Blog Archives - telugutaruni.weebly.com

కాకరకాయ మసాలా

6/28/2013

కావలసిన పదార్ధాలు:
కాకరకాయలు : : ఎనిమిది
ఉల్లిపాయలు : మూడు
కారం : రెండు టీ స్పూన్లు
ధనియాలపొడి : ఒక టీ స్పూను
జీలకర్ర : ఒక టీ స్పూను
పసుపు : ఒక టీ స్పూను
ఉప్పు, నూనె : తగినంత

తయారు చేసే విధానం:

పీలర్‌తో కాకరకాయలకు తొక్కు కొద్దిగా తీసి వేయాలి. మరీ లోతుగా చెక్కకుండా పైపైనే తీసివేయాలి.
కాకరకాయల మధ్యలో పొడవుగా గాటు పెట్టి, లోపలి గింజలను తీయాలి. వీటికి ఉప్పు, పసుపు పట్టించి.. ఓ గంట పాటు ఊర బెట్టాలి.
ఉల్లిపాయలను ముక్కలుగా కోసి.. కారం, ధనియాల పొడి, జీలకర్ర పొడి, కాస్తంత ఉప్పు వేసి బాగా కలపాలి. ఈ మిశ్ర మాన్ని కాకరకాయల మధ్యలో కూరి బాగా కాగుతున్న నూనెలో వేసి డీప్‌ ఫ్రై చేసి తీసేయాలి. అంతే కాకరకాయ మసాలా సిద్ధమైనట్లే..!

మూలం : సూర్య దినపత్రిక

బ్రెడ్ మిక్స్‌డ్ వెజిటబుల్ బిర్యానీ

6/27/2013

కావలసిన పదార్థాలు :
నేతిలో వేయించిన బ్రెడ్ స్లైసులు - 250 గ్రా.
ఉల్లితరుగు - కప్పు;
టొమాటో తరుగు - కప్పు
బఠాణీ - కప్పు;
ఉడికించిన బీన్స్ తరుగు - కప్పు
ఉడికించిన బంగాళదుంప ముక్కలు - అర కప్పు
బటర్ - 3 టేబుల్ స్పూన్లు;
జీలకర్ర - అర టేబుల్ స్పూను
నూనె - తగినంత;
కరివేపాకు - 2 రెమ్మలు
కొత్తిమీర - కట్ట;
అల్లంవెల్లుల్లి పేస్ట్ - టేబుల్ స్పూను
ఉప్పు - తగినంత;
వేయించిన జీడిపప్పు- కప్పు
పసుపు - టేబుల్ స్పూను;
కారం - టేబుల్ స్పూను
నిమ్మరసం - కప్పు;
బిర్యానీ మసాలా - టేబుల్ స్పూను

తయారుచేసే పద్ధతి:

స్టౌ మీద బాణలి ఉంచి నూనె వేసి, కాగాక జీలకర్ర వేసి వేయించాలి.
కరివేపాకు, కొత్తిమీర వేసి వేయించి, ఉల్లితరుగు, టొమాటో తరుగు, కూరముక్కలు, ఉప్పు వేసి బాగా కలపాలి.
వేయించి ఉంచిన బ్రెడ్ ముక్కలు, అల్లంవెల్లుల్లి పేస్ట్, బీన్స్ తరుగు వేయాలి.
జీడిపప్పు, కారం, పసుపు వేసి మంట తగ్గించాలి.
బిర్యానీ మసాలా, బటర్ వేసి కలపాలి.
కొద్దిగా నూనె జతచేయాలి.
నిమ్మరసం వేసి రెండు నిముషాలు వదిలేయాలి.

మూలం : సాక్షి దినపత్రిక

వంకాయ, మిర్చి మసాలా

6/26/2013

కావలసిన పదార్థాలు :
వంకాయ ముక్కలు - 2 కప్పులు
బంగాళా దుంప ముక్కలు - 1 కప్పు
ఉల్లిపాయ - 1
పసుపు - 1/4 టీ.స్పూ.
టమాటా - 2
ఎండుమిర్చి -6
ఉప్పు - తగినంత
నువ్వులు - 2 టీ.స్పూ.
అల్లం వెల్లుల్లి ముద్ద - టీ.స్పూ.
గరం మసాలా పొడి - 1/4 టీ.స్పూ.
నూనె - 3 టీ.స్పూ.

