Blog Archives - telugutaruni.weebly.com

బీట్ రూట్ లస్సి

5/29/2013

కావలసిన పదార్థాలు :
బీట్ రూట్ - ఒకటి
పంచదార - టీస్పూన్
పెరుగు - కప్పు
బ్లాక్ సాల్ట్ - చిటికెడు
జీలకర్ర పొడి - పావుటీస్పూన్
యాలకుల పొడి - చిటికెడు
జీడిపప్పు - రెండు
తేనె - రుచికి సరిపడా
పైనాపిల్ ముక్కలు - కొద్దిగా

తయారుచేసే పద్ధతి :

బీట్ రూట్ తొక్కు తీసి ముక్కలుగా కోసి ఉడికించి పక్కన పెట్టుకోవాలి.
పెరుగు, పంచదార, బ్లాక్ సాల్ట్, జీలకర్ర పొడి, యాలకుల పొడి, ఉప్పు వేసి గిలక్కొట్టాలి. తరువాత మెత్తగా చేసిన బీట్ రూట్ ముద్దని కూడా కలిపి ఫ్రిజ్ లో పెట్టాలి. బయటకు తీసి గ్లాసుల్లో పోసి అందించే ముందు జీడిపప్పు ముక్కలు, తేనె, పైనాపిల్ ముక్కలు కలపాలి.

మూలం : ఈనాడు ఆదివారం పుస్తకం

కర్బూజా షర్బత్

5/29/2013

కావలసిన పదార్థాలు :
కర్బూజాలు - రెండు (చిన్నవి)
కమలా రసం - అరకప్పు
నిమ్మరసం - పావుకప్పు
వట్టివేళ్ళ ఎసెన్స్ - 4 చుక్కలు

తయారుచేసే పద్ధతి :

కర్బూజా తోక్కనీ, గింజల్నీ జాగ్రత్తగా తీసేయాలి. గుజ్జుని మాత్రం తీసి జ్యూసర్ లో వేయాలి. వీటితో పాటు ఎసెన్స్,నిమ్మరసం, కమల రసం వేసి బాగా గిలక్కొట్టాలి. తరువాత కాసేపు ఫ్రిజ్ లో పెట్టి తీసి చల్లచల్లగా అందించాలి. ఈ తీపి సరిపోదు అనుకునే వాళ్ళు పంచదార కలుపుకోవచ్చు.

మూలం : ఈనాడు ఆదివారం పుస్తకం

ఆమ్ కా పన్నా

5/29/2013

కావలసిన పదార్థాలు :
పచ్చిమామిడి కాయలు - రెండు
పంచదార - పావుకప్పు
జీలకర్ర పొడి - 2 టీస్పూన్లు
మిరియాల పొడి - టీస్పూన్
బ్లాక్ సాల్ట్ - రుచికి సరిపడా
ఇంగువ - పావుటీస్పూన్

తయారుచేసే పద్ధతి :

ముందుగా మామిడికాయలను శుభ్రముగా కడిగి ప్రెషర్ కుక్కర్ లో పెట్టి ఉడికించాలి. challarina తర్వాత బయటకు తీసి తొక్కు తీసి గుజ్జును మాత్రం ఒక గిన్నెలో వేయాలి. ఆ గిన్నేలోనే జీలకర్ర పొడి,మిరియాల పొడి,బ్లాక్ సాల్ట్,ఇంగువ,పంచదార వేసి బాగా కలపాలి. పంచదార కరిగిన తర్వాత షర్బత్ ను నాలుగు గ్లాసుల్లో సమంగా పోసి గ్లాసు నిండుగా చల్లని నీళ్ళు కలిపి ఐస్ క్యూబ్స్ వేసి అందించాలి.

మూలం : ఈనాడు ఆదివారం పుస్తకం

గులాభీ షర్బత్

5/29/2013

కావలసిన పదార్థాలు :
తాజా గులాభీ రేకులు - ఒకటిన్నర కప్పులు
పంచదార - ముప్పావుకప్పు
నిమ్మరసం - పావుకప్పు
దానిమ్మ గింజల రసం - ముప్పావుకప్పు
చల్లని నీళ్ళు - 5 కప్పులు
మరిగించిన నీళ్ళు - ముప్పావు కప్పు
యాలకుల గింజలు- పావుటీస్పూన్

తయారుచేసే పద్ధతి :

గులాభీ రేకుల్ని కల్వంలో వేసి మెత్తగా రుబ్బాలి. తరువాత ఈ ముద్దను ఓ పెద్ద గిన్నెలో వేయాలి. ఇప్పుడు మరిగించిన నీళ్ళు పోయాలి. యాలకుల గింజలు కూడా వేసి మూతపెట్టి ఓ రాత్రంతా ఉండనివ్వాలి. ఉదయాన్నే ఈ గులాభీ నీళ్ళను పలుచని బట్టతో వడగట్టాలి. అందులో పంచదార వేసి కలపాలి. ఇప్పుడు ఓ వెడల్పాటి బేసిన్ లో వేడినీళ్ళు పోసి అందులో గులాభీ నీళ్ళు ఉన్న గిన్నెను పెట్టి పంచదార కరిగే వరకు ఉంచాలి. కరిగిన తర్వాత గిన్నెను బయటకు తీసి వడగట్టి చల్లారనివ్వాలి. తరువాత దీనికి నిమ్మరసం,దానిమ్మ రసం కలిపి ఫ్రిజ్ లో పెట్టుకోవాలి. తాగే ముందు బయటకి తీసి చల్లని నీళ్ళు కలిపి ఐస్ క్యూబ్స్ వేసి అందించాలి.

