Category: మటన్

కర్డ్ - మటన్ బిర్యానీ

9/24/2013

కావలసినవి:
మటన్ - అర కేజీ
ఉప్పు - తగినంత
అల్లంవెల్లుల్లి పేస్ట్ - టేబుల్ స్పూను
పసుపు - కొద్దిగా
పెరుగు - లీటరు
ధనియాలపొడి - టీ స్పూను
ఏలకులపొడి - టీ స్పూను
మిరియాలపొడి - అర టీ స్పూను
దాల్చినచెక్కపొడి - కొద్దిగా
నెయ్యి - వంద గ్రాములు
లవంగాలు - 10
నీళ్లు - కప్పు
బియ్యం - అర కేజీ

తయారి:

మటన్‌ను ముక్కలుగా కోసి బాగా కడగాలి.
ఒక పాత్రలో మటన్ ముక్కలు, ఉప్పు, అల్లం వెల్లుల్లి పేస్ట్, పసుపు వేసి బాగా కలిపి పక్కన పెట్టాలి.
ఒక పాత్రలో అర లీటరు పెరుగు, ధనియాలపొడి, ఏలకులపొడి, మిరియాలపొడి, దాల్చినచెక్కపొడి, కప్పుడు నీళ్లు వేసి బాగా కలిపి, ఈ మిశ్రమాన్ని మటన్‌లో వేసి (గంటసేపు) పక్కన ఉంచాలి.
పెద్ద పాన్‌లో మటన్ మిశ్రమం వేసి సమానంగా సర్దాలి.
బాణలిలో నెయ్యి వేడి చేసి, లవంగాలు వేయించి, నెయ్యితో పాటే మటన్ మీద వెయ్యాలి.
బియ్యం కడిగి, మిగిలిన పెరుగును బియ్యంలో కలిపి పాన్‌లో ఉన్న మటన్ మీద వేసి సర్ది మిగిలిన నెయ్యి కూడా వేసి మూత పెట్టి మంట మీద ఉడకనివ్వాలి. ఆవిరి వస్తున్నప్పుడు సిమ్‌లో పెట్టి పావుగంట ఉడకనిచ్చి దించాలి.
వేడిగా ఉండగానే పెద్ద ప్లేట్‌లోకి తిరగదీసి, ఉల్లిచక్రాలతో గార్నిష్ చేసి వేడివేడిగా సర్వ్ చేయాలి.
(నీళ్లు లేకుండా పెరుగుతో మాత్రమే వండే బిర్యానీ రెడీ).

0 Comments

స్పెషల్‌ మటన్‌ ఫ్రై

8/11/2013

0 Comments

కావలసిన పదార్థాలు:
బోన్‌లెస్‌ మటన్‌ - 650 గ్రాములు
తరిగిన ఉల్లిపాయలు - 100 గ్రాములు
కారం - ఒక టీ స్పూను
ఉప్పు - సరిపడా
పసుపు - పావు టీ స్పూన్‌
అల్లం వెల్లల్లి పేస్టు - రెండు టేబుల్‌ స్పూన్లు
బఘార్‌ కోసం కావలసినవి:
నూనె - రెండు టేబుల్‌ స్పూన్లు
జీలకర్ర - ఒక టేబుల్‌ స్పూన్‌
కరివేపాకు, కొత్తిమీర, పుదీనా, పచ్చిమిర్చి - నాలుగు
మిరియాల పొడి - అర టీ స్పూన్‌
గరం మసాల పౌడర్‌ - అర టీ స్పూన్‌
నిమ్మరసం - రెండు టీ స్పూన్లు

తయారు చేసే విధానం:
ఓ పాత్రలోకి మాంసం ముక్కలు, ఉల్లిపాయ ముక్కలు, కారం, ఉప్పు, అల్లం వెల్లుల్లి పేస్టు, పసుపులను వేసి బాగా కలిపి సరపడా నీటిని పోసి ప్రెజర్‌ కుక్కర్‌లో ఐదు నిమిషాల పాటు ఉడికించాలి. మాంసం ముక్కలను తడి ఆరే వరకూ పక్కకు పెట్టుకోవాలి.ఇప్పుడు స్టౌ వెలిగించి దానిపై బాణలి ఉంచి అందులో సరిపడా నూనె వేసి జీలకర్ర, కరివేపాకు, కొత్తిమీర, పుదీనా, పచ్చిమిర్చి (మధ్యలో కత్తిరిం చినవి) లను వేసి వేయించాలి. ఇప్పు డు అందులోకి పక్కన పెట్టుకున్న మాంసంను కూడా వేసి బాగా కలియ బెట్టాలి. ఈ మిశ్రమంపై మిరియాల పొడి, గరం మసాల పొడి, నిమ్మరసం వేసి బాగా కలిపి మరో ఐదు నుచి 10 నిమిషాల పాటు సన్నటి సెగ మీద ఉడికించాలి. ముక్కలు బాగా వేగాయ ని నిర్ధారించుకున్నాక దించేసుకోవాలి.

