Blog Archives - telugutaruni.weebly.com

మొఘలాయీ కాలీఫ్లవర్

5/31/2013

కావలసిన పదార్థాలు :
కాలీఫ్లవర్ - కిలో
నూనె - తగినంత
బంగాళాదుంపలు - అరకిలో
బఠానీ - అరకిలో
ఉల్లిపాయలు - ఐదు (ఒకటి చిన్న ముక్కలుగా కోయాలి, మిగిలినవి సన్నగా పొడుగ్గా కోయాలి)
కుంకుమ పువ్వు - అరటీస్పూన్
పెరుగు - 2 టేబుల్ స్పూన్లు
మసాలా ముద్ద కోసం :
అల్లం - అంగుళం ముక్క
లవంగాలు - 12
ధనియాలు - 2 టేబుల్ స్పూన్లు
కాశ్మీరి మిర్చి - 16

తయారుచేసే పద్ధతి :
కాలీఫ్లవర్ పూరేమ్మల్ని విడదీయాలి. బంగాళాదుంపలు పెద్ద ముక్కలుగా కోయాలి.
మసాలా ముద్ద కోసం తీసుకున్నవన్ని మెత్తగా నూరాలి. బాణలిలో 4 టేబుల్ స్పూన్ల నూనె వేసి పొడవుగా కోసిన ఉల్లిముక్కలు వేసి వేయించాలి. తరువాత వీటిని ముద్దలా చేసి ఉంచాలి. ఇప్పుడు ఆ నూనెలోనే సన్నని ముక్కలుగా కోసిన ఉల్లిముక్కలు వేసి వేయించాలి. తరువాత మసాలా ముద్ద వేసి మూడు నాలుగు నిముషాలు వేయించాలి.
కాలీఫ్లవర్ ముక్కలు, బంగాళదుంప ముక్కలు, బఠానీలు వేసి మూడు కప్పుల నీలు పోసి మూతపెట్టి ఉడికించాలి. ముక్కలు ఉడికాక ఉల్లిముద్ద వేసి ఉప్పు వేసి ఉడికించాలి.
చివరగా పెరుగులో కుంకుమ పువ్వు వేసి కలిపి, మృదువుగా చేయాలి. ఇప్పుడు ఇది కూరలో వేసి ఓ నిమిషం ఉడికించి దించాలి.

మూలం : ఈనాడు ఆదివారం పుస్తకం

చిల్లీ కాలీఫ్లవర్ రోస్ట్

5/31/2013

కావలసిన పదార్థాలు :
కాలీఫ్లవర్ - అర కిలో
నూనె - 5 టేబుల్ స్పూన్లు
అల్లం - అంగుళం ముక్క
వెల్లుల్లి రెబ్బలు - 13
లవంగాలు - 4
టొమాటో గుజ్జు - ఒకటిన్నర కప్పులు
జీలకర్ర - టీస్పూన్
మిరియాలు - ఒకటిన్నర టీస్పూన్లు
ఆవాలు - టీస్పూన్
పసుపు - టీస్పూన్
కాశ్మీరి కారం - రెండున్నర టీస్పూన్లు
కొత్తిమీర తురుము - కొద్దిగా
ఉప్పు - తగినంత
తయారుచేసే పద్ధతి :

కాలిఫ్లవర్ పూరేమ్మలను దేనికది విడదీయాలి. కారం, పసుపు తప్ప మిగిలినవన్నీ మిక్సీలో వేసి కొద్దిగా నీళ్ళు పోసి మెత్తని ముద్దలా చేయాలి. తరువాత అందులోనే ఉప్పు, కారం, పసుపు వేసి కలపాలి.
ఇప్పుడు ఈ మసాలా ముద్దను ఒక్కో రెమ్మకు పట్టించి ఒకటిన్నర గానతల పాటు నాననివ్వాలి. నానిన తర్వాత కాస్త నీరు ఊరుతుంది.
నాని ఊరిన కాలీఫ్లవర్ ముక్కలను నీటితో పాటుగా బాణలిలో వేసి మూతపెట్టకుండా ఉడికించాలి. నీళ్లన్నీ అవిరైపోయాక దించాలి.
విడిగా ఓ బాణలిలో నూనె వేసి కాలీఫ్లవర్ ముక్కలు వేసి బాగా వేయించాలి. వేగాక టొమాటో గుజ్జు వేసి అది ముక్కలకు పట్టేవరకూ ఉడికించి దించాలి.
చివరగా కొత్తిమీర అలంకరిస్తే సరి.

