telugutaruni.weebly.com
  • Home
  • వంటకాలు (Cookeries)
    • ఫలహారాలు (Tiffins)
    • శాకాహారం (Veg)
    • బియ్యపు వంటలు (Rice items)
    • మాంసాహారం (Non-Veg)
    • పచ్చళ్ళు (chutneys)
    • వడియాలు
    • పండ్ల రసాలు (Juices)
    • స్వీట్స్ (Sweets)
    • చిరుతిళ్ళు (Snacks)
    • గ్రేవీ ఐటమ్స్
    • సూప్స్ (Soops)
    • కొత్త కొత్తగా
  • చిట్కాలు (Tips)
    • వంటింటి చిట్కాలు ( Kitchen Tips)
    • ఆరోగ్య చిట్కాలు (Health Tips)
    • సౌందర్య చిట్కాలు (Beauty Tips)
  • మహిళా లోకం
    • ఆదర్శ మహిళలు
    • శభాష్ మహిళా..
  • విహారయాత్ర

రొయ్యల పచ్చడి 

5/24/2013

0 Comments

 
కావలసిన పదార్థాలు :

రొయ్యలు                 :           అర కిలో 
వెల్లుల్లి పేస్ట్              :           ఒక టేబుల్ స్పూన్ 
కారం                      :            అరకప్పు 
ఉప్పు                     :            ఒక టేబుల్ స్పూన్ 
లవంగాల పొడి          :             అర చెంచ 
నూనె                     :            అరకిలో 
నిమ్మకాయ             :            1

తయారుచేసే పద్ధతి :

             రొయ్యలు వాసనా పోవాలంటే ముందుగా రెండు నిముషాలు వేడినీటిలో వేసి రెండు పొంగులు వచ్చాక తీసి  ఒక బట్ట మీద వేసి కాసేపు ఆరనివ్వాలి. మూకుడులో నూనె(డీప్ ఫ్రైకి సరిపడా) వేడి చేసుకొని రొయ్యలను వేయించుకోవాలి. రొయ్యలు త్వరగా వేగిపోతాయి కనుక తొందరగా నూనెలో నుంచి  చిల్లుల గరిటెతో ఒక గిన్నెలోకి తీసుకోవాలి.  రొయ్యల పచ్చడిలో లవంగాల పొడి కాస్త ఎక్కువగా, కారం కాస్త తక్కువగా వేస్తే బాగుంటుంది. మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి. స్టవ్ తక్కువ మంట మీద పెట్టుకొని ఆ మూకుడు పెట్టి, అందులో నూరిన వెల్లుల్లి ముద్ద,లవంగాల పొడి, కారం, ఉప్పు వేసుకోవాలి. స్టవ్ ఆర్పీవెసి, గిన్నెలోకి తీసుకున్నరొయ్యలను వేసి బాగా కారం పట్టేలా కలపాలి.  వేడి తగ్గిన తరువాత నిమ్మకాయరసం పిండాలి. 

మూలం: ప్రజశక్తి ఆదివారం 
0 Comments

మటన్ పచ్చడి 

5/24/2013

1 Comment

 
కావలసిన పదార్థాలు :

బోన్ లెస్ మటన్       :           కిలో 
అల్లం,వెల్లుల్లి పేస్ట్      :           ఒక టేబుల్ స్పూన్ 
కారం                      :            అరకప్పు 
ఉప్పు                     :            ఒక టేబుల్ స్పూన్ 
లవంగాల పొడి          :             అర చెంచ 
నూనె                     :            అరకిలో 
నిమ్మకాయ             :            1

తయారుచేసే పద్ధతి :

              మటన్ ముక్కలు కడిగి చిన్న ముక్కలుగా కట్ చేసి ఒక బట్ట మీద వేసి కాసేపు ఆరనివ్వాలి. మూకుడులో నూనె(డీప్ ఫ్రైకి సరిపడా) వేడి చేసుకొని మటన్ ముక్కలు వేయించుకోవాలి. మటన్ ముక్క ఉడకడానికి కొంచెం ఎక్కువ టైం పడుతుంది. ముక్క ఉడికింది లేనిది చూసుకొని, నూనెలో నుంచి  చిల్లుల గరిటెతో ఒక గిన్నెలోకి తీసుకోవాలి.  స్టవ్ ఆర్పివేయాలి.  మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి. స్టవ్ తక్కువ మంట మీద పెట్టుకొని ఆ మూకుడు పెట్టి, అందులో నూరిన అల్లం, వెల్లుల్లి ముద్ద,లవంగాల పొడి, కారం, ఉప్పు వేసుకోవాలి. స్టవ్ ఆర్పివేసి   గిన్నెలోకి తీసుకున్న మటన్ ముక్కలను వేసి అన్ని ముక్కలకు కారం పట్టేలా కలపాలి.  వేడి తగ్గిన తరువాత నిమ్మకాయరసం పిండాలి. 

