All Categories - telugutaruni.weebly.com

ధేబ్రా

5/31/2014

కావలసినవి:
కార్న్‌ఫ్లోర్ - కప్పు,
జొన్నపిండి - అర కప్పు,
గోధుమపిండి - అర కప్పు,
కసూరీమేథీ - 2 టేబుల్ స్పూన్లు,
కొత్తిమీర తరుగు - 3 టేబుల్ స్పూన్లు,
నువ్వులు - టేబుల్ స్పూను,
వాము - టీ స్పూను,
బెల్లం - టీ స్పూను,
ఉప్పు - తగినంత,
పసుపు - పావు టీ స్పూను,
పచ్చిమిర్చి తరుగు - 2 టేబుల్ స్పూన్లు,
అల్లం వెల్లుల్లి పేస్ట్ - టీ స్పూను,
పెరుగు - 3 టేబుల్ స్పూన్లు,
నీరు - కొద్దిగా,
నూనె - డీప్ ఫ్రైకి సరిపడా

తయారి:
ఒక పాత్రలో నూనె, నీరు, పెరుగు మినహా అన్ని పదార్థాలను వేసి బాగా కలపాలి పెరుగు జత చేసి చపాతీ పిండిలా కలిపి చిన్న చిన్న ఉండలు చేసుకోవాలి పాలిథిన్ కవర్ మీద కొద్దిగా నూనె రాసి ఒక్కో ఉండను దాని మీద ఉంచి, చెక్కవడల మాదిరిగా చేతితో అద్దాలి స్టౌ మీద బాణలి ఉంచి అందులో నూనె పోసి కాగాక, తయారుచేసి ఉంచుకున్న ఒక్కో ధేబ్రా (గుజరాతీ వంటకం) ను వేసి గోధుమరంగులోకి వచ్చేవరకు వేయించి పేపర్ టవల్ మీదకు తీయాలి ఇవి సుమారు నెలరోజుల వరకు నిల్వ ఉంటాయి.

రవ్వ ఊతప్పం

1/30/2014

కావలసినవి:
బొంబాయిరవ్వ - కప్పు,
పెరుగు - కప్పు,
ఉల్లితరుగు - అర కప్పు,
టొమాటో తరుగు - అర కప్పు,
ఉప్పు - తగినంత,
పచ్చిమిర్చి తరుగు - రెండు టేబుల్ స్పూన్లు,
అల్లం తురుము - టీ స్పూను,
కొత్తిమీర తరుగు - కొద్దిగా,
నూనె - తగినంత

తయారి:

ఒక గిన్నెలో బొంబాయిరవ్వ, పెరుగు, ఉప్పు వేసి కలపాలి
ఉల్లితరుగు, టొమాటో తరుగు, పచ్చిమిర్చి తరుగు, కొత్తిమీర తరుగు, అల్లం తురుము జత చేసి బాగా కలిపి సుమారు రెండు గంటలు నాననివ్వాలి
స్టౌ మీద పెనం ఉంచి కాగాక, నానబెట్టుకున్న పిండిని గరిటెడు తీసుకుని, పెనం మీద మందంగా వేసి, చుట్టూ నూనె వేసి మూత ఉంచాలి
ఎర్రగా కాలాక రెండవవైపు తిప్పి కాల్చి తీసేయాలి.

చిలగడదుంప పూరీ

12/24/2013

కావలసినవి:
చిలగడదుంపలు - పావు కిలో (ఉడికించి తొక్క తీసి బాగా మెదపాలి), బెల్లంతురుము - పావు కప్పు,
గోధుమపిండి - కప్పు,
ఉప్పు - తగినంత,
ఏలకుల పొడి - టీ స్పూను,
నీరు - పిండి కలపడానికి తగినంత.

తయారి:

ఒక గిన్నెలో కొద్దిగా నీరు, బెల్లంతురుము వేసి గరిటెతో కలిపి, కరిగించి, వడకట్టాలి
అదే పాత్రలో మెత్తగా చేసిన చిలగడదుంప పేస్ట్, ఏలకులపొడి, గోధుమపిండి వేసి బాగా కలపాలి తగినంత నీరు జత చేసి పూరీ పిండి మాదిరిగా కలిపి అరగంట పాటు పక్కన ఉంచాలి
పిండిని చిన్న ఉండలుగా చేసి పూరీలు ఒత్తుకోవాలి
బాణలిలో తగినంత నూనె పోసి కాగాక, ఒక్కో పూరీ వేసి వేయించి తీసేయాలి.