మూలం : సూర్య దినపత్రిక

0 Comments

తవా ఘోస్ట్‌

8/6/2013

0 Comments

కావలసిన పదార్థాలు:
మటన్‌-కిలో, గరంమసాలా పొడి-రెండు టీస్పూన్లు
అల్లం వెల్లుల్లి-రెండు టేబుల్‌ స్పూన్లు, నెయ్యి-50గ్రా
ఉల్లిపాయలు-నాలుగు, టమాటాలు-రెండు, కారం -రెండు టీస్పూన్లు
పచ్చిమిర్చి-నాలుగు, పుదీనా-కట్ట, ఆమ్‌చూర్‌పొడి-ఒక టీస్పూన్‌
ఉప్పు-సరిపడా, కొత్తిమీర తురుము-ఒక టేబుల్‌ స్పూన్‌
గసగసాలు-ఒకటేబుల్‌ స్పూన్‌,
గరంమసాలా దినుసులు, యాలకులు, రెండు టేబుల్‌ స్పూన్లు
ధనియాలు-ఒక టీస్పూన్‌, జాజికాయ-ఒకటి, జాజిమొగ్గ- ఒకటి
దాల్చిన చెక్క-అంగుళం ముక్క, లవంగాలు-నాలుగు, జాపత్రి-రెండు
తయారుచేసే విధానం
మటన్‌ ముక్కల్ని కడిగి పక్కన ఉంచాలి. గరంమసాలా దినుసులన్నింటినీ పలుచని బట్టలో మూటకట్టాలి. ప్రెషర్‌పాన్‌లో మటన్‌ముక్కలు, ఉప్పు, కారం మసాలా దినుసుల మూట వేసి ఉడికించాలి. మందపాటి బాణలిలో నెయ్యి వేసి ఉడికిన మటన్‌ ముక్కల్ని వేసి వేయించాలి.
మరో బాణలిలో కొద్దిగా నూనె లేదా నెయ్యి వేసి ఉల్లిముక్కలు, టమాట ముక్కలు, పచ్చిమిర్చి ముక్కలు, అల్లంవెల్లుల్లి తురుము వేసి వేయించాలి. తరువాత మసాలా పొడి వేసి కలపాలి. ఆమ్‌చూర్‌పొడి, పుదీనా ఆకులు కూడా వేసి కలిపి ఈ మిశ్రమాన్ని మటన్‌ ముక్కల మీద వేసి కలపాలి. చివరగా గసగసాలు, కొత్తిమీర తురుము కూడా చల్లి దించాలి.

0 Comments

పొట్టేలు తలకూర

6/26/2013

0 Comments

కావలసిన పదార్ధాలు:
పొట్టేలు తలకాయ మాంసం : 1 కేజి
నూనె : 50 గ్రా.
ఉల్లిపాయలు : 50 గ్రా.
పచ్చిమిర్చి : 50 గ్రా.
అల్లం, వెల్లుల్లి పేస్ట్‌ : 50 గ్రా.
కొబ్బరిపొడి : ఒక స్పూన్‌
మిర్యాల పొడి : కొద్దిగా
కారంపొడి : సరిపడినంత
ఉప్పు : సరిపడినంత
ధనియాల పొడి : ఒక స్పూన్‌

తయారు చేసే విధానం:

ముందుగా పొట్టేలు తలకాయ మాంసంను, ఉప్పు కలిపి కుక్కర్‌లో వేసి అందులో లీటర్‌ నీరు పోసి స్టౌ మీద పెట్టాలి. ఆరేడు విజిల్స్‌ వచ్చాక కుక్కర్‌ను స్టౌ మీద నుండి దించేయాలి. కొంత మంది కుక్కర్‌ కాకుండా పెద్దగిన్నెలోకి మాంసంను తీసుకొని కట్టెల పొయ్యి మీద బాగా ఉడికిస్తారు. అలా ఉడికించిన కూర చాలా రుచిగా ఉంటుందని సీమగ్రామాల్లో పెద్దలు చెప్తారు. అలా ఉడికించిన మాంసాన్ని పక్కన పెట్టుకోవాలి.
తరువాత ఒక పెద్ద గిన్నె తీసుకొని దాంట్లో నూనె పోయాలి. ఆ తర్వాత నూనె వేడెక్కాక అందులో ఉల్లిపాయలు, పచ్చిమిర్చి, పొట్టేలు మెదడు (బ్రెయిన్‌)) వేసి ఉడికించుకోవాలి. కుక్కర్‌లో ఉడికించిన మాంసంలోకి అల్లం, వెల్లుల్లి పేస్ట్‌, కొద్దిగా కొబ్బరిపొడి, మిర్యాలపొడి, ధనియాల పొడి, కారంపొడి వేసి బాగా ఇగరనిచ్చి దించేయాలి. ఇప్పుడు పొట్టేలు తలకూర రెడీ.

