Blog Archives

పుదీనా పలావు

6/27/2013

కావలసిన పదార్థాలు :
పుదీనా - 2 కట్టలు
బాస్మతి బియ్యం - 2 కప్పులు
తాజా కొబ్బరి తురుము - పావుకప్పు
పచ్చిమిర్చి - 3
ఉల్లిపాయ - ఒకటి ( సన్నగా తరగాలి)
అల్లం వెల్లుల్లి - 1 టీస్పూన్
లవంగాలు - 4
యాలకులు - 4
దాల్చిన చెక్క - 4
పలావు ఆకులు - 4
అనాసపువ్వు - ఒకటి
వేయించిన జీడిపప్పు - పావుకప్పు
నెయ్యి - 2 టీస్పూన్లు
ఉప్పు - సరిపడినంత

తయారు చేసే విధానం :

పుదీనా ఆకులన్నీ తుంచి బాగా కడగాలి.
మిక్సీలో పుదీనా ఆకులు, కొబ్బరి, పచ్చిమిర్చి, అరటీస్పూను ఉప్పు వేసి మెత్తగా రుబ్బాలి.
రెండు కప్పుల బాస్మతి బియ్యం శుభ్రంగా కడిగి నాలుగు కప్పుల నీళ్ళు పోసి నానబెట్టాలి.
స్టవ్ మీద మందపాటి గిన్నె లేదా కుక్కర్ పెట్టి నెయ్యి వేసి కాగాక మసాలా దినుసులన్నీ వేయాలి. తరువాత అల్లం వెల్లుల్లి ముద్ద, ఉల్లిపాయ ముక్కలు వేసి వేయించాలి. అవి వేగాక పుదీనా ముద్ద వేయాలి. ముదురాకుపచ్చ నుంచి లేతాకుపచ్చ రంగులోకి మారే వరకూ దీన్ని వేయించాలి. తర్వాత బియ్యం వేసి గరిటెతో బాగా కలపాలి. కుక్కరయితే వెయిట్ పెట్టకుండానూ, గిన్నె అయితే మూతపెట్టి అన్నం పొడిపొడిగా ఉడికించాలి. అన్నం ఉడికింది అనుకున్న తరువాత వేయించిన జీడిపప్పు వేసి తిప్పి వేడి వేడిగా వడ్డించాలి.

మూలం : సూర్య దినపత్రిక

0 Comments

చింతచిగురు పులిహోర

6/19/2013

0 Comments

కావలసిన పదార్థాలు :
బియ్యం - 2 కప్పులు
చింతచిగురు - కప్పు
సెనగ పప్పు - టేబుల్ స్పూన్
మినప్పప్పు - టేబుల్ స్పూన్
ధనియాలు - టేబుల్ స్పూన్
ఎండు మిర్చి - 4
నువ్వులు - టేబుల్ స్పూన్
నూనె - 2 టేబుల్ స్పూన్లు
ఉప్పు - తగినంత
కరివేపాకు - 2 రెమ్మలు

పోపు కోసం
వేరుసెనగ పప్పు, మినప్పప్పు, ఆవాలు, ఎండు మిర్చి -కొద్దిగా

తయారుచేసే పద్ధతి :

చింతచిగురును శుభ్రంగా కడిగి ఆరనివ్వాలి. వీలైతే కాస్త ఎండలో పెడితే మంచిది. తరవాత కాస్త నూనెలో వేయించి పక్కన పెట్టుకోవాలి.
బాణలిలో నువ్వులు, మినప్పప్పు, ధనియాలు, సెనగ పప్పు వేసి వేయించాలి. చివరగా ఎండు మిర్చి కూడా వేసి వేయించి దించాలి. చల్లారిన తర్వాత వీటితో పాటు చింతచిగురు కూడా మిక్సీలో వేసి పొడి చేసి ఉంచాలి.
అన్నం ఉడికించి ఉంచాలి. బాణలిలో నూనె పోసి కాగాక పోపు దినుసులన్నీ వేసి వేగాక చింతచిగురు పొడి, ఉప్పు, కరివేపాకు వేసి ఓ నిమిషం కాగాక ఉడికించిన అన్నం వేసి కలిపి దించాలి.