చిలగడదుంప పరాఠా

12/3/2013

కావలసినవి:
చిలగడదుంపలు - ఒక కప్పు (ఉడికించి, మెదిపి),
గోధుమపిండి - రెండు కప్పులు,
నిమ్మరసం - ఒక టేబుల్‌స్పూన్,
ఉప్పు- రుచికి సరిపడా,
నూనె - వేగించడానికి సరిపడా.
కారపు ముద్ద:
పచ్చిమిర్చి - నాలుగు,
అల్లం - చిన్న ముక్క,
కొత్తిమీర, పుదీనా - కొద్దిగా.

పొడి మసాలా:
ధనియాలు- జీలకర్ర పొడి - రెండు టీస్పూన్లు,
ఆమ్‌చూర్ పొడి- ఒక టీస్పూన్,
గరం మసాలా - అర టీస్పూన్.

తయారీ:
గోధుమపిండిలో చిటికెడు ఉప్పు, రెండు టీస్పూన్ల నూనె వేసి కొద్దిగా నీళ్లు పోసి గట్టి ముద్దలా కలపాలి. మెదిపిన చిలగడదుంపల్లో పచ్చిమిర్చి, అల్లం, కొత్తిమీర, పుదీనా, ధనియాలు-జీలకర్ర పొడి, ఆమ్‌చూర్ పొడి, గరం మసాలాలతో పాటు నిమ్మరసం, ఉప్పు వేసి మెత్తటి ముద్దలా కలపాలి. ఈ ముద్దని చిన్న చిన్న ఉండలుగా చేసి పక్కన పెట్టాలి. ముందు కలిపి పెట్టిన పిండి ముద్ద నుంచి కొంచెం పిండిని తీసుకుని, నూనె చేతులకి రాసుకుని కప్పు ఆకారంలో చేయాలి. ఇందులో చిలగడదుంప ఉండని ఉంచి కప్పుని మూసేసి చదునుగా చేసి పరాఠాలా ఒత్తాలి. తరువాత పెనం మీద వేసి ఓ మాదిరిమంట మీద రెండువైపులా కాల్చాలి. తరువాత వాటికి నెయ్యి పూసి మంట పెంచి ముదురు రంగు వచ్చే వరకు వేగించాలి. ఈ పరాఠాల్ని వేడివేడిగా నచ్చిన చట్నీతో లాగించొచ్చు.

చిలగడదుంప వడ

11/28/2013

కావలసినవి:
చిలగడదుంపలు - రెండు (ఉడికించి, మెత్తగా మెదిపి),
పుదీనా, కొత్తిమీర - కొద్దిగా,
పచ్చిమిర్చి - నాలుగు (సన్నగా తరిగి),
శెనగపిండి - రెండు టేబుల్‌స్పూన్లు,
నూనె - సరిపడా,
ఉప్పు - రుచికి తగినంత.

తయారీ:

ఒక టీస్పూన్ నూనెని పాన్‌లో వేడిచేసి మెదిపిన చిలగడదుంపల్ని వేయాలి.
ఇందులో ఉప్పు, పచ్చిమిర్చి, పుదీనా, కొత్తిమీర, శెనగపిండి వేసి గరిటెతో కలుపుతూ ఓ నిమిషం పాటు వేగించి స్టవ్ మీద నుంచి దింపి చల్లారనివ్వాలి.
తరువాత ఈ మిశ్రమాన్ని చిన్న చిన్న వడల్లా చేసి కాగిన నూనెలో దోరగా వేగించాలి. ఈ వడల్ని పుదీనా చట్నీ లేదా కెచప్‌తో తింటే రుచిగా ఉంటాయి.

పన్నీర్ బుర్జీ

11/20/2013

కావలసిన పదార్థాలు :
పన్నీర్ - ఒక కప్పు,
జీలకర్ర - 2 స్పూన్స్,
ఉల్లిగడ్డ - 1,
టమాటాలు - 2,
మసాలా - అర టీ స్పూన్,
పసుపు - పావు టీ స్పూన్,
కారం - అర టీ స్పూన్,
పచ్చిమిరపకాయలు - 3,
కొత్తిమీర - ఒక కట్ట,
నూనె, ఉప్పు - తగినంత

తయారు చేసే విధానం :

పన్నీర్‌ని చిన్నగా తురమాలి.
కడాయిలో నూనె పోసి జీలకర్ర వేగాక ఉల్లిపాయలను బంగారు వర్ణం వచ్చేవరకు వేయించాలి. ఆ తర్వాత టమాటా ముక్కలను వేసి రెండు స్పూన్ల నీళ్ళు పోయాలి.
మూడు నిమిషాల తర్వాత సన్నని మంట మీద ఉంచి మసాలా, పసుపు, కారం, పచ్చిమిరపకాయలు వేసి మరో రెండు నిమిషాలపాటు అలాగే ఉంచాలి.
ఇప్పుడు పన్నీర్, ఉప్పు వేసి మరికొన్ని నీళ్ళు పోయాలి. నీళ్ళన్నీ ఇంకే వరకు అలాగే సన్నని మంట మీద వేగనివ్వాలి. చివరన కొత్తిమీర వేసి దించేయాలి. దీన్ని బ్రెడ్ టోస్ట్‌తో లాగిస్తే బాగుంటుంది.

