Blog Posts

క్యారెట్‌-కాప్సికమ్‌ పచ్చడి

8/7/2013

కావలసిన పదార్ధాలు:
క్యారెట్లు: 4 (మీడియం సైజువి)
కాప్సికమ్‌ - 1
పచ్చి మిర్చి - 5
కొత్తి మీర
కరివేపాకు
చింతపండు- పులుపు కోసం
ఉప్పు - తగినంత
శనగపప్పు: 3 టేబుల్‌ స్పూన్లు
మినపప్పు: 11/2 టేబుల్‌ స్పూన్లు
ధనియాలు 1/2 స్పూన్‌
జీలకర్ర- 1/2 స్పూన్‌
నూనె: సరిపడినంత

తయారు చేసే విధానం:
బాణలి పొయ్యి మీద పెట్టి పోపు గింజలన్నింటినీ నూనెలేకుండా దోరగా వేయించాలి. తర్వాత వాటిని గ్రైండర్‌లో వేసి మెత్తటి పొడిగా చేసుకొని పక్కన పెట్టుకోవాలి. క్యారెట్‌ను, కాప్సికమ్‌ను చిన్న చిన్న ముక్కలుగా చేసుకోవాలి. మిరపకాయలను చీల్చి పెట్టుకోవాలి. తర్వాత పొయ్యి మీద బాణలి పెట్టి ఒక రెండు టేబుల్‌ స్పూన్ల నూనె అందులో వేసి కరివేపాకు, పచ్చి మిర్చి వేసి ఒకనిమిషం అయిన తర్వాత క్యారెట్‌, కాప్సికమ్‌ ముక్కలు వేయాలి.

అందులో తగినంత ఉప్పు వేసి అవి మెత్తబడే దాకా మూత పెట్టి ఉంచాలి. పొయ్యి ఆపే ముందు కాస్త కొత్తిమీర ఆకులు చల్లి చింతపండును వేయాలి.తర్వాత దానిని ఒక గిన్నెలోకి తీసుకొని ముందుగా పొడి చేసి పెట్టుకున్న పొడి కలిపి కచ్చాపచ్చాగా మిక్సీలో వేసి రుబ్బుకోవాలి. మిక్సీ తిరగకపోతుంటే దానిలో కొంచెం నీటిని వేసుకోవచ్చు. తర్వాత వేరే గిన్నెలోకి తీసుకొని మళ్ళీ అందులో కొద్దిగా తాలింపు పెట్టాలి. ఇది చపాతీలలోకి, అన్నంలోకి కూడా అధరవుగా రుచికరంగా ఉంటుంది.

మూలం : సూర్య దినపత్రిక

0 Comments

పల్లీల చట్నీ

7/10/2013

0 Comments

కావలసిన పదార్ధాలు:
వేరుశనగ గుళ్లు     - 2 కప్పులు
కొబ్బరి పొడి - 1 కప్పు
పుట్నాల పప్పు     - 1 కప్పు (వేయించినవి)
పచ్చిమిరపకాయలు - 12
నూనె                      - 2 టేబుల్‌ స్పూన్లు
జీలకర్ర, ఆవాలు    - 1 టేబుల్‌ స్పూను
ఎండుమిర్చి - 3
పచ్చిశనగపప్పు   - 1 టేబుల్‌స్పూన్‌
మినపపప్పు - 1 టేబుల్‌స్పూన్‌
వెల్లుల్లి - 3 రెబ్బలు
కరివేపాకు - 2 రెబ్బలు
చింతపండు - కొద్దిగా
ఉప్పు - సరిపడినంత

తయారు చేసే విధానం:
వేరుశనగగుళ్లు వేయించి ఒక బౌల్‌లోకి తీసుకొని పక్కన పెట్టకోవాలి. ఒక గిన్నెలో కొద్దిగా నూనెవేసి అందులో పచ్చిమిర్చి, వెల్లుల్లి, జీలకర్ర వేయించి పెట్టకోవాలి. ఈ మొత్తానికి వేయించిన శనగగుళ్లు, పుట్నాల పప్పు, కొబ్బరిపొడి, ఉప్పు, చింతపండు వేసి మెత్తగా గ్రైండ్‌ చేసుకోవాలి. తరువాత ఒక గిన్నెలో రెండు టేబుల్‌ స్పూన్ల నూనె వేసి దాన్లో ఎండుమిర్చి, ఆవాలు, పచ్చిశనగపప్పు, మినపప్పు, దోరగా వేగాక కరివేపాకు వేయాలి. తరువాత ఆ పోపులో గ్రైండ్‌ చేసి ఉంచుకున్న పల్లీల చట్నీని వేయాలి. ఈ పల్లీల చట్నీని రాగిముద్దలో కలుపుకుని తింటే చాలా బాగుంటుంది. రాయలసీమ వాసులు రాగిముద్దలోకి ఈ పల్లీల చట్నీని ఇష్టంగా తింటారు.

