Blog Archives - telugutaruni.weebly.com

బీట్ రూట్ వడలు

5/29/2013

కావలసిన పదార్థాలు :
బీట్ రూట్ - పావుకిలో
సెనగ పప్పు - అరకప్పు
కంది పప్పు - అరకప్పు
మెంతులు - టీస్పూన్
పచ్చిమిర్చి - 5
పసుపు - చిటికెడు
ఇంగువ - చిటికెడు
కరివేపాకు, కొత్తిమీర - కొద్దిగా
కొబ్బరి తురుము - 2 టేబుల్ స్పూన్లు
ఉల్లి తురుము - అరకప్పు
ఉప్పు - తగినంత
నూనె - వేయించడానికి సరిపడా

తయారుచేసే పద్ధతి :

కంది పప్పు, సెనగ పప్పు, మెంతులు కలిపి అరగంట సేపు నానబెట్టాలి.
తరువాత నీళ్ళు వంపేసి మెత్తగా రుబ్బాలి. రుబ్బిన తర్వాత పప్పుల మిశ్రమంలో బీట్ రూట్ తురుము, కొబ్బరి తురుము, సన్నగా తరిగిన ఉల్లి తురుము, ఉప్పు, పసుపు, ఇంగువ, కరివేపాకు, కొత్తిమీర వేసి బాగా కలపాలి.
ఇప్పుడు ఈ మిశ్రమం ముద్దని తీసుకొని చేతిమీదే చిన్న చిన్న వడల్లాగా చేసి కాగిన నూనెలో వేయించి తీయాలి. వీటిని టొమాటో సాస్ తో అద్దుకొని తింటే చాలా రుచిగా ఉంటాయి.

మూలం : ఈనాడు ఆదివారం పుస్తకం

బీట్ రూట్ దోశ

5/29/2013

కావలసిన పదార్థాలు :
బీట్ రూట్ ముక్కలు - 2 కప్పులు
బియ్యప్పిండి - కప్పు
మైదా పిండి - 2 టేబుల్ స్పూన్లు
జీలకర్ర - పావుటీస్పూన్
ఉప్పు - తగినంత
నూనె - కాల్చడానికి సరిపడా

తయారుచేసే పద్ధతి :

మందపాటి గిన్నెలో బీట్ రూట్ ముక్కలు, జీలకర్ర, తగినన్ని నీళ్ళు పోసి ముక్కలు మెత్తగా ఉడికించాలి.
తరువాత నీళ్ళు వంపేసి ముక్కలను మిక్సీలో వేసి మెత్తగా రుబ్బాలి. ఈ రుబ్బిన మిశ్రమంలో బియ్యప్పిండి, మైదా పిండి, ఉప్పు వేసి కలపాలి.
స్టవ్ మీద నాన్ స్టిక్ పెనం పెట్టి బీట్ రూట్ పిండిని గరిటెతో తీసుకొని పెనం మీద వేసి దోసెలాగా వేసి నూనె వేస్తూ రెండువైపులా కాల్చి తీయాలి. ఇలాగే అన్నీ వేసి వేడివేడిగా ఏదైనా చట్నీతో అందించాలి.

మూలం : ఈనాడు ఆదివారం పుస్తకం

లాచా పరాటా

5/28/2013

కావలసిన పదార్థాలు :

గోధుమ పిండి - రెండు కప్పులు
నెయ్యి - సరిపడా
ఉప్పు - రుచికి సరిపడా
నూనె - టేబుల్ స్పూన్

తయారుచేసే పద్ధతి :

ముందుగా గోధుమ పిండిలో ఉప్పు, నూనె, తగినన్ని నీళ్ళు పోసి ముద్దలా చేసి తడిబట్ట కప్పి అరగంట సేపు పక్కన పెట్టుకోవాలి.
పిండిని ఉండలుగా చేసి ఐదారు అంగుళాల చపాతీల చేయాలి. ఇప్పుడు కరిగించిన నెయ్యిని చపాతీ మీద మొత్తంగా రాయాలి. తరువాత చాకుతో రెండున్నర అంగుళాల వెడల్పుతో పొడవుగా కోయాలి. వీటన్నింటిని ఒకదాని మీద ఒకటి పరచాలి. అలా పరిచేటప్పుడు ప్రతీ దాని మీద నెయ్యి వేయాలి. ఇలా పరిచిన దానిని ఒకవైపు నుండి గుండ్రంగా చుట్టాలి. ఇప్పుడు దీన్ని కర్రతో పరాటాలా వత్తాలి. ఇప్పడు స్టవ్ మీద పెనం పెట్టి వెన్న వేస్తూ తక్కువ మంటతో రెండువైపులా కాల్చి తీయాలి.