స్టఫ్డ్‌ చపాతీలు

11/11/2013

కావలసినవి
చపాతీలు-మూడు,
పనీర్‌ తురుము-మూడు చెంచాలు
ఉల్లిపాయ ముక్కలు-పావుకప్పు,
పచ్చిమిర్చి-రెండు
టమాటాలు-రెండు,
క్యాప్సికం ముక్కలు-రెండు చెంచాలు
నూనె-పావు కప్పు,
అల్లం, వెల్లుల్లి మిశ్రమం-అరచెంచా
కారం-కొద్దిగా,
ఉప్పు-రుచికి సరిపడా
పసుపు-చిటికెడు,
కొత్తిమీర తరుగు-రెండు చెంచాలు
కరివేపాకు-రెండు రెబ్బలు

తయారుచేసే విధానం

బాణలిలో రెండు చెంచాల నూనె వేడిచేసి ఉల్లిపాయ, పచ్చిమిర్చి ముక్కలు, పనీర్‌ తురుము, క్యాప్సికం ముక్కలు వేయించాలి. రెండు నిమిషాలయ్యాక టమాట ముక్కలు, అల్లం, వెల్లుల్లి మిశ్రమం పసుపు సరిపడా ఉప్పు, కారం, కరివేపాకు చేర్చి వేయించి ముక్కల్ని మగ్గనివ్వాలి.
చివరగా కొత్తిమీర వేసి దింపేస్తే సరిపోతుంది. ఈ కూరను చపాతీల్లో ఉంచి గుండ్రంగా చుట్టేయాలి. ఇలా చేసుకున్న వాటిని పెనంపై ఉంచి మరో చెంచా చొప్పున నూనెవేసి రెండువైపులా కాల్చు కోవాలి. ఇంకా రుచికరంగా ఉండాలనుకుంటే మైదా, మొక్క జొన్న పిండిలో ముంచి కాగుతోన్న నూనెలో వేయించుకోవచ్చు.

దహీ రింగ్ చాట్

11/7/2013

కావలసినవి:
బియ్యప్పిండి -50 గ్రా.,
కారం - టీ స్పూను,
చాట్‌మసాలా - అర టీ స్పూను,
సేవ్ - పావు కప్పు,
క్యారట్ తురుము - 3 టీ స్పూన్లు,
ఉల్లితరుగు - అర కప్పు,
పెరుగు - అర కప్పు,
కొత్తిమీర - కొద్దిగా,
ఉప్పు -తగినంత

తయారి:

ఒక పాత్రలో బియ్యప్పిండి, అర టీ స్పూను కారం, ఉప్పు, తగినంత నీరు పోసి చపాతీపిండిలా కలపాలి
కొద్దిగా పిండిని చేతిలోకి తీసుకుని చేగోడీలాగ చేయాలి అలా మొత్తం పిండితో తయారుచేసుకోవాలి
వీటిని ఆవిరి మీద ఉడికించి, బయటకు తీసి ఒక వెడల్పాటి పాత్రలో ఉంచాలి
ఉల్లితరుగు, క్యారట్ తురుము, కారం, చాట్ మసాలా, ఉప్పు, పెరుగు వేసి బాగా కలపాలి
చివరగా సేవ్, కొత్తిమీరలతో గార్నిష్ చేయాలి.

పన్నీర్ కుల్చా

11/5/2013

కావలసిన పదార్థాలు :
మైదా - 2 కప్పులు,
పాలు - అర కప్పు,
పెరుగు - పావు కప్పు,
చక్కెర - అర టీ స్పూన్,
బేకింగ్ పౌడర్ - 3/4 టీ స్పూన్,
నువ్వులు - 3 టీ స్పూన్స్,
నెయ్యి - 2 స్పూన్స్,
తురిమిన పన్నీర్ - పావు కప్పు,
ఉల్లిగడ్డ - 1,
పచ్చిమిరపకాయలు - 2,
చాట్‌మసాలా - ఒక టీ స్పూన్,
కారం - ఒక టీ స్పూన్,
ఉప్పు - తగినంత