0 Comments

ఉల్లిపాయ పచ్చడి

7/4/2013

0 Comments

కావలసిన పదార్థాలు :
ఉల్లిపాయ ముక్కలు - 2 కప్పులు
పచ్చిమిర్చి -3
ఎండుమిర్చి - 3
నువ్వులు - 2 టీ.స్పూ.
మినప్పప్పు - 1 టీ.స్పూ.
ఆవాలు, జీలకర్ర - 1/4 టీ.స్పూ.
ఎండుమిర్చి - 2
పుదీనా ఆకులు - 10
పసుపు - చిటికెడు
అల్లం వెల్లుల్లి ముద్ద - 1/2 టీ.స్పూ.
కరివేపాకు - 1 రెబ్బ
చింతపండు - పెద్ద సైజు నిమ్మకాయంత
ఉప్పు - తగినంత
నూనె - 4 టీ.స్పూ.

తయారుచేసే పద్ధతి :

పాన్ వేడి చేసి నువ్వులను దోరగా వేయించుకోవాలి.
పాన్‌లో సగం నూనె వేడి చేసి సన్నగా తరిగిన ఉల్లిపాయలు వేసి బంగారు రంగు వచ్చేవరకు వేయించాలి. ఉల్లిపాయలు సగం మగ్గిన తర్వాత నిలువుగా చీల్చిన పచ్చిమిర్చి, ఎండుమిర్చి, పుదీనా ఆకులు, నువ్వులు, పసుపు, అల్లం వెల్లుల్లి ముద్దవేసి కలిపి మూత పెట్టి మగ్గనివ్వాలి. తర్వాత దింపేసి చల్లారనివ్వాలి.
ఈ మిశ్రమాన్ని మిక్సీలో వేసి తగినంత ఉప్పు కలిపి మెత్తగా గ్రైండ్ చేసుకోవాలి. మరో చిన్న గిన్నె లేదా గరిటలో మిగిలిన నూనె వేడి చేసి ఎండుమిర్చి, ఆవాలు, జీలకర్ర వేసి కాస్త వేగాక కరివేపాకు వేసి కలిపి నూరిన పచ్చడిలో వేసి కలపాలి.

మూలం : ఆంధ్రభూమి దినపత్రిక

0 Comments

సొరకాయ పచ్చడి

6/21/2013

1 Comment

కావలసిన పదార్థాలు :
సొరకాయ ముక్కలు - ఒకటిన్నర కప్పు (చెక్కుతో సహా తీసుకోవాలి)
సెనగ పప్పు, మినప్పప్పు - అర టేబుల్ స్పూన్ చొప్పున
జీలకర్ర - అరచెంచా
ధనియాలు - చెంచా
ఎండు మిర్చి - ఆరు
పచ్చిమిర్చి - పది
చింతపండు - కొద్దిగా
ఉప్పు - తగినంత
నూనె - 4 టేబుల్ స్పూన్లు
తాలింపు కోసం :
ఆవాలు - అరచెంచా
మినప్పప్పు - అరచెంచా
కరివేపాకు - రెండు రెబ్బలు

తయారుచేసే పద్ధతి :

బాణలిలో ఒక చెంచా నూనె వేడి చేసి సెనగపప్పు, మినప్పప్పు, జీలకర్ర, ధనియాలు, ఎండుమిర్చి వేయించుకొని తీసి పెట్టుకోవాలి.
అదే బాణలిలో ఒకటిన్నర చెంచాల నూనె పోసి, కాగాక సోరక్కాయ ముక్కలు, పచ్చిమిర్చి, చింత పండు వేసి మూత పెట్టాలి. కూరముక్కల్ని మెత్తగా మగ్గనివ్వాలి. ఆ తర్వాత వేడి చల్లారాక అన్నింటిని మిక్సీలో తీసుకొని, తగినంత ఉప్పు వేసుకొని మెత్తగా రుబ్బుకుంటే సరిపోతుంది.
బాణలిలో మిగతా నూనె వేసి, కాగాక తాలింపు కోసం తీసుకున్న పదార్థాలను వేయించి పచ్చడిపై వేస్తే చాలా రుచిగా ఉంటుంది.