మూలం : ఈనాడు ఆదివారం పుస్తకం

మలై కాలీఫ్లవర్

5/31/2013

కావలసిన పదార్థాలు :
కాలీఫ్లవర్ - ముప్పావు కిలో
నూనె - 4 టేబుల్ స్పూన్లు
పాలపొడి - 3 టేబుల్ స్పూన్లు
పంచదార - పావుటీస్పూన్

గ్రేవీ ముద్దా కోసం :
ఉల్లిపాయలు - 2
అల్లం - అర అంగుళం ముక్క
వెల్లుల్లి రెబ్బలు - 3
పచ్చిమిర్చి - 5

గరం మసాలా కోసం :
దాల్చిన చెక్క - అర అంగుళం ముక్క
యాలకులు - రెండు
లవంగాలు - రెండు

తయారుచేసే పద్ధతి :

కాలిఫ్లవర్ పూరేమ్మలను దేనికది విడదీయాలి. తరువాత వీటిని ఓ గిన్నెలో వేసి తగినన్ని నీళ్ళు పోసి ఉప్పు వేసి ఉడికించాలి.
ఉల్లిముక్కలు, పచ్చిమిర్చి, అల్లం, వెల్లుల్లి పేస్ట్ లా చేసుకోవాలి.
ముప్పావు కప్పు నీళ్ళలో పాలపొడి వేసి పేస్ట్ లా చేసుకోవాలి.
బాణలిలో 2 టేబుల్ స్పూన్ల నూనె వేసి ఉడికించిన కాలిఫ్లవర్ ముక్కలను వేసి మూడు నాలుగు నిముషాలు వేయించి తీయాలి. తరువాత అందులోనే మిగిలిన రెండు టేబుల్ స్పూన్ల నూనె వేసి ఉల్లిముద్ద, గరం మసాలా వేసి వేయించాలి. ఇప్పుడు పాలముద్ద కూడా వేసి ఉడికించాలి. పాలపొడి ముద్ద పాలవిరుగుడులా అయ్యేవరకు ఉడికించాలి.
ఇప్పుడు వేయించి తీసిన కాలిఫ్లవర్ ముక్కలు వేసి టీ కప్పు నీళ్ళు పోసి, ఉప్పు సరిచూసి సిమ్ లో 5 నిముషాలు ఉడికించాలి. గ్రేవీ చిక్కగా అయ్యాక ఇష్టమైతే పంచదార వేసి కలిపి దించుకోవాలి.

మూలం : ఈనాడు ఆదివారం పుస్తకం

బఠానీ మష్రూమ్స్

5/29/2013

కావలసిన పదార్థాలు :
పచ్చి బఠానీలు - ఒకటిన్నర కప్పు
పుట్టగొడుగులు - 200 గ్రా.
ఉల్లిపాయలు - రెండు
టొమాటోలు - నాలుగు
గరం మసాలా - టీస్పూన్
కారం - టేబుల్ స్పూన్
ఉప్పు - సరిపడా
నూనె - 4 టేబుల్ స్పూన్లు
అల్లం,వెల్లుల్లి - రెండు టీస్పూన్లు
ధనియాల పొడి - టేబుల్ స్పూన్
దాల్చిన చెక్క - అంగుళం ముక్క
యాలకులు - 4
జీడిపప్పు ముద్ద - అరకప్పు
పసుపు - చిటికెడు

తయారుచేసే పద్ధతి :
పుట్టగొడుగుల్ని కడిగి ముక్కలుగా కోయాలి. బాణలిలో నూనె వేసి వేడి అయ్యాక యాలకులు, దాల్చిన చెక్క, ఉల్లిముక్కలు వేసి వేయించాలి. తరువాత అల్లం వెల్లుల్లి వేసి ఓ నిమిషం వేయించాలి. టొమాటో ముక్కలు కూడా వేసి ఉడికించాలి. తరువాత కారం, ధనియాల పొడి, పసుపు, గరం మసాలా, ఉప్పు వేసి ఓ రెండు నిముషాలు ఉడికించుకోవాలి.
జీడిపప్పు ముద్దను ఓ కప్పు నీళ్ళలో కలిపి బాణలిలో పోయాలి. తరువాత మరో కప్పు నీళ్ళు పోసి మరిగించాలి. ఇప్పుడు బఠానీలు, పుట్టగొడుగులు వేసి ఉడికిన తర్వాత దించాలి.

