All Categories - telugutaruni.weebly.com

పల్లీ ఫ్రైడ్ రైస్

1/28/2014

కావలసినవి
అన్నం- 2 కప్పులు
ఉప్పు- తగినంత

పొడి:
పల్లీలు- 4 టేబుల్ స్పూన్లు
ఎండుమిర్చి - 3
నువ్వులు- 2 టి.స్పూన్
కొబ్బరిముక్కలు - 2 టేబుల్ స్పూన్లు
పోపు:
నూనె - 2 టి.స్పూన్
ఆవాలు, జీలకర్ర- 1/4 టి.స్పూన్
మినప్పప్పు- 1 టి.స్పూన్
శనగ పప్పు- 2 టి.స్పూన్
కరివేపాకు- 1 రెబ్బ
కొత్తిమీర - కొద్దిగా

ఇలా చేయాలి

అన్నం పొడిపొడిగా ఉండేలా వండుకోవాలి.
మిగిలిపోయిన అన్నంతోకూడా దీన్ని చేసుకోవచ్చు.
బాణలి వేడిచేసి పల్లీలు, నువ్వులు, ఎండుమిర్చి, కొబ్బరి ముక్కలు దోరగా వేయించుకుని చల్లారిన తర్వాత బరకగా పొడి చేసుకోవాలి.
వెడల్పాటి పాన్‌లో నూనె వేడి చేసి ఆవాలు, జీలకర్ర, కరివేపాకు వేసి చిటపటలాడాక అన్నం వేసి కలపాలి.
ఇందులో పల్లీ మసాలా పొడి, తగినంత ఉప్పువేసి కలుపుతూ వేపాలి. బాగావేగిన తర్వాత కొత్తిమీర వేసి దింపేసి వేడిగా సర్వ్ చేయాలి.

బీరకాయ రైస్

1/9/2014

కావలసినవి:
అన్నం - ఒక కప్పు,
బీరకాయలు - రెండు,
ఉల్లిపాయ, టొమాటో - ఒక్కోటి,
ఎండుమిర్చి - నాలుగు,
కరివేపాకులు - కొన్ని,
ధనియాల పొడి, ఆవాలు, జీలకర్ర, శెనగపప్పు - ఒక్కో టీస్పూన్,
మినపప్పు- అర టీస్పూన్,
నూనె - రెండు టీస్పూన్లు,
ఉప్పు - సరిపడా.

తయారీ:

బీరకాయ చెక్కుతీసి ముక్కలు తరగాలి. ఉల్లిపాయ, టొమాటోలను సన్నటి ముక్కలుగా తరగాలి.
గిన్నెలో నూనె వేడిచేసి ఆవాలు, జీలకర్ర, కరివేపాకు వేసి ఆవాలు చిటపటమంటున్నప్పుడు మినపప్పు, శెనగపప్పు, ఎండుమిర్చిలు వేయాలి.
పప్పులు ఎర్రగా అవుతున్నప్పుడు ఉల్లిపాయ, టొమాటో ముక్కలు వేసి మధ్యమధ్యలో గరిటెతో కలుపుతూ టొమాటో ముక్కలు మెత్తగా అయ్యే వరకు ఉడికించాలి.
ఆ తరువాత బీరకాయ ముక్కలు, ధనియాల పొడి, ఉప్పు వేసి బీరకాయ ముక్కలు ఉడికాక అన్నం వేసి బాగా కలిపి స్టవ్ మీద నుంచి గిన్నె దింపేయాలి.

వంకాయ, వెల్లుల్లి మసాలా రైస్

1/4/2014

కావలసినవి
అన్నం - 2 కప్పులు
వంకాయలు - 4
ఎండుమిర్చి - 4
ధనియాలు - 1 టీ.స్పూ.
జీలకర్ర - 1/4 టీ.స్పూ.
వెల్లుల్లి - 5
పసుపు - చిటికెడు
ఉప్పు - తగినంత
కరివేపాకు - 2 రెబ్బలు
ఆవాలు, జీలకర్ర - 1/4 టీ.స్పూ.
నూనె - 3 టీ.స్పూ.

