Blog Archives - telugutaruni.weebly.com

జింజర్ ప్రాన్స్

8/31/2013

కావలసిన పదార్థాలు
ప్రాన్స్        : 200గ్రా
ఉల్లిపాయ పేస్ట్    : ఒక కప్పు
అల్లంవెల్లుల్లి పేస్ట్    : అర కప్పు
అజినమోటో    : టి స్పూన్
ఉప్పు        : తగినంత
మిరియాల పొడి    : టీ స్పూన్
కారం        : రెండు టీ స్పూన్లు
నూనె        : డీప్ ఫ్రైకి సరిపడా
టొమాటో సాస్    : టీ స్పూన్
సోయా సాస్    : టీ స్పూన్
ఫుడ్ (రెడ్) కలర్    : చిటికెడు
కొత్తిమీర తరుగు    : రెండు టీ స్పూన్లు

తయారుచేసే పద్ధతి :
ముందుగా ప్రాన్స్‌ని శుభ్రం చేసి వేడినీటిలో కాస్త ఉడి కించి పక్కనపెట్టుకోవాలి. పాన్‌లో అరకప్పు నూనె పోసి వేడయ్యాక ఉల్లిపాయ పేస్ట్‌, అల్లంవెల్లుల్లి పేస్ట్‌, అజిన మోటో, మిరియాలపొడి, కారం, ఉప్పు వేసి పచ్చివాసన పోయే వరకు వేయించాలి. తర్వాత గ్లాస్‌ నీరు పోసి ఉడి కించాలి. మిశ్రమం దగ్గర పడేటప్పుడు టొమాటో సాస్‌, సోయా సాస్‌, ఫుడ్‌ కలర్‌ వేసి కలపాలి. ఇందులో ఉడి కించిన రొయ్యలను కలిపి నూనెలో డీప్‌ ఫ్రై చేయాలి. దోరగా వేయించిన జింజర్‌ ప్రాన్స్‌ను సర్వింగ్‌ బౌల్‌లోకి తీసుకుని కొత్తిమీరతో గార్నిష్‌ చేయాలి.

చికెన్ బాల్స్

8/25/2013

కావలసిన పదార్థాలు :
బోన్లెస్ చికెన్ - 200 గ్రాములు,
అల్లం ముక్కలు - ఒక స్పూన్,
ఉల్లిపాయ ముక్కలు - రెండు టేబుల్ స్పూన్స్,
మెంతి ఆకు (తరిగి) - ఒక టేబుల్ స్పూన్,
కొత్తిమీర తరుగు - రెండు టేబుల్ స్పూన్స్,
పచ్చి మిర్చి తరుగు - ఒక టీస్పూన్,
లవంగాలు - రెండు (దంచి),
కారం, మసాలా - ఒక్కోటి అర స్పూన్,
ఉప్పు - తగినంత.

తయారుచేసే పద్ధతి :
ముందుగా చికెన్ ముక్కల్ని మిక్సీలో వేసి కైమాలా చేసుకోవాలి. తరువాత ముందుగా సిద్ధం చేసి ఉంచుకున్న అల్లం, ఉల్లి, పచ్చిమిర్చిల మిశ్రమాన్ని కైమాకు దట్టించి బాగా కలపాలి. ఈ ముద్దను చిన్న చిన్న ఉండలుగా చేసి ఆవిరిపై ఉడికించాలి. ఉడికిన తరువాత ఆ బాల్స్ పైన సూప్ వేసుకుని తింటే చాలా రుచిగా ఉంటాయి.

పెప్పర్ చికెన్ రోస్ట్

8/24/2013

కావలసిన పదార్థాలు :
చికెన్ - అరకేజి,
మిరియాల పొడి - రెండు టేబుల్ స్పూన్లు,
కారం, అల్లం వెల్లుల్లి పేస్ట్ - ఒక టేబుల్ స్పూన్,
పసుపు - ఒక టీస్పూన్,
ఉప్పు, నూనె - తగినంత.

తయారుచేసే పద్ధతి :
చికెన్ ముక్కల్ని ఉప్పు నీళ్లలో ఉడికించాలి. కళాయిలో నూనె వేడిచేసి అల్లంవెల్లుల్లి పేస్ట్, పసుపు, చికెన్ ముక్కలు వేసి ఐదు నిమిషాలసేపు వేగించి ఉప్పు, కారం, మిరియాలపొడి వేసి మరో ఐదు నిమిషాల వేగించాలి. వేడివేడిగా తింటే భలే టేస్టీగా ఉంటుంది.