మూలం : ఈనాడు ఆదివారం

0 Comments

మొక్కజొన్న పులావ్

6/5/2013

0 Comments

కావలసిన పదార్థాలు :
బాస్మతి బియ్యం - ఒక కప్పు
స్వీట్ కార్న్ - పావు కప్పు
అల్లం - ఐదు చిన్న ముక్కలు
వెల్లుల్లి - 10 పాయలు
పూదీన - కొంచెం
కొత్తిమీర - కొంచెం
ఉప్పు - రుచికి సరిపడా
పచ్చిమిర్చి - 3
పట్టా, లవంగం, యాలకులు - తగినన్ని
కొబ్బరి పాలు - ఒకటిన్నర కప్పు
నెయ్యి - రెండు స్పూన్లు
పెరుగు - అరకప్పు

తయారుచేసే పద్ధతి:

ముందుగా బియ్యం, మొక్కజొన్న గింజలు కలిపి నానబెట్టుకోవాలి.
స్టవ్ మీద పెనం పెట్టి అందులో మూడు స్పూన్ల నూనె వేసి పట్టా, లవంగం, యాలకులు, ఉల్లిపాయ, పచ్చిమిర్చి ముక్కలు వేసి కలపాలి. ఆ తర్వాత అల్లం, వెల్లుల్లి పాయలు, పుదీనా, కొత్తిమీర కలిపి వేయించాలి. తర్వాత అందులో కొబ్బరి పాలు, కొంచెం నీళ్ళు పోసి బాగా ఉడికించాలి. తగినంత ఉప్పును కలపాలి. ఈ మిశ్రమం బాగా తెర్లిన తర్వాత అందులో నానబెట్టిన బియ్యం, స్వీట్ కార్న్ వేసి ఉడికించాలి. బియ్యం బాగా ఉడికిన తర్వాత అందులో కొంచెం నెయ్యి వేసి కలిపి దించుకోవాలి. అంతే మొక్కజొన్న పులావ్ రెడీ.

మూలం : సాక్షి దినపత్రిక

0 Comments

పెప్పర్ కార్న్ ఫ్రైడ్ రైస్

6/5/2013

0 Comments

కావలసిన పదార్థాలు :
బియ్యం - కప్పు
మిరియాల పొడి - 2 టీస్పూన్లు
మొక్కజొన్న గింజలు - అరకప్పు
నెయ్యి - 2 టీస్పూన్లు
అజినమెటో - చిటికెడు
ఉప్పు - రుచికి సరిపడా
సోయాసాస్ - అరటీస్పూన్
జీలకర్ర - టీస్పూన్

తయారుచేసే పద్ధతి:

అన్నం వండి పక్కన పెట్టుకోవాలి.
బాణలిలో నెయ్యి వేసి కరిగిన తర్వాత జీలకర్ర వేయాలి. తరువాత మొక్కజొన్న గింజలు, మిరియాల పొడి, అజినమెటో, ఉప్పు, సోయాసాస్ వేసి రెండు నిముషాలు వేయించాలి. తరువాత వండిన అన్నం వేసి బాగా కలపాలి. డిన్నర్ కి ఇది ఎంతో రుచిగా స్పైసిగా ఉంటుంది.

మూలం : ఈనాడు ఆదివారం పుస్తకం

0 Comments

పొంగల్

6/4/2013

0 Comments

కావలసిన పదార్థాలు :
బియ్యం - కప్పు
పెసర పప్పు - పావు కప్పు
మిరియాలు - టీస్పూన్
జీలకర్ర - టీస్పూన్
నెయ్యి - పావు కప్పు
జీడిపప్పు - 12
కరివేపాకు - 2 రెమ్మలు
మంచి నీళ్ళు - 6 కప్పులు
ఉప్పు - రుచికి సరిపడా

తయారుచేసే పద్ధతి :

బియ్యం, పెసరపప్పు కలిపి కడగాలి.
ఫ్రెషర్ కుక్కర్ లో నెయ్యీ వేసి కాగాక కచ్చాపచ్చాగా నూరిన మిరియాలు, జీలకర్ర, కరివేపాకు, జీడిపప్పు వేసి వేయించాలి. తరువాత కడిగిన బియ్యం పెసరపప్పు కూడా వేసి ఓ రెండు నిముషాలు వేయించాలి. తరువాత నీళ్ళు పోసి, ఉప్పు వేసి మూత పెట్టి మెత్తగా ఉడికించి దించాలి.
దీన్ని వేడివేడిగా కొబ్బరి చట్నీ లేదా సాంబారుతో తింటే చాలా రుచిగా ఉంటుంది.

మూలం : ఈనాడు ఆదివారం పుస్తకం

0 Comments

పుదీనా పలావు

చింతచిగురు పులిహోర

మొక్కజొన్న పులావ్

పెప్పర్ కార్న్ ఫ్రైడ్ రైస్

పొంగల్

Author

Categories

Archives