తయారుచేసే పద్ధతి :

వంకాయ ముక్కలు కట్ చేసుకుని ఉప్పు నీళ్లలో వేసుకోవాలి. లేకుంటే నల్లబడతాయి.
ఎండుమిర్చి నీళ్లలో నానబెట్టి మెత్తగా గ్రైండ్ చేసుకోవాలి. ఇందులో టమాటా ముక్కలు వేసి గ్రైండ్ చేసుకోవాలి.
పాన్ వేడి చేసి నువ్వులు కొద్దిగా వేపి తీసి పెట్టుకోవాలి. అదే పాన్ లో నూనె వేడి చేసి సన్నగా తరిగిన ఉల్లిపాయ వేసి మెత్తబడేవరకు వేయించి పసుపు, అల్లం వెల్లుల్లి ముద్దవేసి కొద్దిగా వేపాలి. ఎండుమిర్చి ముద్ద కూడా వేసి కొద్దిగా వేగిన తర్వాత బంగాళ దుంప ముక్కలు వేసి కలిపి రెండు నిమిషాలు వేయించాలి. తర్వాత వంకాయ ముక్కలు, తగినంత ఉప్పు, వేయించిన నువ్వులు వేసి కలిపి మూత పెట్టాలి. అవసరమైతే కొద్దిగా నీళ్ళు పోసుకోవాలి. చివరగా గరం మసాలా పొడి వేసి కలిపి దింపేయాలి. ఇందులో ఎండుమిర్చి బదులు పండుమిర్చి కూడా వాడుకోవచ్చు.

మూలం : ఆంధ్రభూమి

రసవాంగి కూటు

6/25/2013

కావలసిన పదార్థాలు:
వంకాయలు లేదా తెల్లగుమ్మడి ముక్కలు : 8 కప్పులు
కందిపప్పు ఒక కప్పు
చింతపండు 2 నిమ్మకాయలంత
పుట్నాల పప్పు : 8 టీ స్పూను
ఉప్పు సరిపడా
ఇంగువ కాస్తంత
పసుపు చిటికెడు
రసంపొడి రెండు టీ స్పూను
బెల్లం చిన్న ముక్క
మసాలా కోసం...
ధనియాలు 8 టీ స్పూన్లు
కొబ్బరి తురుము : 8 టీ స్పూన్లు
ఎండుమిర్చి నాలుగు
బియ్యం 2 టీ స్పూన్లు
తాలింపు కోసం...
ఆవాలు 2 టీ స్పూన్లు
కరివేపాకు 8 రెమ్మలు
నూనె 4 టీ స్పూన్లు

తయారు చేసే విధానం:

మసాలా కోసం తీసుకున్న దినుసులన్నింటినీ వేయించి చల్లార్చి పొడి చేయాలి.
కడాయిలో నూనె వేసి సెనగ పప్పు వేసి వేగాక ఆవాలు కరివేపాకు వేయాలి. తరువాత వంకాయ ముక్కలు వేయాలి. కాసేపు ముక్కలు వేగాక పసుపు, ఇంగువ, ఉప్పు, చింతపండుగుజ్జు, రసం పొడి, వేయించిన శెనగపప్పు వేసి, ముక్కలు మెత్తగా అయ్యేవరకూ ఉడికించాలి. ఆపై మసాలా పొడి చల్లి ఉడికించిన కందిపప్పు, బెల్లం తురుము కూడా వేసి అవసరమైతే కొద్దిగా నీళ్లు పోసి కాసేపు ఉడికించి దించేయాలి. అంతే రసవాంగి కూటు తయారైనట్లే..!