చికెన్ డ్రమ్ స్టిక్స్

8/22/2013

కావలసిన పదార్థాలు :
చికెన్ లెగ్స్ - ఆరు,
అల్లంవెల్లుల్లి పేస్ట్ - రెండు టీస్పూన్లు,
బియ్యప్పిండి, పెరుగు - ఒక్కోటి రెండు టేబుల్ స్పూన్లు,
మిరియాలపొడి, ధనియాల పొడి - ఒక్కో టీస్పూన్,
ఉప్పు - తగినంత,
కారం, శెనగపిండి - ఒక్కో టేబుల్ స్పూన్,
నూనె -పావుకిలో,
గరం మసాల - ఒక టీస్పూన్,
పసుపు - కొద్దిగా.

తయారుచేసే పద్ధతి :
ఒక గిన్నెలో అల్లంవెల్లుల్లి పేస్ట్, కారం, ఉప్పు, పసుపు, మిరియాలపొడి, పెరుగు, శెనగపిండి, బియ్యప్పిండి, గరం మసాలా, ధనియాల పొడి వేసి అన్నింటినీ కలిపి మిశ్రమం తయారుచేయాలి. చికెన్ లెగ్ ముక్కలకి చాకుతో గాట్లు పెట్టి ఈ మిశ్రమాన్ని పట్టించి గంట సేపు పక్కన పెట్టాలి. ఆ తరువాత కళాయిలో నూనె వేడిచేసి మసాల పట్టించిన చికెన్ లెగ్ ముక్కల్ని బాగా వేగించాలి. నిమ్మకాయ, ఉల్లిపాయ ముక్కలు, వేగించిన జీడిపప్పు, పల్లీపప్పుల్ని పైన అలంకరిస్తే చికెన్ డ్రమ్స్టిక్స్ రెడీ.

చికెన్ టెండర్స్

8/21/2013

కావలసిన పదార్థాలు :
బోన్లెస్ చికెన్ బ్రెస్ట్ - అరకేజి,
కోడిగుడ్డు -ఒకటి (గిలక్కొట్టి),
కొవ్వులేని పాలు - మూడు టేబుల్ స్పూన్లు,
చీజ్ - అర కప్పు,
కారం - అర టీస్పూన్,
మిరియాల పొడి, వెల్లుల్లి పేస్ట్ - పావు టీస్పూన్,
వెన్న - రెండు టేబుల్ స్పూన్లు,
తేనె - ముప్పావు కప్పు,
బ్రెడ్ క్రంబ్స్ - కొంచెం,
నూనె - వేగించడానికి సరిపడా.

తయారుచేసే పద్ధతి :
చికెన్ బ్రెస్ట్ను నిలువుగా పన్నెండు ముక్కలుగా కోసుకోవాలి. ఒక గిన్నెలో కోడిగుడ్డు సొన, పాలు పోసి కలపాలి. మరో గిన్నెలో చీజ్, కారం, మిరియాల పొడి, వెల్లుల్లి పేస్ట్ వేసి కలపాలి. వెన్నని వేడిచేయాలి. చికెన్ ముక్కల్ని ఒక్కోదాన్ని ముందు గుడ్డు మిశ్రమంలో ముంచి ఆ తరువాత బ్రెడ్ క్రంబ్ మిశ్రమంలో దొర్లించాలి. వీటిని కడాయిలో నూనె వేడిచేసి వేగించాలి. ఈ టెంటర్స్ను తేనెతో వేడివేడిగా తింటే ఆ టేస్టే వేరు.

చికెన్ లాలిపాప్స్

8/20/2013

కావలసిన పదార్థాలు :
చికెన్ రెక్క పైభాగం ముక్కలు - ఆరు,
కార్న్ ఫ్లోర్ - రెండు టేబుల్ స్పూన్లు,
మైదా, సోయాసాస్, అల్లంవెల్లుల్లి పేస్ట్ - ఒక్కో టేబుల్ స్పూన్,
చిల్లీసాస్- రెండు టీస్పూన్లు,
మీకు నచ్చిన రంగు - కొద్దిగా,
కోడిగుడ్డు- ఒకటి,
అజినోమోటో- చిటికెడు,
కారం, ఉప్పు - తగినంత,
చాట్ మసాలా పొడి - కొద్దిగా,
నూనె - వేపుడుకు సరిపడా.

