చిత్రలేఖనం అనగానే మనసు అగాధంలో ఉక్కిరిబిక్కిరి అవుతున్న భావాలన్నింటినీ ఏరికూర్చి తెల్లని కాగితంపై ఒక మాలగా అల్లి సింగారించే అద్భుత కావ్యగీతిక. చెప్పాలనుకున్న మాటలు ఎంతకీ చెలియకట్టలు తెగిరాక, వెన్నెల వెలుగుతో దోబూచులాడే మూగభాష్యం ఎవరికి చెప్పను? ఎలా చెప్పను? ఎప్పుడు చెప్పను? చెప్పాలనుకునే మాటలు నాకంటే ముందుగా ఎవరో ఒకరు ఏదో ఒక సందర్భంలో చెబుతూనే ఉంటారు. అయినా నా మనోవేదన తీరడం లేదు. నాకు నేను నీతో సమీపంగా గాలికూడా దూరలేనంత దగ్గరగా ఎండిపోయిన ఆకులశబ్దం రాగతాళాల మధ్యలో శ్రావ్యంగా, మనోహరంగా చెప్పాలనుకుంటున్నా...అయినా నీ చెంతకు నా పలుకు చేరడం లేదు. గాలితుపానుల మధ్య వీచే ప్రతి కెరటంపై నేను రాసి పంపుతున్న ప్రేమకావ్యం నీదరికి రావడం లేదు. ఏదిఏమైనా, ఎలాగైనా, ఏమైనా సరే నేను పంపాలనుకునే సందేశం నీకే నేరుగా నీగుండె గదిలో నిక్షిప్తంగా నిలిచేలా పంపాలనుకున్నా. అదేంటో తెలుసా? ఈ గిఫ్ట్కాగితం విప్పి చూడు నీకే తెలుస్తుంది...పగలూ రాత్రి తేడా లేకుండా, అన్నపానీయాలను దరిచేరనీయకుండా నీకోసం వేసిన ప్రేమచిత్రం నీ మనసు కదిలించడం లేదా? అంటూ పాషాణ గుండెల్ని కదిలించే ప్రేమ సన్నివేశాలతో చిత్రాలను వేసి, 20వ శతాబ్దంలో టాప్టెన్ చిత్రాల్లో తన చిత్రానికి చోటు సంపాదించి, చరిత్ర సృష్టించిన ధీర వనిత క్లారా క్లింగ్హోఫర్.
Read more.....