మటర్‌ పనీర్‌ కూర

కావలసిన పదార్థాలు :
బఠాణీలు     -         కప్పు
నూనె         -          రెండు టేబుల్‌స్పూన్లు
క్రీమ్‌          -          నాలుగు టేబుల్‌స్పూన్లు
పనీర్         -          100 గ్రా. 
టమాటోలు   -         నాలుగు
పంచదార      -        ఒక టీస్పూన్‌
కారం           -         రెండు టేబుల్‌స్పూన్లు
గరంమసాలా  -         ఒక టీస్పూన్‌
చింతపండు గుజ్జు-      నాలుగు టీ స్పూన్లు
పచ్చిమిర్చి        -      ఆరు
ధనియాలపొడి    -     ఒక టీస్పూన్‌
జీలకర్ర              -     ఒక టీస్పూన్‌
పసుపు             -      చిటికెడు
అల్లంతురుము    -      ఒక టీస్పూన్‌
కొత్తిమీర తురుము-     రెండు టేబుల్‌స్పూన్లు
వెన్న                -       కొద్దిగా

తయారుచేసే విధానం :

• ఓ గిన్నెలో కాసిని నీళ్లు పోసి పనీర్‌ ముక్కలు, కాస్త ఉప్పు, కొంచెం పసుపు వేసి రెండు నిమిషాలు ఉడికించాలి. బఠాణీలు కూడా ఉడికించి ఉంచాలి.
  
• బాణలిలో కొద్దిగా నూనెవేసి అల్లం తురుము, చింతపండు గుజ్జు, పచ్చిమిర్చి ముక్కలు, టమాటా ముక్కలు వేసి చేయించాలి.
  
• విడిగా మరో బాణలిలో నూనెవేసి కాగాక జీలకర్ర, పసుపు, ధనియాలపొడి వేసి వేయించాలి. ఇప్పుడు ముందుగానే వేయించిన చింతపండు, టమాటా గుజ్జు మిశ్రమం వేసి కలపాలి. తరువాత క్రీమ్‌, చక్కెర, ఉప్పువేసి కలిపి సన్నని మంట మీద వేగనివ్వాలి. తరువాత ఉడికించిన పనీర్‌ముక్కలు, బఠాణీలు వేసి కలిపి కాసేపు ఉడికించాలి. అవసరమైతే కొద్దిగా నీళ్లు పోసి ఉడికించాలి. చివరగా కొత్తిమీర తురుము, వెన్న వేసి దించాలి.
  

మూలం : వార్త దినపత్రిక 

---