తయారుచేసే పద్ధతి :
చికెన్ రె క్క పైభాగాలను లాలీపాప్లాగా కోసుకోవాలి. కోడిగుడ్డుని గిలక్కొట్టి పక్కన పెట్టుకోవాలి. ఒక గిన్నెలో కార్న్ఫ్లోర్, మైదా, చిల్లీ సాస్, సోయాసాస్, కారం, ఉప్పు, అజినోమోటో, రంగు, అల్లంవెల్లుల్లి పేస్ట్లు తీసుకుని అందులో కోడిగుడ్డు సొన వేసి పేస్ట్లా చేసుకోవాలి. ఈ పేస్ట్ని చికెన్ ముక్కలకి పట్టించాలి. కళాయిలో వేగించడానికి సరిపడా నూనె వేడిచేయాలి. మసాలా పట్టించిన చికెన్ ముక్కల్ని నూనెలో వేసి వేగించాలి. చిల్లుల గిన్నెలో వేగించిన లాలీపాప్ ముక్కలు వేసి పైన చాట్ మసాలా పొడి చల్లి వేడివేడిగా తినేయాలి.

నువ్వులతో చికెన్ నగ్గెట్స్

8/18/2013

కావలసిన పదార్థాలు :
బోన్లెస్ చికెన్ బ్రెస్ట్ ముక్కలు - నాలుగు,
నూనె - మూడు కప్పులు,
గుడ్లు - రెండు,
ఉప్పు -ఒక టేబుల్ స్పూన్,
మైదా - ముప్పావు కప్పు,
నువ్వులు - అర కప్పు.

తయరుచేసే పద్ధతి :
చికెన్ను చిన్న ముక్కలుగా కోసుకోవాలి. వెడల్పాటి కడాయిలో నూనె వేడిచేయాలి. గుడ్లు, నీళ్లు, ఉప్పులను ఒక గిన్నెలోకి తీసుకుని బాగా కలపాలి. మరో గిన్నెలో మైదా, నువ్వుల్ని కలుపుకోవాలి. కోసి పెట్టుకున్న చికెన్ ముక్కల్ని మొదట గుడ్డు మిశ్రమంలో ముంచి తరువాత మైదా మిశ్రమంలో దొర్లించాలి. ఈ ముక్కల్ని బంగారు రంగు వచ్చే వరకు వేగించి పేపర్ టవల్ పైన వేయాలి. అంతే నగ్గెట్స్ రెడీ. వీటిని మీకు నచ్చిన సాస్తో తింటుంటే యమ్మీయమ్మీగా ఉంటాయి.

చికెన్‌ లివర్‌ ఫ్రై

8/14/2013

కావలసిన పదార్ధాలు
లివర్‌ - పావుకేజి
ఉప్పు- తగినంత
నూనె- 1 టేబుల్‌ స్పూన్‌
కారం- 3 చెంచాలు
అల్లంవెల్లుల్లి పేస్టు- 3 చెంచాలు
పసుపు - చిటికెడు
కొత్తిమీర - 1 కట్ట

తయారు చేసే విధానం

లివర్‌ను శుభ్రంగా కడుక్కుని ఒక గిన్నెలో వేసి కొద్దిగా ఉప్పు, పసుపు వేసి బాగా మగ్గనివ్వాలి.
మగ్గుతుండగా నీళ్ళు వస్తాయి అవన్నీ ఆవిరి అయిపోయాక అల్లంవెల్లుల్లి పేస్టు, నూనె వేసి బాగా ఎర్రగా వేయించి, దించుకునే ముందు కొత్తిమీర వేసుకొని దించుకోవాలి.

మూలం : సూర్య దినపత్రిక

బొంబాయి చికెన్‌

8/13/2013

కావలసిన పదార్ధాలు:
చికెన్‌ లెగ్‌ పీసెస్‌ ఆరు
గుడ్డు - 1
అల్లం వెల్లుల్లి పేస్టు - 2 చెంచాలు
నిమ్మరసం - 2 స్పూన్లు
తెల్ల మిరియాల పొడి - పావు టీ స్పూన్‌
పచ్చిమిర్చ - ఆరు
సోయాసాస్‌ - 3 టేబుల్‌ స్పూన్లు
టొమాటో సాస్‌ - 2 స్పూన్ల్‌
రిఫైండ్‌ ఆయిల్‌ ఫ్రైచేయడానికి సరిపడా
కార్న్‌ ఫ్లోర్‌ - 2 స్పూన్లు
ఉప్పు తగినంత