0 Comments

చింత చిగురు మాంసం:

6/7/2013

0 Comments

కావలసిన పదార్థాలు :
చింత చిగురు - అరకిలో
మాంసం - అరకిలో (చికెన్ లేదా మటన్)
కొబ్బరి తురుము - 2 టీస్పూన్లు
కొత్తిమీర - కట్ట
ధనియాల పొడి - టీస్పూన్
అల్లం వెల్లుల్లి ముద్ద - టీస్పూన్
జీలకర్ర - టీస్పూన్
పుదీనా - కట్ట
ఆవాలు - టీస్పూన్
నూనె - టేబుల్ స్పూన్
ఉల్లిపాయ - ఒకటి
కారం - 2 టీస్పూన్లు
ఉప్పు - రుచికి సరిపడా
పసుపు - చిటికెడు
గరం మసాలా - టీస్పూన్

తయారుచేసే పద్ధతి :

నాన్ స్టిక్ పాన్ స్టవ్ మీద పెట్టి అందులో నూనె వేసి ఆవాలు, జీలకర్ర వేసి వేయించాలి. తర్వాత ఉల్లి ముక్కలు కూడా వేసి వేయించాలి. అవి వేగాక పసుపు, అల్లం వెల్లుల్లి ముద్ద వేసి వేయించాలి. తర్వాత కొబ్బరి తురుము వేసి ఓ నిమిషం వేయించాలి. ఇప్పుడు మటన్ లేదా చికెన్ వేసి ఉప్పు వేసి తగినన్ని నీళ్ళు పోసి కలపాలి. తరువాత ధనియాల పొడి, కారం కూడా వేసి బాగా కలిపి మూత పెట్టి మాంసం ఉడికే వరకూ ఉంచాలి. ఉడికిన తర్వాత చింత చిగురు వేసి మరో ఐదు నిముషాలు ఉడికించాలి. చివరగా గరం మసాలా వేసి ఒక నిమిషం ఉంచి దించాలి.

మూలం : ఈనాడు ఆదివారం పుస్తకం

0 Comments

మటన్ పచ్చడి

5/24/2013

1 Comment

కావలసిన పదార్థాలు :

బోన్ లెస్ మటన్ : కిలో
అల్లం,వెల్లుల్లి పేస్ట్ : ఒక టేబుల్ స్పూన్
కారం : అరకప్పు
ఉప్పు : ఒక టేబుల్ స్పూన్
లవంగాల పొడి : అర చెంచ
నూనె : అరకిలో
నిమ్మకాయ : 1

తయారుచేసే పద్ధతి :

మటన్ ముక్కలు కడిగి చిన్న ముక్కలుగా కట్ చేసి ఒక బట్ట మీద వేసి కాసేపు ఆరనివ్వాలి. మూకుడులో నూనె(డీప్ ఫ్రైకి సరిపడా) వేడి చేసుకొని మటన్ ముక్కలు వేయించుకోవాలి. మటన్ ముక్క ఉడకడానికి కొంచెం ఎక్కువ టైం పడుతుంది. ముక్క ఉడికింది లేనిది చూసుకొని, నూనెలో నుంచి చిల్లుల గరిటెతో ఒక గిన్నెలోకి తీసుకోవాలి. స్టవ్ ఆర్పివేయాలి. మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి. స్టవ్ తక్కువ మంట మీద పెట్టుకొని ఆ మూకుడు పెట్టి, అందులో నూరిన అల్లం, వెల్లుల్లి ముద్ద,లవంగాల పొడి, కారం, ఉప్పు వేసుకోవాలి. స్టవ్ ఆర్పివేసి గిన్నెలోకి తీసుకున్న మటన్ ముక్కలను వేసి అన్ని ముక్కలకు కారం పట్టేలా కలపాలి. వేడి తగ్గిన తరువాత నిమ్మకాయరసం పిండాలి.

మూలం: ప్రజశక్తి ఆదివారం

1 Comment

కర్డ్ - మటన్ బిర్యానీ

స్పెషల్‌ మటన్‌ ఫ్రై

తవా ఘోస్ట్‌

పొట్టేలు తలకూర

చింత చిగురు మాంసం:

మటన్ పచ్చడి

Author

Categories

Archives