Blog Archives

సాంబారు పొడి

9/30/2013

కావలసిన పదార్థాలు :
కందిపప్పు - 100 గ్రా.
ఎండుమిర్చి - 50 గ్రా.
ధనియాలు - 50 గ్రా.
శనగపప్పు - 25 గ్రా.
మినప్పప్పు - 25 గ్రా.
బియ్యం - 10 గ్రా.
జీలకర్ర - 2 టీ స్పూన్లు
మిరియాలు - టీ స్పూను
ఎండుకొబ్బరి - రెండు టీ స్పూన్లు
మెంతులు - టీ స్పూను
పసుపు - చిటికెడు
నూనె - టీ స్పూను
ఉప్పు - కొద్దిగా

తయారి:
బాణలిలో టీ స్పూను నూనె వేసి కాగాక, పైన చెప్పిన పదార్థాలను విడివిడిగా వేయించి పక్కన ఉంచాలి. చల్లారాక కొద్దిగా ఉప్పు జత చేసి అన్నిటినీ మిక్సీలో వేసి మెత్తగా పొడి చేసుకోవాలి.

0 Comments

గుమ్మడి సాంబార్

9/26/2013

0 Comments

కావలసినవి:
తీపిగుమ్మడికాయ ముక్కలు - ఒక కప్పు
ఉల్లిపాయలు - మూడు;
చింతపండు - నిమ్మకాయంత (నానబెట్టి రసం తీయాలి);
పచ్చిమిర్చి - 6;
పసుపు - చిటికెడు;
ఉప్పు - తగినంత;
కారం - అర టీ స్పూను;
బియ్యప్పిండి - టీ స్పూను;
మెంతులు - ఐదారు గింజలు;
ఆవాలు - అర టీ స్పూను;
నూనె - టీ స్పూను;
కరివేపాకు - రెండు రెమ్మలు
ఇంగువ - చిటికెడు

తయారి:

ఒక పాత్రలో గుమ్మడికాయ ముక్కలు, ఉల్లి తరుగు, పచ్చిమిర్చి, మెంతులు, నీరు, ఉప్పు వేసి స్టౌ మీద ఉంచి, ముక్కలు మెత్తబడే వరకు ఉడికించాలి.
పసుపు, కారం, చింతపండు రసం, రెండు కప్పుల నీరు జత చేసి, బాగా కలపాలి.
ఒక చిన్న గిన్నెలో కొద్దిగా నీరు, బియ్యప్పిండి బాగా కలిపి, ఉడుకుతున్న సాంబార్‌లో వేసి పదినిముషాలు ఉంచాలి.
బాణలిలో నూనె కాగాక ఆవాలు, జీలకర్ర, ఎండుమిర్చి, కరివేపాకు వేసి వేయించి, సాంబార్‌లో వేయాలి.
చివరగా సాంబార్ పొడి, కొత్తిమీర వేసి ఒక్క పొంగు రానిచ్చి దించేయాలి.

0 Comments

మిక్స్ వెజ్ పులుసు

9/23/2013

0 Comments

కావలసిన పదార్థాలు :
ఉల్లిపాయ - 1
టమాటాలు - 2
వంకాయలు - 4
సొరకాయ ముక్కలు - 1/2 కప్పు
మునక్కాయలు - 2
గుమ్మడికాయ ముక్కలు - 1/2 కప్పు
పసుపు - 1/4 టీ.స్పూ.
కారం పొడి - 1 టీ.స్పూ.
చింతపండు పులుసు - 1/2 కప్పు
ఉప్పు - తగినంత
గరం మసాలా పొడి - 1/4 టీ.స్పూ.
కరివేపాకు - 2 రెబ్బలు
కొత్తిమీర - కొద్దిగా
నూనె - 4 టీ.స్పూ.
ఎండుమిర్చి - 3
ఆవాలు, జీలకర్ర - 1/4 టీ.స్పూ.

తయారుచేసే పద్ధతి :
టమాటాలు, వంకాయ, సొరకాయ, గుమ్మడికాయ, మునక్కాయలు అన్నీ ఒకే సైజులో ముక్కలు చేసుకోవాలి. పాన్లో నూనె వేడి చేసి సన్నగా తరిగిన ఉల్లిపాయ, కరివేపాకు వేసి మెత్తబడేవరకు వేయించాలి. ఇందులో పసుపు, కూరగాయ ముక్కలు వేసి కలిపి మూత పెట్టాలి. ముక్కలు మగ్గిన తర్వాత కారం పొడి, తగినంత ఉప్పు, కప్పుడు నీళ్లు పోసి మూత పెట్టి ఉడికించాలి. ముక్కలు ఉడికిన తర్వాత పులుసు, గరం మసాలా వేసి కలిపి మరికొద్దిసేపు ఉడికించాలి. ఇది మరీ పలచగా కాకుండా, మరీ చిక్కగా కాకుండా ఉండాలి. చిన్న గరిట లేదా పాన్లో చెంచాడు నూనె వేడి చేసి ఎండుమిర్చి, ఆవాలు, జీలకర్ర వేసి చిటపటలాడాక ఉడికిన పులుసులో వేసి, కొత్తిమీర చల్లి దింపేయాలి.

0 Comments

బూందీ రైతా

9/17/2013

0 Comments

కావలసిన పదార్ధాలు:
బూందీ: 100 గ్రా.
పెరుగు: 1 కప్పు
ఉప్పు: తగినంత
వేయించిన జీలకర్ర పొడి:
1/2 టీ స్పూను
కొత్తిమీర తరిగినది:
2 టేబుల్‌ స్పూన్లు
కారం: 1/2 టీ స్పూన్‌

తయారు చేసే విధానం:

పెరుగును చిక్కగా చిలుక్కోవాలి.
దానిలో ఉప్పు, వేయించిన జీలకర్ర పొడి, తరిగిన కొత్తిమీర ఆకులలో సగం వేయాలి. అందులో బూందీ వేసి గరిటతో బాగా కలపాలి.
తర్వాత మిగిలిన జీలకర్ర పొడి, కొత్తిమీర ఆకులు, కారం వేసి సర్వ్‌ చేయడమే. దీనిని కాసేపు ఫ్రిజ్‌లో ఉంచి చల్ల చల్లగా తింటే చాలా బాగుంటుంది.

మూలం : సూర్య దినపత్రిక

0 Comments

సాంబారు పొడి

గుమ్మడి సాంబార్

మిక్స్ వెజ్ పులుసు

బూందీ రైతా

Author

Archives

Categories