మూలం : ఈనాడు ఆదివారం పుస్తకం

చేమదుంప మసాలా

5/29/2013

కావలసిన పదార్థాలు :
చేమదుంపలు - పావుకిలో
పచ్చిమిర్చి - 1
గరం మసాలా - పావుటీస్పూన్
వాము - అరటీస్పూన్
ఉల్లిపాయ - ఒకటి
కారం - అర టేబుల్ స్పూన్
ఉప్పు - అరటీస్పూన్
నిమ్మరసం - అర టేబుల్ స్పూన్
సెనగ పిండి - 2 టేబుల్ స్పూన్లు
కొత్తిమీర తురుము - టేబుల్ స్పూన్
నూనె - తగినంత
గ్రేవీ కోసం :
టొమాటోలు - పావుకిలో
అల్లం,వెల్లుల్లి - టీస్పూన్
పచ్చిమిర్చి - ఒకటి
కారం - అరటీస్పూన్
లవంగాలు - 2
యాలకులు - 2
ఉప్పు - రుచికి సరిపడా
వెన్న - 2 టేబుల్ స్పూన్లు
కసూరి మేతి - టేబుల్ స్పూన్

తయారుచేసే పద్ధతి :

ముందుగా చేమదుంపల్ని కుక్కర్ లో వేసి ఓ విజిల్ రానివ్వాలి. తరువాత మంట తగ్గించి రెండు మూడు నిముషాలు ఉడికించి దించాలి.
గ్రేవీ కోసం ఓ బాణలిలో కొంచెం నూనె వేసి వేడి అయ్యాక టొమాటో ముక్కలు వేసి కప్పు నీళ్ళు పోయాలి. అల్లం, వెల్లుల్లి, పచ్చిమిర్చి,కారం, లవంగాలు, యాలకులు వేసి మూతపెట్టి తక్కువ మంట మీద ఉడికించుకోవాలి. టొమాటోలు మెత్తగా గుజ్జుగా అయ్యే వరకు ఉడికించాలి. తర్వాత స్టవ్ ఆపి పప్పు గుత్తితో మెదిపి తొక్కు తీసేసి నీటిని మాత్రం ఓ పాన్ లోకి వంపి స్టవ్ మీద పెట్టాలి. వెన్న,ఉప్పు వేసి మరో రెండు నిముషాలు మరిగించాలి. కసూరి మెంతి కూడా వేసి దించి ఈ గ్రేవీని ఓ పక్కకు ఉంచుకోవాలి.
చేమదుంపల పొత్తు తీసి ముక్కలుగా కోయాలి. ముక్కల మీద ఉప్పు, కారం చల్లాలి. తరువాత సెనగ పిండి చల్లి మొత్తం ముక్కలన్నింటికి అతుక్కునేలా వాటిని పైకి కిందికి కలపాలి.
మరో బాణలిలో నూనె (డీప్ ఫ్రీ కి సరిపడా ) వేసి సగం సగం చొప్పున వేయించి తీయాలి. బాణలిలో కొద్దిగా నూనెను ఉంచి మిగతాది తీసేయాలి. కొద్దిగా నూనె ఉన్న బాణలిలో వాము, ఉల్లి ముక్కలు, అల్లం తురుము, పచ్చిమిర్చి ముక్కలు వేసి వేయించాలి. తరువాత ఉప్పు వేసి కలపాలి. ఇప్పుడు వేయించి తీసిన చేమగడ్డల ముక్కలు వేసి, ఉప్పు, కారం సరిచూసి కొత్తిమీర చల్లాలి. గ్రేవీ వేసి మొత్తం ముక్కలకు పట్టేలా కలపాలి. నిమ్మరసం, గరం మసాలా, కొత్తిమీర తురుము వేసి కలిపి దించాలి.