మూలం : సూర్య దినపత్రిక

దాల్ మఖని

6/24/2013

కావలసిన పదార్థాలు :
కందిపప్పు - ఒకటిన్నర కప్పు
ఎరుపు రాజ్మా గింజలు - నాలుగు టేబుల్ స్పూన్లు
పచ్చిమిర్చి - నాలుగు (సన్నగా తరిగినవి )
అల్లం తరుగు - ఒక టీస్పూన్
వెల్లుల్లి పేస్ట్ - ఒక టీస్పూన్
జీలకర్ర - ఒకటిన్నర టీస్పూన్
పెద్ద ఉల్లిపాయ - ఒకటి (సన్నగా తరిగాలి)
టొమాటోలు - మూడు (సన్నగా తరిగాలి)
పెరుగు - అరకప్పు
తాజా మీగడ - అర కప్పు
కారం - అర టీస్పూన్
పసుపు - కొద్దిగా
ధనియాల పొడి - ఒక టీస్పూన్
గరం మసాలా పొడి - ఒక టీస్పూన్
ఆమ్‌చూర్ పొడి - అర టీస్పూన్
బటర్ - రెండు టేబుల్ స్పూన్‌లు
కొత్తిమీర - కొద్దిగా (సన్నగా తరిగాలి)
ఉప్పు - రుచికి సరిపడా.

తయారుచేసే పద్ధతి :

రాజ్మా గింజల్ని రాత్రంతా నీళ్లలో నానపెట్టాలి.
రాజ్మా, కందిపప్పుల్ని కలిపి కొద్దిగా ఉప్పు, పసుపు వేసి కుక్కర్‌లో ఆరు విజిల్స్ వచ్చే వరకు ఉడికించాలి. ఉడికించిన పప్పును మెత్తగా మెదిపి మళ్లీ పావుగంట సేపు ఉడికించి అందులో పెరుగు కలపాలి.
లోతైన గిన్నెలో బటర్ వేసి, కాగాక జీలకర్ర వేయాలి. అది వేగాక అల్లం, వెల్లుల్లి వేసి కొన్ని సెకన్ల తరువాత ఉల్లిపాయ, పచ్చిమిర్చి ముక్కలు వేసి అవి మెత్తబడే వరకు వేగించాలి. తరువాత టొమాటో ముక్కలు వేసి కలిపి ఉప్పు, మసాలా దినుసులు వేయాలి. ఇందులో ఉడికించిన పప్పుల్ని వేసి మంట మరీ ఎక్కువ, తక్కువ కాకుండా కొద్దిసేపు ఉడికించాలి. తరువాత స్టవ్ ఆపేసి పైన కొత్తిమీర తరుగుని వేసి ఆపైన మీగడ వేయాలి. దీన్ని వేడివేడి లచ్చా పరాటా, నాన్ లేదా అన్నంతో తింటే బాగుంటుంది.

మూలం : సూర్య దినపత్రిక

వజక్కయ్ కర్రీ

6/21/2013

కావలసిన పదార్థాలు :
అరటి కాయలు - రెండు
చిన్న ఉల్లిపాయలు - 15
టొమాటోలు - రెండు
చింతపండు - నిమ్మకాయంత (నానబెట్టి ఉంచాలి)
వెల్లుల్లి రెబ్బలు - 12
కారం - 2 టీస్పూన్లు
ధనియాల పొడి - 4 టీస్పూన్లు
జీలకర్ర - టీస్పూన్
మెంతులు - పావుటీస్పూన్
ఆవాలు - టీస్పూన్
కరివేపాకు - కొద్దిగా
నూనె - తగినంత
ఉప్పు - సరిపడా

తయారుచేసే పద్ధతి :

అరటికాయలు చెక్కు తీసి ముక్కలుగా కోసి ఉప్పు నీళ్ళలో వేసి ఉంచాలి.
ఫ్రెషర్ పాన్ లో నూనె వేసి మెంతులు, జీలకర్ర, కరివేపాకు, ఒలిచిన ఉల్లిపాయలు వేసి వేయించాలి. వేగిన తర్వాత టొమాటో ముక్కలు, ధనియాల పొడి వేసి కలపాలి. తరువాత చింతపండు గుజ్జు, అరటికాయ ముక్కలు, ఉప్పు వేసి కలిపి మూతపెట్టి పదిహేను నిముషాలు ఉడికించాలి. ఇప్పుడు వెల్లుల్లి రెబ్బలు కూడా వేసి కూర దగ్గరగా అయ్యేవరకూ ఉడికించి దించాలి.