మూలం: ప్రజశక్తి ఆదివారం 
1 Comment

చేపల పచ్చడి

5/24/2013

0 Comments

 
కావలసిన పదార్థాలు :

చేపముక్కలు            :           అరకిలో 
వెల్లుల్లి                     :           ఒక గడ్డ (రుబ్బుకోవాలి)
కారం                      :            అరకప్పు 
ఉప్పు                     :            ఒక టేబుల్ స్పూన్ 
లవంగాలు               :             2
యాలకులు             :             1
దాల్చిన చెక్క           :             ఒక చిన్న ముక్క 
నూనె                     :            అరకిలో 
నిమ్మకాయ             :            1

తయారుచేసే పద్ధతి :

         ముందుగా లవంగాలు, యాలకులు, దాల్చినచెక్క పొడి కొట్టి మసాలా తయారుచేసుకోవాలి. తర్వాత చేప  ముక్కలు కడిగి చిన్న ముక్కలుగా కట్ చేసి ఒక బట్ట మీద వేసి నీరు కాస్త ఇంకిపోయేలా ఆరనివ్వాలి. మూకుడులో నూనె(డీప్ ఫ్రైకి సరిపడా) వేడి చేసుకొని చేప ముక్కలు వేయించుకోవాలి. మరీ ఎక్కువగా వేగితే ముక్కలు పొడిపొడిగా తునిగిపోతాయి కనుక ముక్క ఉడికితే సరిపోతుంది. చిల్లుల గరిటెతో ఒక గిన్నెలోకి తీసుకోవాలి.  స్టవ్ ఆర్పివేయాలి.  మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి. ఇది వేడిగా ఉంటుంది కాబట్టి ఇందులో నూరిన వెల్లుల్లి ముద్ద, ఇష్టమైతే కరివేపాకు, మసాలా పొడి, కారం, ఉప్పు వేసి గిన్నెలోకి తీసుకున్న చేప ముక్కలను కూడా ఇందులో వేయాలి. గరిటెతో బాగా కలిపి వేడి తగ్గిన తరువాత నిమ్మకాయరసం పిండాలి. 

మూలం: ప్రజశక్తి ఆదివారం 
0 Comments

చికెన్ పచ్చడి 

5/24/2013

0 Comments

 
కావలసిన పదార్థాలు :

బోన్ లెస్  చికెన్        :           అరకిలో 
వెల్లుల్లి                     :           ఒక గడ్డ (రుబ్బుకోవాలి)
కారం                      :            అరా కప్పు 
ఉప్పు                     :            ఒక టేబుల్ స్పూన్ 
లవంగాలు               :             2
యాలకులు             :             1
దాల్చిన చెక్క           :             ఒక చిన్న ముక్క 
నూనె                     :            అరకిలో 
నిమ్మకాయ             :            1

తయారుచేసే పద్ధతి :

            ముందుగా లవంగాలు, యాలకులు, దాల్చినచెక్క పొడి కొట్టి మసాలా తయారుచేసుకోవాలి. తర్వాత చికెన్ ముక్కలు కడిగి ఒక బట్ట మీద వేసి కాసేపు ఆరనివ్వాలి. మూకుడులో నూనె(డీప్ ఫ్రైకి సరిపడా) వేడి చేసుకొని చికెన్ ముక్కలు వేయించుకోవాలి. చికెన్ ముక్క నూనెలో ఉడికింది లేనిది చూసుకొని (మరి గట్టిపడకుండా) చిల్లుల గరిటెతో ఒక గిన్నెలోకి తీసుకోవాలి.  స్టవ్ ఆర్పివేయాలి.  మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి. ఇది వేడిగా ఉంటుంది కాబట్టి ఇందులో నూరిన వెల్లుల్లి ముద్ద, ఇష్టమైతే కరివేపాకు, మసాలా పొడి, కారం, ఉప్పు వేసి గిన్నెలోకి తీసుకున్న చికెన్ ముక్కలను కూడా ఇందులో వేయాలి. గరిటెతో బాగా కలిపి వేడి తగ్గిన తరువాత నిమ్మకాయరసం పిండాలి. ఇది బాటిల్ లోకి తీసుకొని పెడితే నెల రోజులు నిల్వ ఉంటుంది.

