చికెన్ స్టఫ్‌డ్ బ్రెడ్ రోల్స్

కావలసిన పదార్థాలు :
బోన్‌లెస్ చికెన్   - 100 గ్రా. (ఉడికించి, మెత్తగా చేసుకోవాలి)
అల్లంవెల్లుల్లి పేస్ట్ - టీ స్పూన్
పసుపు             - అర టీ స్పూను
కారం                 - టీ స్పూను
జీలకర్ర పొడి        - టీ స్పూన్
ధనియాలపొడి    - అర టీ స్పూన్
గరంమసాలా      - టీ స్పూన్
ఉప్పు                - తగినంత
 కోడిగుడ్లు           - 2
బ్రెడ్ క్రంబ్స్        - కప్పు
నిమ్మరసం        - 2 టీ స్పూన్లు
బంగాళదుంప    - 1 (ఉడికించి, మెత్తగా చేయాలి)

తయారుచేసే పద్ధతి:

• ఒక పాత్రలో ఉడికించిన బోన్‌లెస్ చికెన్, పసుపు, కారం, జీలకర్రపొడి, ధనియాలపొడి, ఉప్పు, గరంమసాలా, నిమ్మరసం వేసి బాగా కలిపి అరగంటసేపు ఊరనివ్వాలి.
  
• స్టౌ మీద బాణలి ఉంచి వేడ య్యాక రెండు టేబుల్ స్పూన్ల నూనె వేసి కాగనివ్వాలి.
  
• చికెన్ మిశ్రమం వేసి బాగా వేయించాలి.
  
• మిశ్రమం బాగా దగ్గరపడ్డాక, బంగాళదుంప ముద్ద వేసి కలపాలి.
  
• బ్రెడ్ అంచులను కట్ చేసి, నీటితో కొద్దిగా తడి చేయాలి.
  
• తయారు చేసి ఉంచుకున్న మిశ్రమం బ్రెడ్ మీద ఉంచి రోల్ చేయాలి.
  
• ఒక గిన్నెలో కోడిగుడ్ల సొన వేసి గిలక్కొట్టి ఒక ప్లేట్‌లో పోయాలి.
  
• మరో ప్లేట్‌లో బ్రెడ్ క్రంబ్స్ వేయాలి.
  
• బ్రెడ్ రోల్స్‌ని ముందుగా కోడిగుడ్డు సొనలో దొర్లించి ఆ తరువాత బ్రెడ్‌క్రంబ్స్ పొడిలో దొర్లించాలి.
  
• స్టౌ  మీదపాన్ ఉంచి అందులో నూనె పోసి కాగాక, వీటిని ఒక్కటొక్కటిగా వేస్తూ చిన్నమంట మీద వేయించాలి.
  
• బాగా వేగాక తీసి, సాస్‌తో కాని, చట్నీతో కాని సర్వ్ చేయాలి.
  

  
మూలం : సాక్షి దినపత్రిక

---