మూలం : ఈనాడు ఆదివారం

కడై చోలే

6/20/2013

కావలసిన పదార్థాలు :
కాబూలీ శనగలు - 250 గ్రా.
ఉల్లి తరుగు - 50 గ్రా.
టొమాటో తరుగు - 75 గ్రా
పచ్చిమిర్చి - 4
అల్లం వెల్లుల్లి పేస్ట్ - అరటీస్పూన్
పుదీనా తరుగు - అరకప్పు
కొత్తిమీర తరుగు - కొద్దిగా
బిరియానీ ఆకులు - మూడు
పసుపు - చిటికెడు
నూనె - 25 గ్రా.
మిరప్పొడి - అరటీస్పూన్
చోలే మసాలా - అరటీస్పూన్
ఆమ్ చోర్ పౌడర్ - అరటీస్పూన్
గరం మసాలా - పావుటీస్పూన్
ఉప్పు - తగినంత

తయారుచేసే పద్ధతి :

శనగలను ముందురోజు రాత్రి నానబెట్టి, మరుసటి రోజు నీరంతా తీసేసి కుకర్ లో సుమారు అరగంట సేపు ఉడికించాలి.
బాణలిలో నూనె వేసి కాగాక, బిరియానీ ఆకు, గరం మసాలా వేసి వేగాక, ఉల్లితరుగు వేసి గోధుమ రంగులోకి వచ్చే వరకు వేయించాలి.
అల్లం, వెల్లుల్లి పేస్ట్ వేసి రెండు నిముషాలు వేగాక, టొమాటో తరుగు, మిగతా పదార్థాలు కూడా ఒక్కదాని తర్వాత ఒకటి వేసి దోరగా వేయించుకోవాలి.
ఉడికించిన శనగలో పావుకప్పు శనగలను మెత్తగా చేసి పై మిశ్రమంలో కలపాలి.
మూడు లేక నాలుగు నిమిషాల తర్వాత నీరు లేకుండా శనగలు పై మిశ్రమంలో వేసి, రుచికి తగ్గట్టు ఉప్పు కలిపి కొంచెం సేపు ఉడకనివ్వాలి.
తర్వాత ఒక కడాయిలోకి తీసుకొని కొత్తిమీరతో గార్నిష్ చేసుకొని వడ్డించాలి.

మూలం : సాక్షి దినపత్రిక

చింతచిగురు దొండకాయ

6/19/2013

కావలసిన పదార్థాలు :
దొండకాయలు - పావుకిలో
చింతచిగురు - కప్పు
సెనగ పప్పు - టేబుల్ స్పూన్
మినప్పప్పు - టేబుల్ స్పూన్
కొబ్బరి తురుము - టేబుల్ స్పూన్
ఎండు మిర్చి - 4
ఆవాలు - అరటీస్పూన్
నూనె - 4 టేబుల్ స్పూన్లు
ఉప్పు - తగినంత
కరివేపాకు - 2 రెమ్మలు
వేరుసెనగ పప్పు - అరకప్పు

తయారుచేసే పద్ధతి :

దొండకాయలను నిలువుగా ముక్కలుగా తరగాలి. ఈ ముక్కలను నూనెలో వేయించి పక్కన ఉంచాలి.
మరో బాణలిలో కొద్దిగా నూనె వేసి ఆవాలు, పచ్చి సెనగపప్పు, మినప్పప్పు, వేరుసెనగ పప్పు, ఎండు మిర్చి, కరివేపాకు వేసి వేగిన తర్వాత దొండకాయ ముక్కలు, ఉప్పు, చింతచిగురు, కారం వేసి కలుపుతూ వేయించాలి. చివరగా కొబ్బరి తురుము కూడా వేసి కలిపి దించాలి.

