క్యారెట్ మురబ్బా

కావలసిన పదార్థాలు :
క్యారెట్        -          అరకేజీ 
చక్కెర        -          పావుకేజీ 
నిమ్మరసం   -          పావు కప్పు 






తయారుచేసే పద్ధతి :

• క్యారెట్లను కడిగి చక్రాల్లా తరిగి ఫోర్క్ తో మధ్యలో రంద్రం చేయాలి. ఈ ముక్కల్ని ఐదు నిముషాలు ఉడికించుకొని నీళ్ళు వంపేసి గిన్నెలోకి తీసుకోవాలి. 
  
• ఓ గిన్నెలో చక్కెర తీసుకొని పావు గ్లాసు నీళ్ళు పోసి తీగ పాకం రానివ్వాలి. అందులో క్యారెట్ ముక్కలు కూడా వేసి మంట తగ్గించాలి. ముదురు పాకం వచ్చి, ఆ తీపి క్యారెట్ ముక్కలకి పట్టిందని నిర్ధారించుకున్నాక దింపేయాలి. నిమ్మరసం కూడా కలిపి, చల్లారనిచ్చి గాలి తగలని, తడి లేని డబ్బాలోకి తీసుకుంటే సరిపోతుంది. తియ్యగా, పుల్లగా క్యారెట్ మురబ్బా అప్పుడప్పుడు చప్పరించేందుకు సిద్దం.
  

మూలం : ఈనాడు వసుంధర 

---