ఇలా చేయాలి

అన్నం పొడి పొడిగా ఉండేలా వండి పెట్టుకోవాలి.
వంకాయలను నిలువుగా ముక్కలు చేసుకుని ఉప్పు నీళ్లలో వేసి పెట్టాలి.
ఎండుమిర్చి, జీలకర్ర, ధనియాలు కాస్త వేయించి బరకగా పొడి చేసుకోవాలి.
పాన్‌లో నూనె వేడి చేసి ఆవాలు, జీలకర్ర వేసి చిటపటలాడాక వంకాయ ముక్కలు, పసుపు, కరివేపాకు వేసి నిదానంగా కరకరలాడేలా వేయించాలి.
వంకాయ ముక్కలు వేగిన తర్వాత మసాలా పొడి వేసి ముక్కలపై తగినంత ఉప్పు వేసి మరో రెండు నిమిషాలు వేయించాలి. తర్వాత అన్నం వేసి దానికి తగినంత ఉప్పుకూడా వేసి మొత్తం కలియబెట్టాలి. రెండు నిమిషాలు వే యించి వేడిగా సర్వ్ చేయాలి.

కాలీఫ్లవర్ పులావ్

12/17/2013

కావలసిన పదార్థాలు :
బాస్మతీ రైస్ - ఒక కప్పు,
కాలీఫ్లవర్ - అర కప్పు,
క్యారెట్స్ - 2,
బఠాణీలు - 2 స్పూన్స్,
ఉల్లిగడ్డ - 1,
జీలకర్ర - ఒక టీ స్పూన్,
దాల్చినచెక్క - 1,
యాలకులు - 2,
బిర్యానీ ఆకు - 2,
జీడిపప్పు - 12,
నూనె, ఉప్పు - తగినంత

తయారు చేసే విధానం :

జీడిపప్పులను వేయించి పక్కన పెట్టుకోవాలి.
బియ్యాన్ని కడిగి అరగంటపాటు నానబెట్టాలి.
ఈలోపు కడాయిలో నూనె పోసి ఉల్లిపాయ ముక్కలను బ్రౌన్ కలర్ వచ్చేవరకు వేయించి పక్కన పెట్టాలి.
ఆ కడాయిలోనే జీలకర్ర, దాల్చిన చెక్క, యాలకులు, బిర్యానీ ఆకును వేయించాలి. అందులో కాలీఫ్లవర్ ముక్కలు, బఠాణీలు, క్యారెట్ ముక్కలు వేసి కలపాలి. బాగా వేగాక నానబెట్టిన బియ్యాన్ని వేసి కలిపి నీళ్ళు పోయాలి. ఆ తర్వాత ఉప్పు వేసి గట్టిగా మూత పెట్టాలి.
పావుగంట తర్వాత అన్నం కలిపి సన్న మంట మీద మరో ఐదు నిమిషాల పాటు ఉంచి దించేయాలి. వేయించుకున్న ఉల్లిపాయ ముక్కలు, జీడిపప్పులను అందంగా గార్నిష్ చేసి వడ్డిస్తే లొట్టలేసుకొంటూ తింటారు

ఉసిరికాయ పులిహోర

12/11/2013

కావలసిన పదార్థాలు :
ఉసిరికాయ ముక్కలు - ఒక కప్పు,
కొబ్బరి తురుము - అర కప్పు,
పచ్చిమిరపకాయలు - 5,
బియ్యం - రెండు కప్పులు,
జీడిపప్పు - 10,
పల్లీలు - 2 టీ స్పూన్స్,
మినపప్పు - అర టీ స్పూన్,
జీలకర్ర - ఒక టీ స్పూన్,
ఆవాలు - అర టీ స్పూన్,
ఎండు మిరపకాయలు - 3,
పసుపు - కొద్దిగా,
కరివేపాకు - 2 రెమ్మలు ,
కొత్తిమీర - అర కట్ట,
నిమ్మరసం - 2 టీ స్పూన్స్,
ఉప్పు, నూనె - తగినంత

తయారు చేసే విధానం :

ఉసిరికాయ ముక్కలు, కొబ్బరి తురుము, పచ్చిమిరపకాయలు, అర టీ స్పూన్ జీలకర్ర వేసి గ్రైండ్ చేయాలి.
ఇలా చేసేప్పుడు నీళ్ళు మాత్రం పోయకూడదు. ఈ పేస్ట్‌ని ఒక గిన్నెలోకి తీసి పక్కన పెట్టుకోవాలి.
అన్నాన్ని వండి పక్కన పెట్టాలి.
తర్వాత కడాయిలో కొద్దిగా నూనె పోసి జీడిపప్పు, పల్లీలు, మినపప్పు వేసి గోల్డెన్ కలర్ వచ్చే వరకు వేయించాలి.
ఇవి వేగాక కరివేపాకు, ఎండు మిరపకాయలు వేసి సన్నని మంట మీద వేగనివ్వాలి. దీంట్లో పసుపు, ఉసిరికాయ పొడి వేసి కలపాలి. కాసేపటి తర్వాత ఉప్పు వేయాలి. సన్నని మంట మీద కాసేపు అలాగే ఉండనివ్వాలి.
ఇప్పుడు ముందే వండేసిన అన్నాన్ని వేసి కలపాలి. చివరగా నిమ్మరసం పోసి కలిపి, కొత్తిమీరతో గార్నిష్ చేసి సర్వ్ చేయాలి.