మూలం : ఈనాడు ఆదివారం పుస్తకం

సింధి కడి

5/29/2013

కావలసిన పదార్థాలు :
క్యారెట్,బెండ,వంకాయ,మునక్కాయ,సోరక్కాయ ముక్కలు - 2 కప్పులు
చింతపండు గుజ్జు - 2 టేబుల్ స్పూన్లు
జీలకర్ర - టీస్పూన్
పచ్చిమిర్చి - 6
ధనియాల పొడి - టీస్పూన్
ఉప్పు - సరిపడా
ఇంగువ - చిటికెడు
మెంతులు - టీస్పూన్
సెనగ పిండి - 6 టేబుల్ స్పూన్లు
పసుపు - చిటికెడు
కొత్తిమీర తురుము - 2 టేబుల్ స్పూన్లు
నూనె - తగినంత
తయారుచేసే పద్ధతి :

బాణలిలో నూనె వేయాలి. తరువాత ఇంగువ, పచ్చిమిర్చి ముక్కలు, జీలకర్ర, మెంతులు వేసి వేయించాలి. సెనగపిండి వేసి తిప్పుతూ ఉండాలి. పిండి మంచి వాసనా వచ్చాక సుమారు లీటర్ నీళ్ళు పోసి ఉండలు కట్టకుండా తిప్పుతూ సిమ్ లోనే 20 నిముషాలు ఉడికించాలి. మరిగిన తర్వాత కూరగాయ ముక్కలు, పసుపు, ధనియాల పొడి వేసి కలపాలి. ఇప్పుడు చింతపండు గుజ్జు కూడా వేసి ముక్కలు ఉడికే వరకు ఉంచాలి.ఉప్పు సరి చూసి కొత్తిమీర తురుముతో అలంకరించి దించాలి.

మూలం : ఈనాడు ఆదివారం పుస్తకం

రాజ్మా రాస్ మిస్

5/29/2013

కావలసిన పదార్థాలు :
రాజ్మా - 200 గ్రా.
జీలకర్ర - అరటీస్పూన్
ఉల్లిపాయలు - 3
అల్లం వెల్లుల్లి పేస్ట్ - ఒక టేబుల్ స్పూన్
టొమాటో గుజ్జు - కప్పు
పచ్చిమిర్చి - 4
జీలకర్ర పొడి - టీస్పూన్
ధనియాల పొడి - అరటీస్పూన్
కారం - టీస్పూన్
ఉప్పు - సరిపడా
పెరుగు - పావుకప్పు
కొత్తిమీర తురుము - 2 టేబుల్ స్పూన్లు
నూనె - తగినంత
తయారుచేసే పద్ధతి :

రాజ్మా శుభ్రముగా కడిగి రాత్రంతా నానబెట్టాలి. కుక్కర్ లో ఉడికించుకోవాలి.
బాణలిలో నూనె వేసి వేడి అయ్యాక ఉల్లిముక్కలు వేసి బంగారు వర్ణంలోకి వచ్చేవరకు వేయించుకోవాలి. ఇప్పుడు అల్లం, వెల్లుల్లి పేస్ట్ వేసి వేయించాలి. తర్వాత టొమాటో గుజ్జు, పచ్చిమిర్చి ముక్కలు, జీలకర్ర పొడి, ధనియాల పొడి, కారం, పెరుగు, ఉప్పు ఒక దాని తర్వాత ఒకటి వేసి ఐదారు నిముషాలు ఉడికించుకోవాలి.
ఉడికించిన రాజ్మా వేసి కలిపి అరకప్పు నీళ్ళు పోసి 20 నిముషాలు ఉడికించుకోవాలి. చివరగా కొత్తిమీర తురుముతో అలంకరిస్తే సరి..

మూలం : ఈనాడు ఆదివారం పుస్తకం

పల్లీ పొడితో పొట్లకాయ కూర

5/24/2013

కావలసిన పదార్థాలు :

పొట్లకాయ - 1
ఉల్లి తరుగు - అరకప్పు
ఆవాలు, జీలకర్ర, మినపప్పు, శనగ పప్పు - అరటీస్పూన్ చొప్పున
ఉప్పు - తగినంత
నూనె - 1 టేబుల్ స్పూన్
ఎండుమిర్చి - 6
వెల్లుల్లి రేకలు - 6
వేరుశనగ పప్పులు- అరకప్పు
కరివేపాకు - 4 రెమ్మలు
పసుపు - అరటీస్పూన్
ఇంగువ - చిటికెడు
కొత్తిమీర తరుగు - అరకప్పు

తయారుచేసే పద్ధతి :

పొట్లకాయను ముక్కలుగా తరిగి చిటికెడు పసుపు కలిపి, కప్పు నీటితో ఉడికించాలి(ముక్క సగం ఉడికితే చాలు). ఎండుమిర్చి, వెరుశనగపప్పులను విడివిడిగా వేగించి వెల్లుల్లితో కలిపి పొడి చేయాలి. నూనెలో తాలింపు దినుసులు, కరివేపాకు, ఇంగువ, పసుపు, ఉల్లితరుగు వేగించి ఉడికిన పొట్లకాయ ముక్కలు కలపాలి. 5 నిముషాలు మగ్గించి ఉప్పు, వేరుశనగ పొడి మిశ్రమం కలిపి మరో రెండు నిముషాలు ఉంచి కొత్తిమీర చల్లి దించేయాలి.