తయారు చేసే విధానం :
పాలను వేడిచేసి చల్లార్చుకోవాలి. మైదాలో బేకింగ్ సోడా, ఉప్పు వేసి కలపాలి. దీంట్లో చక్కెర, చల్లని పాలు, పెరుగు వేసి ఉండలు కట్టకుండా బాగా కలుపుకోవాలి. దీనిపై ఒక మెత్తని వస్త్రం కప్పి రెండు గంటల పాటు పక్కన పెట్టాలి. ఈలోపు పచ్చిమిరపకాయలను, ఉల్లిగడ్డను చిన్నగా కట్ చేసుకోవాలి. ఒక గిన్నెలో పన్నీర్, ఉల్లిపాయ ముక్కలు, పచ్చిమిరపకాయలు, కారం, చాట్‌మసాలా వేసి కలపాలి. ఇప్పుడు మైదాను తీసుకొని చిన్నచిన్న ఉండలుగా చేసి చపాతీల్లా ఒత్తుకోవాలి. దీంట్లో పన్నీర్ మిశ్రమాన్ని పెట్టి మళ్లీ చిన్న ముద్దలా చేయాలి. మళ్లీ కొద్దిగా పిండి, నువ్వులు వేస్తూ చపాతీల్లా చేసుకోవాలి. ఇలా పిండి మొత్తాన్ని చేసుకొని పక్కన పెట్టుకోవాలి. తర్వాత పెనం పెట్టి కొద్దిగా నెయ్యి వేస్తూ సన్నని మంట మీద రెండు వైపులా కాల్చుకోవాలి. వేడి.. వేడి.. పన్నీర్ కుల్చా రెడీ! వీటిని బఠాణీలతో చేసినా ఏ కూరతోనైనా లాగించేయొచ్చు.

దహీ కడీ పకోడీస్

11/4/2013

కావలసినవి:
కొద్దిగా పుల్లగా ఉన్న పెరుగు - రెండు కప్పులు (బాగా చిలకాలి),
శనగపిండి - 2 టీ స్పూన్లు,
కొబ్బరితురుము - టీ స్పూను,
అల్లం వెల్లుల్లి పేస్ట్ - టీ స్పూను,
కొత్తిమీర తరుగు - రెండు టీ స్పూన్లు,
పసుపు - అర టీ స్పూను,

పకోడీల కోసం:
శనగపిండి -పావు కప్పు,
పచ్చిమిర్చి తరుగు - అర టీ స్పూను,
కొత్తిమీర - చిన్న కట్ట,
తినే సోడా - చిటికెడు,
పసుపు - కొద్దిగా,
ఉప్పు - తగినంత,
నూనె - డీప్ ఫ్రైకి సరిపడా,

పోపు కోసం:
నూనె - 2 టేబుల్ స్పూన్లు,
ఎండుమిర్చి - 1 (కట్ చేయాలి),
జీలకర్ర - అర టీ స్పూను,
ఆవాలు - అర టీ స్పూను,
కరివేపాకు - రెండు రెమ్మలు

తయారి:

ఒక పాత్రలో శనగపిండి, పచ్చిమిర్చి, కత్తిమీర, సోడా, పసుపు, ఉప్పు వేసి తగినంత నీరు పోసి పకోడీల పిండిలా కలుపుకోవాలి
బాణలిలో నూనె కాగాక ఈ మిశ్రమాన్ని పకోడీలలా వేసి వేయించి గోధుమరంగులోకి వచ్చాక తీసి పక్కన ఉంచాలి
ఒక పాత్రలో అల్లం వెల్లుల్లి పేస్ట్, పెరుగు వేసి బాగా కలపాలి
ఒక చిన్న గిన్నెలో రెండు కప్పుల నీరు, శనగపిండి వేసి ఉండలు లేకుండా బాగా కలిపి వడగట్టాలి
వేయించిన కొబ్బరితురుము, అల్లంవెల్లుల్లి పేస్ట్ జతచేసి కలిపి స్టౌ మీద ఉంచి మరిగించాలి
మంట తగ్గించి ఐదు నిముషాలు ఉంచితే పులుసు రెడీ అవుతుంది
బాణలిలో నూనె కాగాక ఆవాలు, జీలకర్ర వేసి వేయించాలి
పచ్చిమిర్చి జతచేసి ఒకసారి వేయించాక, మరిగిన పులుసులో వేయాలి
తయారుచేసి ఉంచుకున్న పకోడీలను పులుసులో వేసి రెండు నిముషాలు ఉడికించి దించేయాలి.