పడుకునేటప్పుడు మెడ కింద కచ్చితంగా తలగడలాంటిది పెట్టుకోండి. ఇలా చేయడం వల్ల కళ్ళ కింద భాగానికి చక్కగా రక్త ప్రసరణ అవుతుంది. దీని వల్ల నల్లని వలయాలు ఏర్పడే అవకాశాలు తగ్గుతాయి. కళ్ళ వాపు సమస్యలు దరిచేరవు.
0 Comments
కప్పు ఆవనూనెలో గుప్పెడు గోరింటాకు వేసి బాగా మరిగించాలి. చల్లారాక ఆకును తీసి నూనె నిల్వ చేసుకొని రాత్రిపూట రాసుకోవాలి. మర్నాడు తలస్నానం చేయాలి. ఇలా రెండు మూడు రోజులకోసారి చేస్తుంటే జుట్టు రాలే సమస్య అదుపులోకి వస్తుంది.
రెండు అరటి పండ్లను గుజ్జులా చేసి అందులో రెండు చెంచాల పెరుగు, మూడు చెంచాల తేనె వేసి బాగా కలిపి ముఖానికి పూతల రాసుకోవాలి. పది నిమిషాలయ్యాక కడిగేస్తే చర్మం తాజాగా మారుతుంది.
ఈ చర్మతత్వం ఉన్న వారి ముఖం తయారైనా కొన్ని నిమిషాలకే జిడ్డుకారుతుంది. ఇలాంటి వారు టొమాటో రసానికి కొంచెం కీరదోస రసం కలిపి ముఖానికి రాసుకోవాలి. రోజూ ఇలా చేస్తుంటే చర్మంఫై నూనె ఉత్పత్తి తగ్గడంతో పాటూ మొటిమల సమస్య కూడా రాదు.
బ్లాక్ హెడ్స్ వస్తున్న చోట టొమాటో ముక్కతో బాగా రుద్ది ఐదు నిముషాలు వదిలేయాలి. తరవాత గోరువెచ్చటి నీళ్ళతో కడిగేసుకుంటే ముఖం శుభ్రపడుతుంది. ఇలా తరచూ చేయడం వల్ల మొటిమల సమస్యా ఎదురవదు. టొమాటోలో ఉండే విటమిన్ 'ఎ','సి','కె' లు మొటిమలు రాకుండా నిరోధిస్తాయి.
టొమాటో గుజ్జుకి కొంచెం పెరుగు కలిపి ముఖానికి రాసుకుంటే చర్మం మృదువుగా మారుతుంది. ఎండా ప్రభావంవల్ల కమిలిన చర్మానికి ఉపశమనం కలుగుతుంది. కొందరిలో దగ్గర నుంచి చూస్తే చర్మ రంద్రాలు స్పష్టంగా కనిపిస్తాయి. అలాంటి వారు టొమాటో గుజ్జుకి కొంచెం నిమ్మరసం కలిపి రాసుకుంటే మంచిది.
ఎండకి వడలిపోయిన చర్మం ఎర్రగా కమిలిపోతుంది. అలాంటపుడు కప్పు కొబ్బరిపాలు, అరకప్పు రోజ్ వాటర్ కలిపి ఒక బాటిల్ లో వేసి ఫ్రిజ్ లో పెట్టుకోండి. ఎండలోకి వెళ్లి రాగానే ఆ మిశ్రమాన్ని ముఖంఫై చిలకరించుకొని అరగంట పాటు ఉండండి. ఎండకి ఎర్రగా మారిన చర్మం మళ్లీ మామూలు స్థితికి రావడంతో పాటు టాన్ కూడా తగ్గుతుంది.
రెండు స్పూన్ల కొబ్బరి పాలకి, నాలుగు స్పూన్ల ఆలివ్ ఆయిల్ ని కలిపి ఒక డబ్బాలో వేసి రిఫ్రిజిరేటర్ లో ఉంచండి. దీనిని వారం రోజుల పాటు మేకప్ రిమూవర్ లా వాడుకోవచ్చు. మార్కెట్ లో దొరికే రిమూవర్ లా కన్నా ఈ మిశ్రమం ముఖాన్ని బాగా శుభ్రం చేస్తుంది.
చర్మాన్ని శుభ్రపరచుకోవడానికి కొబ్బరి పాలతో క్లెన్సర్ ను తయారుచేసుకోవచ్చు. కొబ్బరి పాలకి, మెత్తటి పెరుగుని కలిపి ఆ మిశ్రమాన్ని ముఖానికి రాసుకోండి. ఐదు నిమిషాల పాటు వదిలేసి తడి వస్త్రముతో మృదువుగా తుడవండి. తరవాత చల్లని నీటిని ముఖంఫై చల్లుకొని కడిగేసుకోండి. చర్మంఫై పట్టిన మృతకణాలు, మురికి పోతాయి.
|