మూలం : ఈనాడు ఆదివారం పుస్తకం

ముంబై స్టఫ్డ్ పరాటా

5/28/2013

కావలసిన పదార్థాలు :
గోధుమ పిండి - రెండు కప్పులు
నెయ్యి - అరటీస్పూన్
ఉప్పు - రుచికి సరిపడా
నూనె - సరిపడా

స్టఫింగ్ కోసం :
పెసరపప్పు - 2 టేబుల్ స్పూన్లు(రాత్రే నానబెట్టి నీళ్ళు వంపేయాలి)
ఉల్లికాడల తురుము - 2 టేబుల్ స్పూన్లు
కారం - అరటీస్పూన్
జీలకర్ర - అరటీస్పూన్
ఇంగువ - పావు టీస్పూన్
ఉప్పు - రుచికి సరిపడా

తయారుచేసే పద్ధతి :

ముందుగా గోధుమ పిండిలో ఉప్పు, నెయ్యి, టీస్పూన్ నూనె, తగినన్ని నీళ్ళు పోసి ముద్దలా చేసి పది నిముషాలు పక్కన పెట్టుకోవాలి.
స్టఫింగ్ కోసం తీసుకున్నవన్ని ఓ గిన్నెలో వేసి ముద్దలా కలుపుకొని నాలుగు భాగాలుగా చేయాలి. గోధుమ పిండి ముద్దని కూడా నాలుగు భాగాలుగా చేయాలి.
ఓ ముద్దను తీసుకొని చిన్న చపాతీలాగా వత్తాలి. అందులో స్టఫింగ్ కోసం తీసుకున్న ముద్దను ఉంచి చుట్టూ అంచులను మూసేయాలి. ఇప్పుడు దీన్ని మళ్లీ కర్రతో కాస్త నెయ్యి లేదా పిండి అద్దుతూ వత్తాలి.
ఇలాగే అన్ని చేసుకొని పెనం మీద నెయ్యి వేస్తూ రెండు వైపులా కాల్చి తీయాలి.

మూలం : ఈనాడు ఆదివారం పుస్తకం

పాలక్ పరాటా

5/28/2013

కావలసిన పదార్థాలు :

గోధుమ పిండి - రెండు కప్పులు
పాలకూర తురుము - ఒక కప్పు
ఉప్పు - రుచికి సరిపడా
నూనె లేదా వెన్న - వేయించడానికి సరిపడా
నూనె - టేబుల్ స్పూన్
జీలకర్ర - కొద్దిగా
కారం లేదా మిరియాల పొడి - పావు టీస్పూన్

తయారుచేసే పద్ధతి :

ముందుగా పాలకూరను ఉడికించి నీళ్ళు వంపి చల్లారనివ్వాలి.
గోధుమ పిండిలో పాలకూర, ఉప్పు, కారం, జీలకర్ర, నూనె వేసి కలపాలి. తరువాత తగినన్ని నీళ్ళు పోసి కలిపి ముద్దలా కలుపుకోవాలి.
పిండి ముద్దను ఉండలుగా చేసి పరాటల్లా వత్తాలి. తరువాత పెనం మీద వెన్న వేసి చపాతిని రెండు వైపులా కాల్చుకోవాలి.

