ముంబై స్టఫ్డ్ పరాటా

కావలసిన పదార్థాలు :
గోధుమ పిండి          -             రెండు కప్పులు 
నెయ్యి                    -             అరటీస్పూన్ 
ఉప్పు                    -              రుచికి సరిపడా 
నూనె                     -               సరిపడా 

  స్టఫింగ్ కోసం :
 పెసరపప్పు       -            2 టేబుల్ స్పూన్లు(రాత్రే నానబెట్టి నీళ్ళు వంపేయాలి)
                                                                  ఉల్లికాడల తురుము  -              2 టేబుల్ స్పూన్లు 
                                                                    కారం                     -               అరటీస్పూన్ 
                                                                   జీలకర్ర                   -              అరటీస్పూన్
                                                                    ఇంగువ                  -               పావు టీస్పూన్ 
                                                                    ఉప్పు                    -               రుచికి సరిపడా 
 
తయారుచేసే పద్ధతి :

• ముందుగా గోధుమ పిండిలో ఉప్పు, నెయ్యి, టీస్పూన్ నూనె, తగినన్ని నీళ్ళు పోసి ముద్దలా చేసి పది నిముషాలు పక్కన పెట్టుకోవాలి.
  
• స్టఫింగ్ కోసం తీసుకున్నవన్ని ఓ గిన్నెలో వేసి ముద్దలా కలుపుకొని నాలుగు భాగాలుగా చేయాలి. గోధుమ పిండి ముద్దని కూడా నాలుగు భాగాలుగా చేయాలి. 
  
• ఓ ముద్దను తీసుకొని చిన్న చపాతీలాగా వత్తాలి. అందులో స్టఫింగ్ కోసం తీసుకున్న ముద్దను ఉంచి చుట్టూ అంచులను మూసేయాలి. ఇప్పుడు దీన్ని మళ్లీ కర్రతో కాస్త నెయ్యి లేదా పిండి అద్దుతూ వత్తాలి.
  
• ఇలాగే అన్ని చేసుకొని పెనం మీద నెయ్యి వేస్తూ రెండు వైపులా కాల్చి తీయాలి.
  

మూలం : ఈనాడు ఆదివారం పుస్తకం   

---