మూలం : ఈనాడు ఆదివారం

కడై పనీర్

6/19/2013

కావలసిన పదార్థాలు :
పనీర్ - 100 గ్రా.(ముక్కలుగా కట్ చేయాలి)
క్యాప్సికం ముక్కలు - పావుకప్పు
ఉల్లితరుగు - పావుకప్పు
ఉల్లిముక్కలు - అరకప్పు (పెద్దవిగా తరగాలి)
టొమాటో తరుగు - అరకప్పు
పసుపు - చిటికెడు
కొత్తిమీర - కట్ట
పచ్చిమిర్చి - 5
మిరియాల పొడి - అరటీస్పూన్
గరం మసాలా - అరటీస్పూన్
ఉప్పు - తగినంత
నల్ల ఉప్పు - చిటికెడు
అల్లం వెల్లుల్లి పేస్ట్ - టీస్పూన్
షాజీరా - పావుటీస్పూన్

డ్రై ఫ్రూట్ గ్రేవీ కోసం :
పల్లీలు - 10 గ్రా.
జీడిపప్పు - 4 లేదా 5 పలుకులు
కర్బూజా గింజలు - 10 గ్రా.
బాదం పప్పు - 10 గ్రా.
నూనె - 5 గ్రా.

తయారుచేసే పద్ధతి :

ముందుగా బాణలిలో కొద్దిగా నూనె వేడిచేసి డ్రై ఫ్రూట్స్ గ్రేవీ కోసం తీసుకున్న పదార్థాలన్నింటిని వేయించి, చల్లారాక కొద్దిగా నీరు కలిపి పేస్ట్ లా చేసుకోవాలి.
అదే బాణలిలో నూనె పోసి కాగాక, షాజీరా, ఎండు మిర్చి, ఉల్లితరుగు వేసి దోరగా వేయించాలి. తర్వాత అల్లం వెల్లుల్లి పేస్ట్ వేసి వేయించాలి.
టొమాటో తరుగు, మిగిలిన పదార్థాలన్నింటిని ఒకదాని తర్వాత ఒకటి వేసి వేయించాలి. నూనె పైకి తేలుతున్నపుడు ఉల్లిపాయ ముక్కలు, క్యాప్సికం ముక్కలు వేసి కలపాలి.
బాగా వేగిన తర్వాత పనీర్ ముక్కలు, డ్రై ఫ్రూట్స్ గ్రేవీ పేస్ట్ వేసి కలిపి ఐదు నిముషాలు ఉడికించాలి.
కడాయిలోకి తీసుకొని కొత్తిమీరతో గార్నిష్ చేసుకోవాలి.

మూలం : సాక్షి దినపత్రిక

క్యారెట్ స్పైసీ ఫ్రై

6/17/2013

కావలసిన పదార్థాలు :
క్యారెట్లు - 4
ఉల్లిపాయ - 1
ఉల్లికాడల కట్ట - 1
ఉప్పు - తగినంత
మైదా - అరకప్పు
కోడిగుడ్లు - రెండు
నూనె - వేయించడానికి సరిపడా
మిరియాల పొడి - పావు చెంచ

తయారుచేసే పద్ధతి :

క్యారెట్లను పొడుగ్గా, ముక్కల్లా తరగాలి.
ఉల్లిపాయల్ని సన్నగా తరిగి ఓ గిన్నెలోకి తీసుకోవాలి. అందులో నూనె తప్ప మిగిలిన పదార్థాలన్నీ వేసి నీళ్ళు పోసి, పిండిలా కొద్దిగా పలుచగా కలుపుకోవాలి.
ఇందులో క్యారెట్ ముక్కల్ని ముంచి కాగుతున్న నూనెలో వేయించాలి. ఎర్రగా అయ్యాక తీసేసి వేడివేడిగా టమాటో సాస్ తో గాని, అన్నంలోకి సైడ్ డిష్ గా గాని తింటే చాలా రుచిగా ఉంటాయి.

మూలం : ఈనాడు వసుంధర