మూలం : ఈనాడు ఆదివారం పుస్తకం

బఠానీ పరాటా

5/28/2013

కావలసిన పదార్థాలు :
గోధుమ పిండి - మూడు కప్పులు
మైదా పిండి - రెండు కప్పులు
ఉప్పు - అర టేబుల్ స్పూన్
వెన్న లేదా నెయ్యి - ముప్పావు కప్పు

స్టఫింగ్ కోసం :
నూనె - రెండు టేబుల్ స్పూన్లు
అల్లం తురుము - టేబుల్ స్పూన్
పచ్చిమిర్చి - మూడు
ఇంగువ - పావు టీస్పూన్
ఉడికించిన బఠానీలు - రెండున్నర కప్పులు
గరం మసాలా - రెండు టీస్పూన్లు
కారం - పావు టీస్పూన్
ఉప్పు - సరిపడా
నిమ్మరసం - 2 టీస్పూన్లు
బెల్లం తురుము - 2 టీస్పూన్లు
కొత్తిమీర తురుము - కొద్దిగా
నూనె లేదా వెన్న - వేయించడానికి సరిపడా

తయారుచేసే పద్ధతి :

ముందుగా గోధుమ పిండిలో మైదా, ఉప్పు, నెయ్యి వేసి తగినన్ని నీళ్ళు పోసి కలపాలి. తరువాత పలుచని తడిబట్ట కప్పి పక్కన పెట్టుకోవాలి.
స్టఫింగ్ కోసం బాణలిలో నూనె వేసి వేడి చేయాలి. తరువాత అల్లం తురుము, పచ్చిమిర్చి వేసి వేయించాలి. తరువాత ఇంగువ వేసి వేగాక మిగిలిన దినుసులన్నీ వేసి రెండు నిముషాలు వేయించి దించాలి. చల్లారిన తర్వాత ముద్దలుగా చేసుకోవాలి.
గోధుమ పిండి ముద్దను రెండు మీడియం సైజ్ చపాతీల్లాగా చేసుకోవాలి. ఒకదాని మీద స్టఫింగ్ ముద్దను పెట్టి ఇంకొక చపాతిని పెట్టి మూసేయాలి. తరువాత ఓసారి కర్రతో వత్తి నూనె లేదా వెన్న వేస్తూ రెండు వైపులా తక్కువ మంట మీద కాల్చి తీయాలి.

మూలం : ఈనాడు ఆదివారం పుస్తకం

గోభీ పరాటా

5/27/2013

కావలసిన పదార్థాలు:
గోధుమ పిండి - 4 కప్పులు
కాలీఫ్లవర్ తురుము - 2 కప్పులు
కొత్తిమీర తురుము - కొద్దిగా
పచ్చిమిర్చి - రెండు
అల్లం - అంగుళం ముక్క
ఉప్పు - సరిపడా
కారం - తగినంత
గరం మసాలా - రుచి కోసం కొద్దిగా
వాము - అరటీస్పూన్
నూనె లేదా వెన్న - సరిపడా

తయారు చేసే పద్ధతి:

గోధుమ పిండిలో తగినన్ని నీళ్ళు పోసి పిండిముద్దలా కలుపుకోవాలి. ఒక గిన్నె తీసుకొని అందులో కాలీఫ్లవర్ తురుము, సన్నగా తరిగిన పచ్చిమిర్చి, అల్లం తురుము, కొత్తిమీర తురుము, వాము, ఉప్పు, గరం మసాలా అన్నీ కలపాలి. మీడియం సైజ్ చపాతీలు రెండు చేయాలి. ఒకదానిమీద కాలీఫ్లవర్ మిశ్రమాన్ని ఉంచి రెండో చపాతీని దానిమీద పెట్టి మూసేయాలి. ఇపుడు దీన్ని మళ్లీ ఒకసారి కర్రతో ఒత్తి తక్కువ మంట మీద రెండు వైపులా కాల్చి తీయాలి.

మూలం : ఈనాడు ఆదివారం

బఠానీ బోండాలు

5/24/2013

కావలసిన పదార్థాలు :

ఉడికించిన బంగాళాదుంపల ముద్ద - 2 కప్పులు
బ్రెడ్ పొడి - అరకప్పు
ఉప్పు - తగినంత

స్టఫింగ్ కోసం :
ఉడికించిన పచ్చి బఠానీల ముద్ద - ఒక కప్పు
తరిగిన పుదీనా - ఒక కప్పు
తరిగిన కొత్తిమీర - ఒక కప్పు
పచ్చిమిర్చి ముక్కలు - ఒక టేబుల్ స్పూన్
నిమ్మరసం, చక్కర - తగినంత

తయారుచేసే పద్ధతి :