మూలం: ప్రజశక్తి ఆదివారం 
0 Comments

ఎగ్ డ్రాప్ కర్రీ 

5/14/2013

1 Comment

 
కావలసిన పదార్థాలు :

గుడ్లు                   -               4
నెయ్యి                  -               టేబుల్ స్పూన్ 
ఉల్లిపాయ             -               ఒకటి 
వెల్లుల్లి రెబ్బలు     -                2
కొబ్బరి పాలు        -               అర కప్పు 
 ఉప్పు                 -              తగినంత 
టమాటా               -               1

మసాలా కోసం :
కాశ్మీరీ మిర్చి         -           6
ధనియాలు            -           2 టీ స్పూన్లు 
జీలకర్ర                 -           టీస్పూన్ 
పసుపు                -           అరటీస్పూన్
కొబ్బరి తురుము   -            4 టేబుల్ స్పూన్లు 
చింతపండు           -            నిమ్మకాయంత 
వెల్లుల్లి రెబ్బలు      -            రెండు 

తయారుచేసే పద్ధతి :


                 ముందుగా మసాలా కోసం తీసుకున్నవన్ని మిక్సీలో వేసి కొద్దిగా నీళ్ళు చిలకరించి మెత్తగా రుబ్బాలి. వెడల్పాటి పాన్ లో నూనె వేసి కాగాక ఉల్లిపాయ ముక్కలు, వెల్లుల్లి రెబ్బలు వేసి వేయించాలి. తర్వాత టమాటా ముక్కలు వేయాలి. వేగాక మసాలా వేసి బాగా కలపాలి. ఇప్పుడు చిటికెడు ఉప్పు వేసి కాసేపు ఉడికించుకోవాలి. తర్వాత కప్పు నీళ్ళు పోసి ఉడికించుకోవాలి. ఇప్పుడు గుడ్లను పగలకొట్టి సొనను జాగ్రత్తగా కూరలో వేయాలి. ఈ సొనలు ఒకదానికొకటి తగలకుండా, చెదిరిపోకుండా జాగ్రత్తగా వేయాలి. ఇప్పుడు నెమ్మదిగా ఓ స్పూన్ గ్రేవీ ని గుడ్ల సొన మీద వచ్చేలా కప్పాలి. ఇప్పుడు సొనలు ఉడికే వరకు కదపకుండా ఉడికించుకోవాలి. తర్వాత కొబ్బరి పాలు పోసి మెల్లగా కలపాలి. గుడ్లు పూర్తిగా ఉడికాయి అనుకున్న తర్వాత కొత్తిమీర తురుము చల్లి దించాలి. ఈ ఎగ్ డ్రాప్ కర్రీను గోవావాసులు ఎక్కువగా చేసుకుంటారు.

మూలం : ఈనాడు ఆదివారం పుస్తకం               
1 Comment

ఎగ్ బిర్యానీ 

5/14/2013

0 Comments

 
కావలసిన పదార్థాలు :

గుడ్లు                   -               8
నెయ్యి                  -               అర కప్పు 
ఉల్లిపాయ             -               ఒకటి 
వెల్లుల్లి రెబ్బలు     -                2
పలావ్ ఆకులు      -               రెండు 
దాల్చిన చెక్క        -               అంగుళం ముక్క 
నల్ల యాలకులు    -               2
పచ్చయాలకులు   -               4 
పసుపు               -              అర టీస్పూన్ 
కారం                  -               అర టీస్పూన్ 
బాస్మతి బియ్యం    -               2 కప్పులు 
గోరు వెచ్చని నీళ్ళు-               రెండున్నర కప్పులు 
 ఉప్పు                 -              తగినంత 
గరం మసాలా        -              టీస్పూన్ 
టమాటాలు          -               4
కొత్తిమీర తురుము -             2 టేబుల్ స్పూన్లు 


