రాగి సరిగ

కావలసిన పదార్థాలు :
బియ్యం నూకలు  -       రెండు కప్పులు 
రాగి పిండి          -        ఒకటిన్నర కప్పు 
పెరుగు              -        అరకప్పు 
ఉల్లిపాయ          -        ఒకటి (పెద్దది)
పచ్చిమిరపకాయలు -   మూడు 
ఉప్పు               -        తగినంత 


తయారుచేసే పద్ధతి :

• ముందుగా ఒక పాత్రలో రాగిపిండి తీసుకొని అందులో నీళ్ళు కలిపి సుమారు 12 గంటల సేపు ఊరబెట్టాలి. రాగిపిండి జావ బాగా పులవాలి. 
  
• తర్వాత నూకలు శుభ్రం చేసుకొని అందులో ఉప్పు, తగినన్ని నీళ్ళు పోసి స్టవ్ మీద ఉడికించాలి. అర్ధ భాగం ఉడికిన తర్వాత పులిసి ఉన్న రాగి పిండిని జావాను అందులో పోయాలి. తర్వాత మరో పది నిముషాలు ఉడికించాలి. 
  
• చల్లారిన తర్వాత కావలసినన్ని నీళ్ళు పోసుకొని బాగా కలుపుకోవాలి. చివరిగా ఆ జావలో పెరుగు, ఉల్లిపాయ ముక్కలు చేర్చుకోవాలి. అంతే రాగి సరిగ రెడీ. 
  
• ఇది వేసవి తాపాన్ని తీరుస్తుంది. ఇందులో కారం కావాలనుకునే వారు పచ్చిమిరపకాయ ముక్కలు వేసుకోవచ్చు. శీతల పానీయాలకంటే సాంప్రదాయబద్దమైనది. చిన్నారులకు ఈ సరిగ ఆకలి తీర్చడమే కాకుండా మంచి శక్తిని ఇస్తుంది. ఇది తెలుగింటి వేసవి స్పెషల్.
  

మూలం : సాక్షి దినపత్రిక 

---