Blog Archives

ఎగ్ ఫ్రైడ్ రైస్ (సింపుల్ గా)

5/24/2013

కావలసిన పదార్థాలు :

బాస్మతి రైస్ - 2 కప్పులు
గుడ్లు - 3
ఉల్లిపాయ - 1
ఉప్పు - రుచిగా తగినంత
మిరియాల పొడి - పావు టీస్పూన్
పచ్చిమిర్చి - 1
ఉల్లికాడల తరుగు - ఒక కప్పు
నూనె - 1 టీస్పూన్

తయారుచేసే పద్ధతి :

ముందుగా అన్నం వండుకొని పక్కన పెట్టుకోవాలి.
ఒక గిన్నెలో గుడ్లసొన, ఉప్పు, కొద్దిగా మిరియాల పొడి వేసి బాగా గిలక్కొట్టాలి. సన్నగా తరిగిన ఉల్లిపాయలు నూనెలో వేసి దోరగా వేగాక ఉల్లికాడలు, పచ్చిమిర్చి తరుగు (పెద్ద మంటపై) గుడ్ల మిశ్రమం ఒకటి తర్వాత ఒకటి వేసి వేగించి, మిగిలిన మిరియాల పొడి వేయాలి. ఇప్పుడు అన్నం వేసి బాగా కలిపి వేడివేడిగా తినాలి.

0 Comments

మష్రుమ్ ఫ్రైడ్ రైస్

5/24/2013

0 Comments

కావలసిన పదార్థాలు :

బాస్మతి రైస్ - 2 కప్పులు
మష్రుమ్స్ - 100 గ్రా.
ఆలివ్ నూనె - 2 టీస్పూన్లు
అల్లం - అంగుళం ముక్క
వెల్లుల్లి - 3 రేకులు
ఉల్లికాడ తరుగు - అరకప్పు
క్యాప్సికం - సగం ముక్క
సోయా సాస్ - 2 టీస్పూన్లు
వెనిగర్ - 1 టీస్పూన్
మిరియాలపొడి, ఉప్పు - రుచికి తగినంత
నూనె - ఒకటిన్నర టేబుల్ స్పూన్

తయారుచేసే పద్ధతి :

ముందుగా అన్నం వండుకొని పక్కన పెట్టుకోవాలి.
క్యాప్సికం, అల్లం, వెల్లుల్లి, ఉల్లిపాయ, మష్రుమ్స్ సన్నగా తరిగి పెట్టుకోవాలి.ప్యాన్ లో నూనె వేడి చేసి ఉల్లిపాయ, అల్లం, వెల్లుల్లి తరుగు వేసి 2 నిముషాలు తర్వాత క్యాప్సికం, మష్రుమ్స్ తరిగి కలిపి మెత్తబడే వరకు వేయించాలి. ఇప్పుడు సోయాసాస్, వెనిగర్ కలిపి ఇంకో నిమిషంపాటు వేయించాలి. తర్వాత అన్నం కలిపి (పెద్ద మంటపై) 2 నిముషాలు కలపాలి. మిరియాల పొడి వేసి మరోసారి కలిపి వేడివేడిగా తినాలి.గోబీ మంచిరియాతో మంచి కాంబినేషన్.

0 Comments

వెజిటేబుల్ ఫ్రైడ్ రైస్

5/24/2013

0 Comments

కావలసిన పదార్థాలు :

బాస్మతి రైస్ - 3 కప్పులు
ఉల్లికాడ తరుగు - అరకప్పు
క్యాప్సికం - 1 (సన్నగా, పొడుగ్గా తరగాలి)
బీన్స్, క్యారెట్,క్యాబేజీ తరుగు - 2 కప్పులు (రెండు నిముషాలు ఉడికించి పెట్టుకోవాలి)
వెనిగర్ - ముప్పావు టేబుల్ స్పూన్
మిరియాలపొడి, ఉప్పు - రుచికి తగినంత
నూనె - ఒకటిన్నర టేబుల్ స్పూన్

తయారుచేసే పద్ధతి :

