడి చేసి జీలకర్ర, మెంతులు వేసి ఎర్రబడ్డాక పొడులన్నీ కలిపిన చింతపండు పులుసు కప్పుడు నీళ్లు పోసి నిదానంగా మరిగించాలి.
పులుసు, పొడులు ఉడికి కమ్మటి వాసన వస్తుండగా వేయించిన మిరపకాయలు, గరం మసాలా పొడి వేసి మరో ఐదునిమిషాలు మసాలాలో ఉడకనిచ్చి నూనె తేలగానే దింపేయాలి.
కమ్మటి , ఘాటైన మిర్చి కా సాలన్ తయారైంది. ఈజీగా ఉంది కదా.. ఈ కూర బిరియాని. వెజ్ ఫ్రైడ్ రైస్, పులావ్ లకు, రొట్టెలకు కూడా బావుంటుంది.

ఆలూ గోబీ

10/23/2013

కావలసిన పదార్థాలు :
కాలీఫ్లవర్ - 1,
ఆలుగడ్డలు - 4,
టమాటా - 1,
పసుపు - ఒక టీ స్పూన్,
కారం - అర టీ స్పూన్,
కొత్తిమీర - పావు కట్ట,
ధనియాల పొడి - ఒక టీ స్పూన్,
ఉప్పు, నూనె - తగినంత

తయారు చేసే విధానం :

కాలీఫ్లవర్, ఆలుగడ్డలను బాగా కడిగి చిన్న ముక్కలుగా కట్ చేసుకోవాలి.
కడాయిలో నూనె పోసి కాలీఫ్లవర్, ఆలుగడ్డలను వేసి వేయించాలి.
పది నిమిషాల తర్వాత టమాటా ముక్కలు, పసుపు, ధనియాల పొడి, కారం వేసి సన్నని మంట మీద వేగనివ్వాలి. మరో ఐదు నిమిషాల తర్వాత కొత్తిమీర వేసి దించేయాలి. నోరూరించే.. ఆలూ గోబీ రెడీ!

మలై మటర్ పనీర్

10/20/2013

కావలసిన పదార్థాలు ....
పనీర్‌ 250 గ్రాములు,
ఉడికించిన పచ్చి బఠాణీలు రెండు కప్పులు
మీగడ పావు కప్పు ,
పెరుగు అర కప్పు
ఉల్లిపాయ పేస్ట్‌ 2 టేబుల్‌ స్పూన్‌,
ధనియాల పొడి 1 టేబుల్‌ స్పూన్‌,
ఆవాల పొడి 1/2 టీస్పూన్‌,
కారం 1/2 టీ స్పూన్‌,
కొత్తి మీర , పసుపు, ఉప్పు , గరం మసాల పొడి , తగినంత నూనె,

తయారు చేసే విధానం :
పనీర్‌ను పెద్ద పెద్ద ముక్కలుగా తరుక్కోవాలి. ఒక చిటికెడు ఉప్పు వేసి పెరుగును మిక్సీలో వేసి తిప్పి పక్కన పెట్టుకోవాలి. బాణలిలో కొంచెం నూనె వేసి ఉల్లిపాయ పేస్ట్‌ను ఒక నిమిషం పాటు వేయించాలి. దీనిలో అల్లం వెల్లుల్లి పేస్ట్‌ వేసి రెండు నిమిషాలు వేగనివ్వాలి. ధనియాల పొడి, కారం పొడి, ఆవపొడి, పసుపు,ఉప్పు వేసి కలుపుతూ ఐదు నిమిషాల సేపు బాగా వేగనివ్వాలి. ఇందులో పెరుగు పోసి ఒక నిమిషం పాటు కలపాలి. తర్వాత మీగడ , తరిగి పెట్టుకున్న పనీర్‌ ముక్కలు, ఉడక బెట్టి బఠాణీలు వేసి కాస్త నీరు పోసి బాణలిపై మూత పెట్టాలి. ఐదు నుంచి ఎనిమిది నిమిషాల పాటు ఉడికించిన తర్వాత దానిని వేరొక గిన్నెలో వేసి గరం మసాల పొడి వేసి కొత్తిమీరతో అలంకరించాలి. మటర్‌ పనీర్‌ రెడీ. అన్నంతో, చపాతితో తింటే చాలా రుచిగా ఉంటుంది.

పాలక్ మీల్‌మేకర్

10/20/2013

కావలసిన పదార్థాలు :
పాలకూర 2 కప్పులు,
మీల్ మేకర్ కీమా -1/2 కప్పు,
ఉల్లిపాయ 1,
పసుపు 1/ స్పూన్,
కారం పొడి స్పూన్,
ఉప్పు తగినంత,
గరం మసాలా పొడి -1/ స్పూన్,
కరివేపాకు -2 రెబ్బలు,
అల్లం ముద్ద -1 స్పూన్,
నెయ్యి -1 స్పూన్,
నూనె -3 స్పూన్

తయారు చేసేవిధానం :

మీల్‌మేకర్‌ని వేడి నీళ్లలో వేసి పదినిమిషాలపాటు ఉంచాలి. తర్వాత నీరంతా పిండేసి పాన్‌లో నెయ్యి వేసి వేడయ్యాక మీల్‌మేకర్ వేసి కొద్దిగా వేయించాలి. దీనివల్ల మీల్‌మేకర్‌కు మంచి వాసన వస్తుంది.
పాలకూర కడిగి సన్నగా తరిగి పక్కన పెట్టుకోవాలి. ఒక గిన్నెలో నూనె వేడి చేసి సన్నగా తరిగిన ఉల్లిగడ్డముక్కలు వేసి మెత్తబడేవరకు వేయించాలి.
తర్వాత పసుపు, కరివేపాకు, అల్లంవెల్లుల్లి ముద్ద వేసి కొద్దిగా వేయించి తరిగిన పాలకూర, ఉప్పు, కారం పొడి వేసి కలిపి మూతపెట్టాలి.
చిన్నమంట మీద పాలకూర మొత్తం ఉడికేవరకు ఉంచి వేయించుకున్న మీల్ మేకర్, గరం మసాలా పొడి వేసి బాగా కలియబెట్టి మరికొద్దిసేపు మగ్గనివ్వాలి. ఈ కూర అన్నం, రొట్టెల్లోకి బాగుంటుంది.