తయారు చేసే విధానం:
ముందుగా చికెన్‌ లెగ్‌ పీసులు శుభ్రంగా కడిగి వాటిని చాకుతో సన్నగా గీరాలి. ఇలా అన్ని వైపులా గాటు పెట్టి ఉప్పు, నిమ్మరసం పట్టించి కొద్దిసేపు నానబెట్టాలి. ఈలోగా పచ్చిమిర్చిని ముద్దగా నూరుకొని, సోయాసాస్‌, టొమాటో సాస్‌, మైదా, కార్న్‌ఫ్లోర్‌, అల్లంవెల్లుల్లి పేస్ట్‌, కొత్తిమీర, తెల్లమిరియాల పొడి, గుడ్డును కలిపి మిశ్రమంలా తయారు చేసుకోవాలి.
తరువాత ఈ మిశ్రమాన్ని చికెన్‌ ముక్కలకు బాగా పట్టించి మరో 15 నిమిషాల పాటు నానబెట్టాలి. ఇప్పుడు స్టౌ మీద ఓ బాణలి పెట్టి అందులో వేయించడానికి సరిపడా నూనెపొయ్యాలి. నూనె బాగా వేడెక్కిందని నిర్ధారించుకున్న తర్వాత ఒక్కో లెగ్‌పీస్‌ ను వేసి డీప్‌ ఫ్రై చేసుకోవాలి. వేడి చల్లారాక ముందే గీన్‌ చిల్లీ సాస్‌ తో వేడి వేడిగా లాగిస్తే ఆటేస్టే వేరు అనాల్సిందే మరి...

మూలం : సూర్య దినపత్రిక

స్పెషల్‌ మటన్‌ ఫ్రై

8/11/2013

కావలసిన పదార్థాలు:
బోన్‌లెస్‌ మటన్‌ - 650 గ్రాములు
తరిగిన ఉల్లిపాయలు - 100 గ్రాములు
కారం - ఒక టీ స్పూను
ఉప్పు - సరిపడా
పసుపు - పావు టీ స్పూన్‌
అల్లం వెల్లల్లి పేస్టు - రెండు టేబుల్‌ స్పూన్లు
బఘార్‌ కోసం కావలసినవి:
నూనె - రెండు టేబుల్‌ స్పూన్లు
జీలకర్ర - ఒక టేబుల్‌ స్పూన్‌
కరివేపాకు, కొత్తిమీర, పుదీనా, పచ్చిమిర్చి - నాలుగు
మిరియాల పొడి - అర టీ స్పూన్‌
గరం మసాల పౌడర్‌ - అర టీ స్పూన్‌
నిమ్మరసం - రెండు టీ స్పూన్లు

తయారు చేసే విధానం:
ఓ పాత్రలోకి మాంసం ముక్కలు, ఉల్లిపాయ ముక్కలు, కారం, ఉప్పు, అల్లం వెల్లుల్లి పేస్టు, పసుపులను వేసి బాగా కలిపి సరపడా నీటిని పోసి ప్రెజర్‌ కుక్కర్‌లో ఐదు నిమిషాల పాటు ఉడికించాలి. మాంసం ముక్కలను తడి ఆరే వరకూ పక్కకు పెట్టుకోవాలి.ఇప్పుడు స్టౌ వెలిగించి దానిపై బాణలి ఉంచి అందులో సరిపడా నూనె వేసి జీలకర్ర, కరివేపాకు, కొత్తిమీర, పుదీనా, పచ్చిమిర్చి (మధ్యలో కత్తిరిం చినవి) లను వేసి వేయించాలి. ఇప్పు డు అందులోకి పక్కన పెట్టుకున్న మాంసంను కూడా వేసి బాగా కలియ బెట్టాలి. ఈ మిశ్రమంపై మిరియాల పొడి, గరం మసాల పొడి, నిమ్మరసం వేసి బాగా కలిపి మరో ఐదు నుచి 10 నిమిషాల పాటు సన్నటి సెగ మీద ఉడికించాలి. ముక్కలు బాగా వేగాయ ని నిర్ధారించుకున్నాక దించేసుకోవాలి.

మూలం : సూర్య దినపత్రిక

Author

నా పేరు సునయన ( ఉరఫ్ నర్మద). సు అంటే "మంచిది" అని, నయన అంటే "నేత్రములు" . సునయన అంటే మంచి కన్నులు కలది అని అర్థం. నా కళ్లతో చూస్తున్న ఈ మహిళా ప్రపంచాన్ని మీముందు ఉంచాలని, అది మన మహిళాలోకానికి మేలు చేకూర్చాలని ఆశీస్తూ మనలో ఒక తెలుగు తరుణిగా నా ఈ చిన్ని ప్రయత్నం. .

Categories

Archives

January 2014
December 2013
November 2013
September 2013
August 2013
July 2013
June 2013
May 2013
April 2013