ముందుగా అన్నం వండుకొని పక్కన పెట్టుకోవాలి.
ప్యాన్ లో నూనె వేడి చేసి ఉల్లిపాయ తరుగు దోరగా వేయించి మిగతా కూరగాయల తరుగు కూడా కలిపి 4 నిముషాలు వేయించాలి. ఉప్పు, మిరియాల పొడి వేసి నిమిషం తర్వాత చల్లారిన అన్నం వేసి బాగా మిక్స్ చేయాలి. ఇప్పుడు సోయా సాస్ వేసి బాగా కలిపి, తర్వాత సర్వ్ చేయాలి.

0 Comments

ములగ ఆకులతో చట్నీ రైస్

5/24/2013

0 Comments

కావలసిన పదార్థాలు :

ఉడికించిన అన్నం : రెండు కప్పులు
ములగ ఆకులు : రెండు కప్పులు
వెల్లుల్లి రెబ్బలు : పది
ఎండు మిరపకాయలు : మూడు
పచ్చిమిరపకాయలు : రెండు
చింతపండు : కొద్దిగా
ఆవాలు : అరటీస్పూన్
మినపప్పు : అరటీస్పూన్
ఉప్పు : తగినంత
నూనె : తగినంత

తయారుచేసే పద్ధతి :

ప్యాన్ లో నూనె వేడి చేసి వెల్లుల్లి, ఎండుమిరపకాయ, పచ్చిమిరపకాయ వేసి వేయించాలి. అందులో ములగ ఆకులు కలపాలి. కొంచెం సేపు ఉడికిన తర్వాత చింతపండు వేసి కొద్దిసేపటి తర్వాత స్టవ్ కట్టివేయాలి. చల్లారిన తర్వాత వేయించిన పదార్థాలన్నీ కలిపి ఉప్పు, తగినంత నీరు పోసి మిక్సీలో పేస్ట్ చేసుకోవాలి.
ప్యాన్ లో నూనె వేడి చేసి ఆవాలు, మినపప్పు వేసి చిటపటలాడాక అన్నంలో తాలింపు వేసి కలియబెట్టాలి. రుబ్బిన ములగ చట్నీ అన్నంలో వేసి బాగా కలియబెట్టాలి. అన్నానికి గ్రీన్ చట్నీ బాగా పట్టాలి. ఏ సైడ్ డిష్ తోనైనా దీన్ని తింటే రుచిగా ఉంటుంది.

మూలం: స్వాతి సపరివార పత్రిక

0 Comments

గిలీ కిచిడీ (భోగ్) బెంగాలీ స్పెషల్

5/23/2013

0 Comments

కావలసిన పదార్థాలు :

బియ్యం - ఒక గ్లాస్
పెసర పప్పు - ఒక గ్లాస్
క్యారెట్ - ఒకటి
బంగాళదుంప - ఒకటి (చిన్నది )
చిక్కుళ్ళు - రెండు
పచ్చిమిరపకాయలు - రెండు
అల్లం ముక్క - చిన్నది
ఆవాలు - కొంచెం
జీలకర్ర - కొంచెం
నీళ్ళు - ఐదు గ్లాసులు
నెయ్యి - కొంచెం
నూనె - రెండు చెంచాలు
ఉప్పు - తగినంత
పసుపు - కొద్దిగా
యాలక్కాయ - ఒకటి
పులావ్ ఆకులు - రెండు

తయారుచేసే పద్ధతి :