టొమాటో పులావ్

11/23/2013

కావలసినవి:
సన్నబియ్యం - 250 గ్రా;
టొమాటోలు - 100 గ్రా;
ఉల్లిపాయ - 1;
పుదీనా ఆకులు - 1/4 కప్పు;
పచ్చిమిర్చి - 4;
అల్లంవెల్లుల్లి పేస్ట్ - టీస్పూన్;
నూనె - 2 టేబుల్ స్పూన్లు;
నెయ్యి లేదా డాల్డా - టేబుల్ స్పూన్;
ఏలకులు - 3;
లవంగాలు - 5;
దాల్చినచెక్క - చిన్నముక్క;
షాజీరా- 1/2 టీ స్పూన్;
ఉప్పు - తగినంత.

తయారి:

బియ్యం కడిగి తగినన్ని నీళ్లు పోసి అరగంట నానబెట్టాలి.
టొమాటోలు చిన్న ముక్కలుగా తరిగి, గ్రైండర్‌లో వేసి మెత్తగా రుబ్బుకోవాలి.
పాన్‌లో నూనె, నెయ్యి కలిపి వేడిచేయాలి. సన్నగా తరిగిన ఉల్లిపాయలు వేసి, అవి మెత్తబడ్డాక పుదీనా ఆకులు, నిలువుగా చీల్చిన పచ్చిమిరపకాయలు వేసి, కొద్దిగా వేపి, అల్లం వెల్లుల్లి ముద్ద, యాలకులు, లవంగాలు, దాల్చిన చెక్క, షాజీరా కూడా వేసి మరికొద్దిసేపు వేయించాలి.
టొమాటో ముద్దలో బియ్యానికి సరిపడా నీళ్లు కలుపుకుని ఈ పోపులో పోయాలి.
అంటే పాత బియ్యమైతే గ్లాసుతో బియ్యం కొలుచుకుని ఒక గ్లాసు బియ్యానికి ఒకటిన్నర గ్లాసుల నీళ్లు పోయాలి. అప్పుడు అన్నం పూర్తిగా ఉడికి మెత్తగా కాకుండా ఉంటుంది. కొత్త బియ్యమైతే నీళ్లు తగ్గించాలి.
అదే నీళ్లలో తగినంత ఉప్పు వేయాలి.
టమాట నీళ్లు మరుగుతున్నప్పుడు నీళ్లలో నానిన బియ్యం వడగట్టివేసి ఉడికించాలి.
అన్నం ఉడికి, నీరంతా ఇరిగిపోయాక మంట పూర్తిగా తగ్గించి, నిదానంగా మరో ఐదు నిమిషాలు మూతపెట్టి మగ్గనివ్వాలి.
ఈ పులావ్‌ని పిల్లలకు లంచ్ బాక్స్‌లో, ప్రయాణాలలో పులిహోరకు బదులుగా చేసుకుని తీసుకెళ్లొచ్చు. కుర్మా లాంటి కూర లేదా పెరుగుపచ్చడితో సర్వ్ చేయాలి.

బేబీకార్న్, శెనెగల రైస్

10/24/2013

కావలసిన పదార్థాలు :
ఉడికించిన అన్నం - రెండు కప్పులు,
ఉడికించిన శెనగలు - పావు కప్పు,
బేబీకార్న్ - ఆరు (నిలువుగా చీల్చి నాలుగు ముక్కలుగా కోయాలి),
ఉప్పు - రుచికి సరిపడా,
నూనె - రెండు టేబుల్ స్పూన్లు.

మసాలా కోసం:
శెనగపప్పు - ఒక టేబుల్ స్పూన్,
ఎండుమిర్చి - ఐదు,
ధనియాలు - అర టేబుల్ స్పూన్,
మిరియాలు - అర టీస్పూన్,
జీలకర్ర - అర టీస్పూన్,
నువ్వులు - ఒక టీస్పూన్.