మూలం : ఈనాడు వసుంధర

1 Comment

చింతచిగురు పొడి

6/19/2013

0 Comments

కావలసిన పదార్థాలు :
చింతచిగురు - 200 గ్రా.
వేరుసెనగ పప్పు - పావుకప్పు
ధనియాలు - టేబుల్ స్పూన్
సెనగ పప్పు - టేబుల్ స్పూన్
ఎండు మిర్చి - 20
వెల్లుల్లి రెబ్బలు - 4
నూనె - 4 టీస్పూన్లు
ఉప్పు - తగినంత

తయారుచేసే పద్ధతి :

చింతచిగురును శుభ్రంగా కడిగి ఆరనివ్వాలి. బాణలిలో 2 టీస్పూన్ల నూనె వేసి కాగాక, వేరుసెనగ పప్పు, ధనియాలు, సెనగ పప్పు వేసి వేయించాలి. చివరగా ఎండు మిర్చి కూడా వేసి వేయించి దించాలి. చల్లారిన తర్వాత వీటిని మిక్సీలో వేసి రుబ్బాలి.
అదే బాణలిలో మిగిలిన రెండు స్పూన్ల నూనె వేసి కాగాక, చింతచిగురు వేసి వేయించి దించి చల్లారనివ్వాలి.
ముందుగా మిక్సీలో వేసిన పప్పుల్లో ఉప్పు, వెల్లుల్లి కూడా వేసి మరీ మెత్తగా కాకుండా పొడి చేయాలి. చివరగా ఆకులు కూడా వేసి పొడి చేయాలి.

మూలం : ఈనాడు ఆదివారం

0 Comments

క్యారెట్ పచ్చడి

6/17/2013

0 Comments

కావలసిన పదార్థాలు :
క్యారెట్లు - పదిహేను (చెక్కు తీసి ముక్కల్లా తరగాలి)
ఉల్లిపాయలు - రెండు
ధనియాల పొడి - చెంచా
ఆవ పొడి - చెంచా
జీలకర్ర పొడి - అరచెంచా
మెంతి పొడి - పావు చెంచా
కారం - రెండు చెంచాలు
ఉప్పు - తగినంత
ఇంగువ - చిటికెడు
అల్లం వెల్లుల్లి పేస్ట్ - అరచెంచా
ఎండు మిర్చి - రెండు
కరివేపాకు - రెండు రెబ్బలు
చక్కెర - కొద్దిగా
నిమ్మరసం - మూడు చెంచాలు
మినప్పప్పు, ఆవాలు, జీలకర్ర - పావు చెంచా చొప్పున
నూనె - కప్పు

తయారుచేసే పద్ధతి :

ఉల్లిపాయల్ని తరిగి మిక్సీలో వేసి పేస్ట్ లా చేసుకోవాలి.
ఇప్పుడు బాణలిలో అరకప్పు నూనె వేడిచేసి ఆవాలు, జీలకర్ర, మినప్పప్పు, ఎండు మిర్చిని వేయించాలి. ఆ తర్వాత కరివేపాకు రెబ్బలు కూడా వేసి, అవి వేగాక ఇంగువ, ఉల్లిపాయ మిశ్రమం, అల్లం వెల్లుల్లి పేస్ట్ వేసి బాగా వేయించాలి. ఉల్లిపాయల పచ్చి వాసనా పోయాక దించాలి. అందులో సన్నగా తరిగిన క్యారెట్ ముక్కలు, నిమ్మరసం, తగినంత ఉప్పుతో పాటు మిగిలిన పదార్థాలన్నీ వేసేయాలి. మిగిలిన నూనె కూడా వేసేస్తే స్పైసీ క్యారెట్ పచ్చడి రెడీ. ఇది వేడివేడి అన్నంలోకే కాదు చపాతీలోకి కూడా చాలా బాగుంటుంది.