మూలం : ఈనాడు ఆదివారం పుస్తకం

జింజర్ ఫ్రూట్ పంచ్

5/29/2013

కావలసిన పదార్థాలు :
అల్లం - 8 అంగుళాల ముక్క
పంచదార - కప్పు
నిమ్మరసం - కప్పు
కమలా పండ్ల రసం - ఒకటిన్నర కప్పులు
చల్లని నీళ్ళు - 3 కప్పులు

తయారుచేసే పద్ధతి :
అల్లంపై పొట్టు తీసి సన్నగా తురమాలి. మందపాటి పాన్ లో అల్లం తురుము, పంచదార, కప్పు నీళ్ళు పోసి మరిగించాలి. మరిగిన తర్వాత మంట తగ్గించి మూత తీసి మరో పదిహేను నిముషాలు మరగనివ్వాలి. ఇప్పుడు దీన్ని వడగట్టి చల్లారనివ్వాలి. తరువాత దీనికి నిమ్మరసం, కమలా రసం, కలిపి ఫ్రిజ్ లో పెట్టుకోవాలి. తాగే ముందు బయటకి తీసి చల్లని నీళ్ళు కలిపి ఐస్ క్యూబ్స్ వేసి అందించాలి.

మూలం : ఈనాడు ఆదివారం పుస్తకం

శివరాత్రి సలాడ్

5/28/2013

కావలసిన పదార్థాలు :
చిలగడ దుంపలు - ఒక కప్పు (ఉడికించి పొట్టు తీసినవి)
బంగాళాదుంపలు - ఒక కప్పు (ఉడికించి పొట్టు తీసినవి)
కీరా దోసకాయ - ఒకటి
కొత్తిమీర తురుము - టేబుల్ స్పూన్
పచ్చిమిర్చి - ఒకటి
పల్లీలు - టేబుల్ స్పూన్
జీలకర్ర పొడి - టీస్పూన్
ఉప్పు - రుచికి సరిపడా
చిక్కని పెరుగు - కప్పు

తయారుచేసే పద్ధతి :

కీరా దోసకాయ తొక్కు తీసి సన్నని ముక్కలుగా తరగాలి.
ఓ బాణలిలో వేసి వేయించి పొట్టు తీసి పెట్టుకోవాలి.
వెడల్పాటి బౌల్ లో పెరుగు వేసి బాగా గిలక్కొట్టాలి. తరువాత జీలకర్ర పొడి, ఉప్పు, సన్నగా తర్గిన మిర్చి ముక్కలు వేసి కలపాలి.
ఇప్పుడు కూరగాయ ముక్కలన్నీ వేసి కలపాలి. తరువాత వేరుసెనగపప్పు, కొత్తిమీర తురుము కూడా వేసి కలిపి ఫ్రిజ్ లో పెట్టి తీసి చల్లచల్లగా అందించాలి.

మూలం : ఈనాడు ఆదివారం పుస్తకం

కార్న్ - గ్రీన్ చిల్లీ సలాడ్

5/17/2013

కావలసిన పదార్థాలు :
మొక్కజొన్న గింజలు : 2 కప్పులు
టమాటో ముక్కలు : 1 కప్పు
పచ్చిమిర్చి ముక్కలు : అరకప్పు
ఉల్లిపాయ ముక్కలు : పావు కప్పు
వెజిటబుల్ ఆయిల్ : 1 చెంచా
వెన్న : 1 చెంచా
నిమ్మరసం : 2 చెంచాలు

తయారుచేసే విధానం:

మొక్కజొన్న గింజలు, టమాటో, పచ్చిమిర్చి, ఉల్లిపాయ బాగా కలపాలి. తర్వాత వెజిటబుల్ ఆయిల్, నిమ్మరసం కూడా వేసి కలపాలి. చివరగా వెన్నను వేసి కలిపి వడ్డించాలి.

మూలం : సాక్షి ఆదివారం పుస్తకం

ఫ్రూట్ దహీ

5/13/2013

కావలసిన పదార్థాలు :

పుచ్చకాయ ముక్కలు - పావు కప్పు
అరటిపండు ముక్కలు - పావు కప్పు
ద్రాక్ష పండ్లు - పది
దానిమ్మ గింజలు - పావుకప్పు
పంచదార పొడి - మూడు టీ స్పూన్లు
పెరుగు - రెండు కప్పులు

తయారుచేసే పద్ధతి :

ఒక గిన్నెలో పెరుగు వేసి వెన్న తేలేలా చిలకాలి. తర్వాత పంచదార వేసి బాగా కలపాలి. తరిగి ఉంచుకున్న పండ్ల ముక్కలను వేసి కలుపుకోవాలి. (ఏ పండ్లు అందుబాటులో ఉంటే వాటితో తయారుచేసుకోవచ్చు. ఇష్టపడేవారు ఎసెన్స్ కూడా వేసుకోవచ్చు)

మూలం : సాక్షి దినపత్రిక