తయారుచేసే పద్ధతి :

శెనగల్ని ఒక రాత్రంతా లేదా వేడి నీళ్లలో ఒక గంట నానపెట్టాలి. కుక్కర్లో నాలుగైదు విజిల్స్ వచ్చే వరకు ఉడికించాలి.
బేబీకార్న్ను శుభ్రంగా కడిగి నిలువుగా చిన్న ముక్కలుగా కోసుకుని నీళ్లలో ఉప్పు వేసి మెత్తగా ఉడికించాలి.
అన్నం పలుకుగా ఉడికించి వెడల్పాటి పళ్లానికి నూనె పూసి అందులో పరవాలి. పాన్ను వేడిచేసి మసాలా దినుసుల్ని వేగించి చల్లారాక పొడి కొట్టాలి.
నాన్ స్టిక్ కళాయిలో నూనె వేడిచేసి ఉడికించిన శెనగలు, బేబీకార్న్ వేసి మూడు నిమిషాల పాటు వేగించాలి. తరువాత ఇందులో మసాలా పొడి వేసి కలపాలి.
ఉడికించిన అన్నాన్ని వేసి గరిటెతో కలిపి అవసరమనుకుంటే ఉప్పు వేయాలి. అన్నం మీద కొన్ని నీళ్లు చల్లి మరో ఐదు నిమిషాల పాటు సన్నటి సెగ మీద ఉంచాలి. కొత్తిమీర తరుగు వేసి, ఆ పైన క్యారెట్ తురుము కూడా చల్లుకుంటే బాగుంటుంది. ఈ అన్నాన్ని కీరదోసకాయ రైతాతో తింటే వారెవ్వా అనాల్సిందే.

వెజ్ దమ్ బిర్యానీ

10/22/2013

కావలసిన పదార్థాలు :
బాస్మతి బియ్యం - 4 కప్పులు
కూరగాయలు - 1 కప్పు
ఉల్లిపాయ - 1
పచ్చిమిర్చి - 3
పసుపు - 1/2 టీ.స్పూ.
కారం పొడి - 1 టీ.స్పూ.
గరం మాసాలా పొడి - 1 టీ.స్పూ.
పెరుగు - 1 కప్పు
నిమ్మరసం - 3 టీ.స్పూ.
పుదీనా, కొత్తిమీర - 1/4 కప్పు
అల్లం వెల్లుల్లి ముద్ద - 2 టీ.స్పూ.
ఉప్పు - తగినంత
నూనె - 3 టీ.స్పూ.
నెయ్యి - 2 టీ.స్పూ.
లవంగాలు - 6
యాలకులు - 4
దాల్చిన చెక్క - 1 అంగుళం ముక్క
షాజీర - 1 టీ.స్పూ.

తయారుచేసే పద్ధతి:

బాస్మతి బియ్యం కడిగి పది నిమిషాలు నాననివ్వాలి. ఒక గినె్నలో ఎనిమిది గ్లాసుల నీళ్లలో లవంగాలు, యాలకులు, దాల్చిన చెక్క, షాజీరా, బియ్యానికి తగినంత ఉప్పు వేసి మరిగించాలి. నీళ్లు మరుగుతున్నప్పుడు బియ్యం తీసి వేయాలి. మంట తగ్గించి బియ్యం ముప్పావు వంతు ఉడకగానే జల్లెట్లో వేసి నీరంతా ఓడ్చాలి. బిర్యానీ చేయడానికి మందంగా ఉండే గినె్న లేదా పాన్ తీసుకోవాలి.
కుక్కర్ పాన్ ఐతే ఇంకా మంచిది. ఈ గినె్నలో నూనె వేడి చేసి సన్నగా తరిగిన ఉల్లిపాయ, నిలువుగా చీల్చిన పచ్చిమిర్చి వేసి కొద్దిగా మెత్తబడేవరకు వేపి పుదీనా, కొత్తిమీర, పసుపు, అల్లం-వెల్లుల్లి ముద్ద (ఇష్టమైతే) కారం పొడి వేసి మరికొద్దిసేపు వేయించి చిన్న ముక్కలుగా కట్ చేసుకున్న కూరగాయలు వేసి కలిపి మూత పెట్టాలి. ముక్కలు మగ్గిన తర్వాత పెరుగు, నిమ్మరసం వేసి కలపాలి. తర్వాత అన్నం వేసి దానిపైన నెయ్యి, కొద్దిగా పాలువేసి మూతపెట్టాలి. దానిపైన బరువు ఏదైనా పెట్టి చిన్న మంటమీద మరో పది నిమిషాలు ఆవిరికి మగ్గనివ్వాలి. తర్వాత వేడిగా సర్వ్ చేయాలి.