మూలం : ఈనాడు వసుంధర

0 Comments

రొయ్యల పచ్చడి

5/24/2013

0 Comments

కావలసిన పదార్థాలు :

రొయ్యలు : అర కిలో
వెల్లుల్లి పేస్ట్ : ఒక టేబుల్ స్పూన్
కారం : అరకప్పు
ఉప్పు : ఒక టేబుల్ స్పూన్
లవంగాల పొడి : అర చెంచ
నూనె : అరకిలో
నిమ్మకాయ : 1

తయారుచేసే పద్ధతి :
రొయ్యలు వాసనా పోవాలంటే ముందుగా రెండు నిముషాలు వేడినీటిలో వేసి రెండు పొంగులు వచ్చాక తీసి ఒక బట్ట మీద వేసి కాసేపు ఆరనివ్వాలి. మూకుడులో నూనె(డీప్ ఫ్రైకి సరిపడా) వేడి చేసుకొని రొయ్యలను వేయించుకోవాలి. రొయ్యలు త్వరగా వేగిపోతాయి కనుక తొందరగా నూనెలో నుంచి చిల్లుల గరిటెతో ఒక గిన్నెలోకి తీసుకోవాలి. రొయ్యల పచ్చడిలో లవంగాల పొడి కాస్త ఎక్కువగా, కారం కాస్త తక్కువగా వేస్తే బాగుంటుంది. మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి. స్టవ్ తక్కువ మంట మీద పెట్టుకొని ఆ మూకుడు పెట్టి, అందులో నూరిన వెల్లుల్లి ముద్ద,లవంగాల పొడి, కారం, ఉప్పు వేసుకోవాలి. స్టవ్ ఆర్పీవెసి, గిన్నెలోకి తీసుకున్నరొయ్యలను వేసి బాగా కారం పట్టేలా కలపాలి. వేడి తగ్గిన తరువాత నిమ్మకాయరసం పిండాలి.

మూలం: ప్రజశక్తి ఆదివారం

0 Comments

మటన్ పచ్చడి

5/24/2013

0 Comments

కావలసిన పదార్థాలు :

బోన్ లెస్ మటన్ : కిలో
అల్లం,వెల్లుల్లి పేస్ట్ : ఒక టేబుల్ స్పూన్
కారం : అరకప్పు
ఉప్పు : ఒక టేబుల్ స్పూన్
లవంగాల పొడి : అర చెంచ
నూనె : అరకిలో
నిమ్మకాయ : 1

తయారుచేసే పద్ధతి :

మటన్ ముక్కలు కడిగి చిన్న ముక్కలుగా కట్ చేసి ఒక బట్ట మీద వేసి కాసేపు ఆరనివ్వాలి. మూకుడులో నూనె(డీప్ ఫ్రైకి సరిపడా) వేడి చేసుకొని మటన్ ముక్కలు వేయించుకోవాలి. మటన్ ముక్క ఉడకడానికి కొంచెం ఎక్కువ టైం పడుతుంది. ముక్క ఉడికింది లేనిది చూసుకొని, నూనెలో నుంచి చిల్లుల గరిటెతో ఒక గిన్నెలోకి తీసుకోవాలి. స్టవ్ ఆర్పివేయాలి. మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి. స్టవ్ తక్కువ మంట మీద పెట్టుకొని ఆ మూకుడు పెట్టి, అందులో నూరిన అల్లం, వెల్లుల్లి ముద్ద,లవంగాల పొడి, కారం, ఉప్పు వేసుకోవాలి. స్టవ్ ఆర్పివేసి , గిన్నెలోకి తీసుకున్న మటన్ ముక్కలను వేసి అన్ని ముక్కలకు కారం పట్టేలా కలపాలి. వేడి తగ్గిన తరువాత నిమ్మకాయరసం పిండాలి.