గుత్తి పొట్లకాయ కూర

5/24/2013

కావలసిన పదార్థాలు :

పొట్లకాయ - 1
బంగాళదుంప - 1 (ఉడికించి పెట్టుకోవాలి)
ఉల్లి తరుగు - ఒక కప్పు
పచ్చిమిర్చి తరుగు - 1 టీస్పూన్
కొత్తిమీర తరుగు - అరకప్పు
నిమ్మరసం - ఒక టీస్పూన్
ఉప్పు - తగినంత
నూనె - వేయించడానికి సరిపడా
రవ్వ - 3 టేబుల్ స్పూన్లు

తయారుచేసే పద్ధతి :

పొట్లకాయను ఒకటిన్నర అంగుళం ముక్కలుగా కట్ చేసి, లోపలి గుజ్జు, గింజలు తీసేయాలి. ఒక పాత్రలో చిదిమిన ఆలు, ఉల్లి, మిర్చి, కొత్తిమీర తరుగు, నిమ్మరసం, ఉప్పు కలిపి ముక్కల్లో నింపాలి. కూర కనిపించే భాగాల్ని రవ్వలొ అద్ది సన్నని మంటపై నూనెలో దోరగా వేయించాలి. (ఇష్టమైతే ఆలు మిశ్రమానికి బదులు శనగ పిండి, పసుపు, కారం, జీలకర్ర పొడి, మిరియాల పొడి, ఉప్పు, పంచదార, చింతపండు గుజ్జుల మిశ్రమాన్ని తగిన మోతాదులో తీసుకొని పొట్ల గొట్టాల్లో పూడ్చవచ్చును)

ములగాకు కుర్మా

5/23/2013

కావలసిన పదార్థాలు :

ములగ ఆకులు - రెండు కప్పులు
పెసరపప్పు - అరకప్పు
క్యారెట్ - ఒకటి
ఫ్రెంచ్ బీన్స్ - ఐదారు
బంగాళదుంప - ఒకటి
పచ్చిమిరపకాయలు - 3-4
అల్లం ముక్క - అంగుళం
పసుపు - పావు టీస్పూన్
జీలకర్ర - పావు టీస్పూన్
ఆవాలు - పావు టీస్పూన్
నిమ్మరసం - రెండు టీస్పూన్లు
కరివేపాకు - కొద్దిగా
నూనె - రెండు టేబుల్ స్పూన్లు
ఇంగువ - రెండు చిటికెలు

తయారుచేసే పద్ధతి :

ములగ ఆకు శుభ్రముగా కడిగి వడకట్టాలి. ఫ్రెజర్ కుక్కర్ లో సగం నూనె వేడి చేసి అందులో తరిగిన క్యారెట్ ముక్కలు, బీన్స్, ఒక పచ్చిమిరపకాయలను వేయాలి. పప్పు కడిగి రెండు కప్పుల నీళ్ళలో ముందే నానబెట్టి ఉంచుకోవాలి. పప్పు వడకట్టి కలపాలి. రెండు మూడు నిముషాలు వేయించాలి.
బంగాళదుంప తురుము, ములగ ఆకులు, అల్లం వేసి రెండు కప్పుల వేడి నీరు కలుపుకోవాలి. అందులో ఉప్పు, పసుపు వేసి బాగా కలపాలి. మూత పెట్టి రెండు విజిల్స్ రానివ్వాలి.
కుక్కర్ స్టీం విడుదలయ్యాక రుచి కోసం నిమ్మకాయరసం కలపాలి. మిగతా నూనె చిన్న ప్యాన్ లో వేడి చేసి తాలింపు గింజలన్నీ వేసి, చిటపటలాడక కరివేపాకు, ఇంగువ, మిగతా పచ్చిమిరపకాయ ముక్కలు వేసుకోవాలి. ఈ తాలింపుని కుర్మాలో కలపాలి. కలియబెట్టాలి. ఇది అన్నానికి, చపాతిలకి మంచి కాంబినేషన్.

మూలం : స్వాతి సపరివార పత్రిక