మీల్‌మేకర్ బిర్యానీ

10/8/2013

కావలసిన పదార్థాలు :
మీల్ మేకర్ - 1 కప్పు,
బాస్మతి బియ్యం - 4 కప్పులు,
క్యారెట్ ముక్కలు - 1/4 కప్పు,
పచ్చి బఠానీలు - 1/4 కప్పు,
ఉల్లిపాయ - 1,
పచ్చిమిర్చి -3,
టమాటా -1,
పసుపు -1/4 టీ స్పూన్,
కారంపొడి -1 టీ స్పూన్,
గరం మసాలా పొడి - 1/4 టీ స్పూన్,
లవంగాలు -4,
యాలకులు -4,
దాల్చిన చెక్క - చిన్న ముక్క,
షాజీరా - 1 టీ స్పూన్,
అల్లంవెల్లుల్లి ముద్ద - 1 టీ స్పూన్,
నూనె - 2 టీ స్పూన్స్,
నెయ్యి లేదా డాల్డా - 2 టీ స్పూన్స్

తయారు చేసేవిధానం :

నాలుగు కప్పుల నీళ్లను మరిగించి అందులో మీల్‌మేకర్ వేసి ఉంచాలి. చల్లారాక నీరంతా పిండేసి పక్కన పెట్టుకోవాలి.
పూర్తిగా ఆరిపోయాక మీల్‌మేకర్‌ను వేడి నూనెలో బంగారు రంగు వచ్చేవరకు వేయించి పక్కన పెట్టుకోవాలి.
బాస్మతి బియ్యం కడిగి నీళ్లు పోసి పది నిమిషాలు నాననివ్వాలి.
ఒక మందపాటి గిన్నె లేదా పాన్‌లో నూనె, నెయ్యి లేదా డాల్డా కలిపి వేడి చేసి సన్నగా తరిగిన ఉల్లిపాయ ముక్కలు, పచ్చిమిర్చి వేసి కొద్దిగా మెత్తబడేవరకు వేయించాలి.
ఇందులో అల్లంవెల్లుల్లి ముద్ద, క్యారెట్ ముక్కలు, బఠానీలు, లవంగాలు, యాలకులు, దాల్చిన, షాజీర వేసి మరో రెండు నిమిషాలు వేపాలి.
ఇప్పుడు పసుపు, కారం పొడి, గరం మాసాలా పొడి వేసి కలిపి ఆరు కప్పుల నీళ్లుపోసి తగినంత ఉప్పు వేసి మరిగించాలి.
ఆ వెసట్లో నీటిని వడకట్టి బియ్యం వేయాలి. మంట కొంచెం తగ్గించి ముప్పావు ఉడికిన అన్నంలో వేయించిన మీల్ మేకర్ ముక్కలు వేసి కలిపి మూత పెట్టి చిన్న మంటమీద మగ్గనివ్వాలి.
కొత్తిమీరతో అలంకరించి పెరుగు పచ్చడి లేదా కుర్మాతో ఈ మీల్‌మేకర్ బిర్యానీని సర్వ్‌చేయండి.

కార్న్‌ కోకోనట్‌రైస్‌

10/3/2013

కావలసినవి
అన్నం-రెండు కప్పులు
నూనె-రెండు చెంచాలు, నెయ్యి-చెంచా
పచ్చిమిర్చి ముద్ద-చెంచా
మిరియాలపొడి-అరచెంచా
ఉడికించిన స్వీట్‌కార్న్‌ గింజలు-నాలుగు చెంచాలు
కొబ్బరి తురుము-మూడు చెంచాలు
నిమ్మరసం-అరచెంచా
కొత్తిమీర-కొద్దిగా
ఉప్పు-రుచికి తగినంత
వెల్లుల్లి రెబ్బలు-నాలుగు
క్యారెట్‌ ముక్కలు-పావుకప్పు

తయారుచేసే విధానం
బాణలిలో నూనె వేడిచేసి పచ్చిమిర్చి ముద్దను వేయించి క్యారెట్‌ ముక్కలు చేర్చాలి. ఇందులో ఉడికించిన స్వీట్‌కార్న్‌ గింజలు, కొబ్బరితురుము, వెల్లుల్లి రెబ్బలు కూడా వేయించి అన్నం కలపాలి. ఆ తరువాత మిరియాలపొడి, తగినంత ఉప్పు కలిపి మరోసారి వేయించాలి. ఐదునిమిషాలయ్యాక దింపేసి నిమ్మరసం, కొత్తిమీర తురుము చేర్చి వడ్డిస్తే చాలా రుచిగా ఉంటుంది.

పోషకాలు: శక్తి -390 కెలరీలు, మాంసకృత్తులు-5.5గ్రా. కార్బొహైడ్రేట్లు-50గ్రా. కొవ్వు -12.5గ్రా.