మూలం: ప్రజశక్తి ఆదివారం

0 Comments

చేపల పచ్చడి

5/24/2013

1 Comment

కావలసిన పదార్థాలు :

చేపముక్కలు : అరకిలో
వెల్లుల్లి : ఒక గడ్డ (రుబ్బుకోవాలి)
కారం : అరకప్పు
ఉప్పు : ఒక టేబుల్ స్పూన్
లవంగాలు : 2
యాలకులు : 1
దాల్చిన చెక్క : ఒక చిన్న ముక్క
నూనె : అరకిలో
నిమ్మకాయ : 1

తయారుచేసే పద్ధతి :

ముందుగా లవంగాలు, యాలకులు, దాల్చినచెక్క పొడి కొట్టి మసాలా తయారుచేసుకోవాలి. తర్వాత చేప ముక్కలు కడిగి చిన్న ముక్కలుగా కట్ చేసి ఒక బట్ట మీద వేసి నీరు కాస్త ఇంకిపోయేలా ఆరనివ్వాలి. మూకుడులో నూనె(డీప్ ఫ్రైకి సరిపడా) వేడి చేసుకొని చేప ముక్కలు వేయించుకోవాలి. మరీ ఎక్కువగా వేగితే ముక్కలు పొడిపొడిగా తునిగిపోతాయి కనుక ముక్క ఉడికితే సరిపోతుంది. చిల్లుల గరిటెతో ఒక గిన్నెలోకి తీసుకోవాలి. స్టవ్ ఆర్పివేయాలి. మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి. ఇది వేడిగా ఉంటుంది కాబట్టి ఇందులో నూరిన వెల్లుల్లి ముద్ద, ఇష్టమైతే కరివేపాకు, మసాలా పొడి, కారం, ఉప్పు వేసి గిన్నెలోకి తీసుకున్న చేప ముక్కలను కూడా ఇందులో వేయాలి. గరిటెతో బాగా కలిపి వేడి తగ్గిన తరువాత నిమ్మకాయరసం పిండాలి.

మూలం: ప్రజశక్తి ఆదివారం

1 Comment

చికెన్ పచ్చడి

5/24/2013

1 Comment

కావలసిన పదార్థాలు :

బోన్ లెస్ చికెన్ : అరకిలో
వెల్లుల్లి : ఒక గడ్డ (రుబ్బుకోవాలి)
కారం : అరకప్పు
ఉప్పు : ఒక టేబుల్ స్పూన్
లవంగాలు : 2
యాలకులు : 1
దాల్చిన చెక్క : ఒక చిన్న ముక్క
నూనె : అరకిలో
నిమ్మకాయ : 1

తయారుచేసే పద్ధతి :

ముందుగా లవంగాలు, యాలకులు, దాల్చినచెక్క పొడి కొట్టి మసాలా తయారుచేసుకోవాలి. తర్వాత చికెన్ ముక్కలు కడిగి ఒక బట్ట మీద వేసి కాసేపు ఆరనివ్వాలి. మూకుడులో నూనె(డీప్ ఫ్రైకి సరిపడా) వేడి చేసుకొని చికెన్ ముక్కలు వేయించుకోవాలి. చికెన్ ముక్క నూనెలో ఉడికింది లేనిది చూసుకొని (మరి గట్టిపడకుండా) చిల్లుల గరిటెతో ఒక గిన్నెలోకి తీసుకోవాలి. స్టవ్ ఆర్పివేయాలి. మూకుడులో ఒక కప్పు లేదా కప్పున్నర నూనె మాత్రం ఉంచి మిగిలిన నూనె తీసేయాలి. ఇది వేడిగా ఉంటుంది కాబట్టి ఇందులో నూరిన వెల్లుల్లి ముద్ద, ఇష్టమైతే కరివేపాకు, మసాలా పొడి, కారం, ఉప్పు వేసి గిన్నెలోకి తీసుకున్న చికెన్ ముక్కలను కూడా ఇందులో వేయాలి. గరిటెతో బాగా కలిపి వేడి తగ్గిన తరువాత నిమ్మకాయరసం పిండాలి. ఇది బాటిల్ లోకి తీసుకొని పెడితే నెల రోజులు నిల్వ ఉంటుంది.

మూలం: ప్రజశక్తి ఆదివారం

1 Comment

<<Previous

Forward>>

క్యారెట్‌-కాప్సికమ్‌ పచ్చడి

పల్లీల చట్నీ

ఉల్లిపాయ పచ్చడి

సొరకాయ పచ్చడి

చింతచిగురు పొడి

క్యారెట్ పచ్చడి

రొయ్యల పచ్చడి

మటన్ పచ్చడి

చేపల పచ్చడి

చికెన్ పచ్చడి

Author

Categories

Archives