ఓట్స్ క్యారెట్ థాలిపీట్

కావలసిన పదార్థాలు :
ఓట్స్             -             కప్పు
గోధుమ పిండి    -           అరకప్పు 
బియ్యప్పిండి     -            అరకప్పు 
క్యారెట్ తురుము -          అరకప్పు 
ధనియాల పొడి   -           టీస్పూన్ 
జీలకర్ర పొడి       -           టీస్పూన్ 
కసూరి మెంతి    -              టీస్పూన్ 
కరివేపాకు         -             పది రెమ్మలు 
గరం మసాలా      -            టీస్పూన్ 
ఉప్పు               -            రుచికి సరిపడా
జీలకర్ర              -             టీస్పూన్ 
నూనె               -              వేయించడానికి సరిపడా 
కారం               -              2 టీస్పూన్లు 
పసుపు            -              అర టీస్పూన్ 
వాము             -              అరటీస్పూన్ 

తయారుచేసే పద్ధతి:

• ఓ గిన్నెలో అన్నీ వేసి కలపాలి. తరువాత తగినన్నీ నీళ్ళు పోసి గట్టి పిండిలా కలపాలి. ఇప్పుడు చిన్న ముద్దను తీసుకోవాలి. పెనం మీద ఓ టీస్పూన్ నూనె వేసి ముద్దను ఉంచి వేళ్ళతో నెమ్మదిగా వత్తుతూ చిన్న రొట్టెలా చేయాలి. మధ్యమధ్యలో చేతుల్ని తడి చేసుకోవాలి. మధ్యలో చిన్న రంద్రం చేయాలి. అందులో కూడా ఓ టీస్పూన్ నూనె వేయాలి. ఇప్పుడు మొత్తం అన్ని వైపులకు నూనె వెళ్లి బాగా కాలుతుంది. ఇలా రెండు వైపులా కాల్చి తీయాలి.
  

మూలం : ఈనాడు ఆదివారం పుస్తకం  

---