చింతచిగురు పొడి

కావలసిన పదార్థాలు :
చింతచిగురు    -         200 గ్రా.
వేరుసెనగ పప్పు -       పావుకప్పు 
ధనియాలు      -         టేబుల్ స్పూన్ 
సెనగ పప్పు     -         టేబుల్ స్పూన్ 
ఎండు మిర్చి    -         20 
వెల్లుల్లి రెబ్బలు -         4
నూనె             -          4 టీస్పూన్లు 
ఉప్పు             -          తగినంత 

తయారుచేసే పద్ధతి :

• చింతచిగురును శుభ్రంగా కడిగి ఆరనివ్వాలి. బాణలిలో 2 టీస్పూన్ల నూనె వేసి కాగాక, వేరుసెనగ పప్పు, ధనియాలు, సెనగ పప్పు వేసి వేయించాలి. చివరగా ఎండు మిర్చి కూడా వేసి వేయించి దించాలి. చల్లారిన తర్వాత వీటిని మిక్సీలో వేసి రుబ్బాలి.
  
• అదే బాణలిలో మిగిలిన రెండు స్పూన్ల నూనె వేసి కాగాక, చింతచిగురు వేసి వేయించి దించి చల్లారనివ్వాలి. 
  
• ముందుగా మిక్సీలో వేసిన పప్పుల్లో ఉప్పు, వెల్లుల్లి కూడా వేసి మరీ మెత్తగా కాకుండా పొడి చేయాలి. చివరగా ఆకులు కూడా వేసి పొడి చేయాలి.
  

మూలం : ఈనాడు ఆదివారం 

---