బంగాళాదుంపల ముద్దకి ఉప్పు చేర్చి కలపాలి. ఈ ముద్దను నాలుగు సమాన భాగాలుగా చేసి పక్కన పెట్టుకోవాలి. ఇపుడు స్టఫింగ్ కోసం కావాల్సిన పదార్థాలన్నీ బాగా కలపాలి. వీటిని నాలుగు సమాన భాగాలూ చేసి ఉండలు చేయాలి. వీటిని బంగాళాదుంప ముద్ద లోపల పెట్టి బొండాల్లా చేయాలి. తర్వాత వాటిపైన బ్రెడ్ పొడిని అద్ది కాగిన నూనెలో బంగారు రంగు వచ్చేవరకు వేయిస్తే సరిపోతుంది.

మూలం: ఆదివారం ఆంధ్రప్రభ

అస్సామీ దోశ

5/24/2013

కావలసిన పదార్థాలు :

ఉప్పుడు బియ్యం - కిలో
నువ్వులు - అరకిలో
బెల్లం - పావుకిలో
నూనె, - తగినంత

తయారుచేసే పద్ధతి :

బియ్యాన్ని కడిగి గంటసేపు నానబెట్టాలి. నీళ్ళు వంచేసి పొడిగుడ్డ మీద ఇరవై నిమిషాల పాటు ఆరబెట్టాలి. తడి ఆరిన బియ్యాన్ని మెత్తగా గ్రైండ్ చేసుకోవాలి. దానిలో రెండు కప్పుల నీళ్ళు కలిపి జారుగా ఉండే దోశ పిండిని తయారుచేసుకొని పక్కన పెట్టుకోవాలి. మూకుట్లో నువ్వులు ఎర్రగా అయ్యేవరకు వేయించి బరకగా పొడిచేసి బెల్లంలో కలిపి దోశ వేసుకోవాలి. అది ఎర్రగా కాలాక బెల్లం, నువ్వుల పొడి మిశ్రమాన్ని దాని మీద పరిచి మడిచి పెనం మీద నుంచి తీసేయాలి. తక్కిన దోశలు కూడా అలాగే చేసుకోవాలి.

మూలం: ఆదివారం ఆంధ్రప్రభ

మొఘలాయి పరోటా

5/24/2013

కావలసిన పదార్థాలు :

మైదాపిండి - 2 కప్పులు
నెయ్యి - 3 స్పూన్లు
గుడ్లు - 4
నూనె, ఉప్పు - తగినంత

తయారుచేసే పద్ధతి :
స్టఫింగ్ కోసం :
నూనెలో ఉల్లిపాయ ముక్కలు వేసి వేగిన తర్వాత కరివేపాకు వేసి మంట తగ్గించి స్టఫింగ్ కోసం వాడే పదార్థాలన్నీ వేయాలి. సన్నని సెగమీద మూడు నిమిషాలుంచి తరువాత సెగ పెంచి మరో మూడు నిముషాలు ఉంచాలి. ఆనక దించి పక్కన పెట్టుకోవాలి.

పరోటాల తయారీ :
పరోటాలకు ఉపయోగపడే పదార్థాలను అన్నింటిని కలిపి ముద్దగా చేసి ఆరు భాగాలుగా కట్ చేసుకోవాలి. ఒక్కో భాగాన్ని గుండ్రంగా చేసుకోవాలి. పెనంపై కనీసం రెండు కప్పుల నూనె పోసి వేడిచేయాలి. తరువాత గుడ్లను పగలకొట్టి కొంత సొనను పోసి పరోటాను దానిపై వేయాలి. ఇందులో కొంచెం ఫిల్లింగును ఉంచి మూసేసి సన్నని సెగపై పరోటాను నాలుగు నిమిషాలుంచాలి. చివర్లు మూసేటప్పుడు స్క్యెర్ ఆకారం వచ్చేలా చూసుకోవాలి. నెమ్మదిగా పరోటాను తిప్పి రెండో పక్క కూడా సన్నని సేగామీదే గోధుమరంగు వచ్చే వరకు కాల్చాలి. వీటిని చట్నీ తో తింటే రుచిగా ఉంటుంది.

మూలం: ఆదివారం ఆంధ్రప్రభ