తయారుచేసే పద్ధతి :


               ముందుగా కోడిగుడ్లను ఉడికించి పెంకు తీసి పక్కన పెట్టుకోవాలి. బాణలిలో నెయ్యి లేదా నూనె వేసి ఉల్లిముక్కలు, వెల్లుల్లి రెబ్బలు వేసి వేయించాలి. తర్వాత పలావ్ ఆకులు, దాల్చిన చెక్క ముక్కలు, ఏలకులు వేసి వేయించాలి. ఇప్పుడు గుడ్లను వేసి కాసేపటి తర్వాత పసుపు, కారం వేసి 5 నిముషాలు వేయించుకోవాలి. ఇప్పుడు ముందుగానే కడిగి పెట్టుకున్న బాస్మతి బియ్యాన్ని వేసి జాగ్రత్తగా కలుపుకొని రెండు నిముషాలు వేయించుకోవాలి. తర్వాత నీళ్ళు పోసి ఉప్పు వేసి, గరం మసాలా కూడా వేసి కలిపి మూత పెట్టి మీడియం మంట మీద ఉడికించుకోవాలి. నీళ్లన్నీ ఇంకి బియ్యం ఉడికిన తర్వాత కొత్తిమీర తురుము చల్లి, టమాటా ముక్కలతో అలంకరించి వడ్డించాలి.


మూలం : ఈనాడు ఆదివారం పుస్తకం               
0 Comments

గుడ్డు కూర 

5/14/2013

0 Comments

 
కావలసిన పదార్థాలు :

గుడ్లు                   -               4
నూనె                  -               3 టేబుల్ స్పూన్లు 
ఉల్లిపాయ             -               ఒకటి 
గరం మసాలా        -               ముప్పావు టీస్పూన్ 
ధనియాల పొడి      -              అర టీస్పూన్ 
పచ్చిమిర్చి తురుము -           టీస్పూన్ 
పసుపు               -               టీస్పూన్ 
అల్లం                  -               అర అంగుళం ముక్క 
ఉప్పు                 -              తగినంత 
టొమాటో గుజ్జు      -              2 టేబుల్ స్పూన్లు 
పన్నీర్                -              పావుకిలో 
కొత్తిమీర తురుము -             2 టేబుల్ స్పూన్లు 
వెల్లుల్లి రెబ్బలు     -              4 
కారం                  -              2 టీస్పూన్లు 


తయారుచేసే పద్ధతి :


                ముందుగా కోడిగుడ్లను ఉడికించి పక్కన పెట్టుకోవాలి. పన్నీర్ ను ముక్కలుగా కోసి బంగారు వర్ణంలోకి మారేవరకు వేయించి పక్కన పెట్టుకోవాలి. తర్వాత ఉల్లిపాయ ముక్కలు, వెల్లుల్లి రెబ్బలు, అల్లం, పచ్చిమిర్చి అన్నీ కలిపి మెత్తగా రుబ్బుకోవాలి. ఇప్పుడు ఒక బాణలిలో నూనె వేసి ఉల్లిమసాల వేసి గోధుమ వర్ణంలోకి మారేవరకు వేయించుకోవాలి. తర్వాత ఉప్పు, పసుపు, ధనియాల పొడి వేసి ఓ నిమిషం వేయించాలి. తర్వాత టమాటా గుజ్జు కూడా వేసి నూనె తేలేవరకు వేయించాలి. తర్వాత కప్పు నీళ్ళు పోసి ఆవిరి అయి పోయే వరకు ఉడికించుకోవాలి. తర్వాత పన్నీర్ ముక్కలు, ఉడికించిన కోడిగుడ్లు వేసి కలపాలి. ఇప్పుడు మరో కప్పు నీళ్ళు పోసి పది నిముషాలు ఉడికించుకోవాలి. చివరగా గరం మసాలా, కొత్తిమీర తురుము చల్లి దించాలి.