చిన్న కుక్కరుగాని, కుక్కరుపాన్ గానీ తీసుకొని అందులో నూనె వేసి ఆవాలు, జీలకర్ర వేయాలి. కొంచెం వేగినాక బంగాళదుంప, క్యారెట్, చిక్కుడు పెద్ద ముక్కలుగా తరిగి వెయ్యాలి. అవి బాగా వేగాక బియ్యం, పప్పు కలిపి కడిగి నీరు ఓంపినాక వేయాలి. బాగా కలుపుతూ ఉప్పు, పసుపు వేసి యలక్కాయని చితక్కొట్టి వెయ్యాలి. అలా ఐదు నిమిషాలదాకా బాగా కలుపుతూ ఉంటే మంచి వాసన వస్తుంటుంది. అప్పుడు మనం కొలిచి పెట్టుకున్న నీటిని ఇందులో పోసి బాగా కలిపి మూత పెట్టాలి. మూడు విజిల్స్ వచ్చాక దించేయాలి. అరగంట పోయాక కుక్కర్ ఓపెన్ చేసి నెయ్యి వేసి బాగా కలపాలి. భోగ్ రెడీ. దీన్ని బెంగాలీలు దేవీ నవరాత్రులలో అమ్మవారికి నివేదన చేసి నవరాత్రుల పందిళ్ళలో పంచుతారు.

ధనియా చట్నీ :

రెండు కొత్తిమీర కట్టలు, రెండు చిన్న టొమాటోలు, మూడు పచ్చిమిరపకాయలు, ఉప్పు మిక్సీ చేసి పక్కన పెట్టుకొని గీలీ కిచిడిలో తింటే చాలా బాగుంటుంది. మరి ఇంక ఐటమ్స్ అవసరం లేదు కూడా..

మూలం : ఆంద్రభూమి సచిత్ర మాస పత్రిక

0 Comments

కోకోనట్ పులావ్

5/14/2013

0 Comments

కావలసిన పదార్థాలు :

బాస్మతి రైస్ - రెండు కప్పులు
పచ్చి బటాణి - ఒక కప్పు
బిర్యాని ఆకులు - మూడు
పచ్చిమిర్చి - నాలుగు
ఏలకులు - 3
ఎల్లిపాయలు - 8
అల్లం - చిన్న ముక్క
జీడిపప్పు - ఐదు పలుకులు
ఉల్లిగడ్డ - ఒకటి
పుదీనా,కొత్తిమీర తరుగు - రెండు చెంచాలు
లవంగాలు - 4
దాల్చిన చెక్క - చిన్న ముక్క
నూనె - సరిపడా
ఉప్పు - తగినంత

తయారుచేసే పద్ధతి :

ముందుగా బాస్మతి బియ్యాన్ని శుభ్రముగా కడిగి వార్చి ఉంచుకోవాలి. కొబ్బరి తురుము మిక్సీలో వేసి దాని నుండి పాలు తీసుకోవాలి. అల్లం, వెల్లుల్లి మిక్సీలో వేసి పేస్ట్ లా చేసుకోవాలి. ఉల్లిపాయ, పచ్చిమిర్చి తరిగి పెట్టుకోవాలి. తర్వాత కప్పు బియ్యానికి రెండు కప్పుల చొప్పున పాలు పోసి పక్కన పెట్టుకోవాలి. కుక్కర్ లో నూనె వేసి కాగాక ఉల్లిపాయలు, పచ్చిమిర్చి వేసి వేగాక అల్లం వెల్లుల్లి పేస్ట్, మసాలా దినుసులన్నీ వేసి వేయించాలి. కొద్దిసేపటి తర్వాత పచ్చి బటాణి వేసి వేయించి అందులో బియ్యం, పాలు పోసి కొత్తిమీర, పూదీన తరుగు వేయాలి. బాగా కలిపి మూత పెట్టి సన్నని సెగఫై ఒకటి లేదా రెండు విజిల్స్ వచ్చేవరకు ఉడకనివ్వాలి. ఇది ఉల్లిపాయ, పెరుగు పచ్చడితో తింటే చాలా రుచిగా ఉంటుంది.

మూలం : నమస్తే తెలంగాణ ఆదివారం పుస్తకం

0 Comments

ఎగ్ ఫ్రైడ్ రైస్ (సింపుల్ గా)

మష్రుమ్ ఫ్రైడ్ రైస్

వెజిటేబుల్ ఫ్రైడ్ రైస్

ములగ ఆకులతో చట్నీ రైస్

గిలీ కిచిడీ (భోగ్) బెంగాలీ స్పెషల్

కోకోనట్ పులావ్

Author

Categories

Archives