మూలం : ఈనాడు ఆదివారం పుస్తకం             
0 Comments

అండా మసాలా 

5/14/2013

0 Comments

 
కావలసిన పదార్థాలు :

గుడ్లు                   -               4
నూనె                  -               టేబుల్ స్పూన్ 
జీలకర్ర                 -              టీస్పూన్ 
ఉల్లిపాయ             -               ఒకటి 
దాల్చిన చెక్క        -               3 అంగుళాల ముక్క 
ధనియాల పొడి      -              2 టీస్పూన్లు 
ఎండుమిర్చి పొడి    -              అర టీస్పూన్ (కచ్చాపచ్చాగా దంచినది)
పసుపు               -               అర టీస్పూన్ 
వెల్లుల్లి                -               రెండు రెబ్బలు 
ఉప్పు                 -              తగినంత 
టొమాటోలు         -              రెండు 
మంచి నీళ్ళు        -              కప్పు 
కొత్తిమీర తురుము -             టేబుల్ స్పూన్ 


తయారుచేసే పద్ధతి :
               
                 ముందుగా కోడిగుడ్లను ఉడికించి పెట్టుకోవాలి. తర్వాత పెంకు తీసి కాసేపు మంచినీళ్ళలో వేసి ఉంచాలి. ఇలా చేయడం వల్ల తెల్లసొన సాగకుండా ఉంటుంది. ఇప్పుడు ఒక పెనం తీసుకొని స్టవ్ మీద పెట్టి నూనె వేయాలి. కాగాక జీలకర్ర వేసి వేగిన తర్వాత ఉల్లిపాయ ముక్కలు వేసి వేయించుకోవాలి. కొద్దిసేపటి తర్వాత దాల్చిన చెక్క ముక్కలు వేయాలి. ఉల్లిపాయముక్కలు కొంచెం గోధుమ వర్ణంలోకి వచ్చిన తర్వాత ధనియాల పొడి, ఎండుమిర్చి పొడి, పసుపు, వెల్లుల్లి, ఉప్పు వేసి కలపాలి. రెండు నిమిషాల తర్వాత సిమ్ లో పెట్టి సన్నగా తరిగిన లేదా రుబ్బిన టమాటా గుజ్జు వేసి, నీళ్ళు పోసి మూత పెట్టి ఉడికించుకోవాలి. గ్రేవీ పచ్చి వాసన పోయి,మంచి వాసన వస్తూ దగ్గరగా ఉడికిన తరువాత గుడ్లను సగానికి కోసి కూరలో వేసి మరికాసేపు ఉడికించి దించుకోవాలి. చివరగా కొత్తిమీరతో గార్నిష్ చేసుకోవాలి.

మూలం : ఈనాడు ఆదివారం పుస్తకం               
0 Comments

చికెన్ లాలిపాప్ 

5/12/2013

0 Comments

 
కావలసిన పదార్థాలు :
చికెన్ లెగ్ ముక్కలు    -        అర కిలో 
ఉల్లిపాయలు               -        రెండు 
అల్లం                          -         చిన్న ముక్క 
వెల్లుల్లి రెమ్మలు          -         3 పాయలు 
మైదా పిండి                -          100 గ్రా.
కార్న్ ఫ్లోర్ పొడి           -          ఒక టేబుల్ స్పూన్ 
అల్లం వెల్లుల్లి పేస్ట్        -          ఒక టేబుల్ స్పూన్ 
నిమ్మకాయ               -          ఒకటి 
కారం                        -          2 స్పూన్లు 
అజినో మెటో పొడి       -           1 ప్యాకెట్ 
పచ్చిమిరపకాయలు  -           నాలుగు 
ఉప్పు                       -          తగినంత 


తయారుచేసే పద్ధతి :
ముందుగా చికెన్ లెగ్ ముక్కలను చర్మం లేకుండా చేసి శుభ్రపరచి పాత్రలో ఉంచాలి. కావలసిన పదార్థాలన్నింటిని తరిగి పెట్టుకొని, అల్లం వెల్లుల్లి పేస్ట్ లా చేసుకోవాలి. అనంతరం పాత్రలో ఉంచిన చికెన్ తో ఈ వస్తువులు అన్నింటిని కలపాలి. తరవాత స్టవ్ వెలిగించి బాణలి లో నూనె పోసి కాగిన తర్వాత చికెన్ ముక్కలు వేయించాలి. బాగా ఉడికిన తర్వాత ఒక ప్లేట్ లో తీసుకొని క్యారెట్, క్యాబేజీ తురుమును ఫైన వేయాలి. కరివేపాకు, టమాటోలు ఫైన ఉంచాలి. అంతే ఘుఘుమలాడే చికెన్ లాలిపాప్ రెడీ.  

మూలం : సాక్షి దినపత్రిక 
0 Comments

స్పైసీ ఎగ్ కర్రీ

5/6/2013

0 Comments

 
కావలసిన పదార్థాలు :
కోడిగుడ్లు                      :         నాలుగు
పచ్చిమిరపకాయలు      :         రెండు
ఉల్లిపాయలు                 :         రెండు పెద్దవి
టమోటాలు                   :         రెండు పెద్దవి
మిరియాల పొడి             :         అర టీస్పూన్
కారం పొడి                     :         అర టీస్పూన్
అల్లం                             :        చిన్న ముక్క
పోపు గింజలు                :         అర టీస్పూన్
వెల్లుల్లిపాయలు              :        ఆరు పాయలు
నూనె                            :        నాలుగు టేబుల్ స్పూన్లు
నిమ్మరసం                    :        నాలుగు చుక్కలు  
ఉప్పు                           :        సరిపడా

తయారుచేసే పద్ధతి :
                మొదట కోడిగుడ్లను కొట్టి బాగా బీట్ చేసుకొని అందులో మిరియాల పొడి, ఉప్పు కలుపుకొని ఒక పాత్రలోకి తీసుకోవాలి. తర్వాత దాన్ని కుక్కర్ లో పెట్టి పది నిమిషాల పాటు ఉడికించాలి. ఈలోపు టమోటాలు, ఉల్లిపాయలు, పచ్చిమిరపకాయలను ముక్కలుగా తరిగి పెట్టుకోవాలి. బాణలిలో నూనె వేసి అందులో పోపు గింజలు వేసి వేయించుకోవాలి. తర్వాత అల్లం, వెల్లుల్లి పేస్ట్ చేర్చి రెండు నిముషాలు ఉడికించాలి. అలాగే ఉల్లిపాయ ముక్కలు వేసి దోరగా వేయించుకోవాలి. అనంతరం టమాటో ముక్కలు, కారం, పచ్చిమిర్చి ముక్కలను వేసి మూత పెట్టి మూడు నిముషాలు ఉడికించుకోవాలి. ఈ కూరలో కుక్కర్ లో ఉడికించి పెట్టుకున్న గుడ్ల మిశ్రమాన్ని కావలసిన సైజ్ లో కట్ చేసుకొని వేసుకోవాలి. చివరగా కరివేపాకు, కొత్తిమీర వేసి కలుపుకొని దించేయాలి. అంతే ఘుఘుమలాడే స్పైసీ ఎగ్ కర్రీ రెడీ. కోడిగుడ్డులో పచ్చసొనను తినేందుకు ఇష్టపడని వారు ఇలా చేసుకొని ఆరగించవచ్చు. ఈ స్పైసీ ఎగ్ కర్రీని చపాతీలలోకి, దోసేల్లోకి సైడ్ డిష్ గా పెట్టుకోవచ్చు. అన్నంతో కూడా తినవచ్చు.

మూలం : సాక్షి
0 Comments

    Author

    నా పేరు సునయన ( ఉరఫ్ నర్మద). సు అంటే "మంచిది" అని, నయన అంటే "నేత్రములు" . సునయన అంటే మంచి కన్నులు కలది అని అర్థం. నా కళ్లతో చూస్తున్న ఈ  మహిళా ప్రపంచాన్ని మీముందు ఉంచాలని, అది మన మహిళాలోకానికి మేలు చేకూర్చాలని ఆశీస్తూ మనలో  ఒక  తెలుగు తరుణిగా నా ఈ చిన్ని ప్రయత్నం. .

    Categories

    All
    మటన్
    మటన్
    గోష్ కా దాల్చా
    చికెన్
    2e7c0e6d6f
    63aa27ab43
    986220a369
    D372e92fc1

    Archives

    January 2014
    December 2013
    November 2013
    September 2013
    August 2013
    July 2013
    June 2013
    May 2013
    April 2013

    Enter your email address:

    Delivered by FeedBurner


Powered by Create your own unique website with customizable templates.