పన్నీర్ అంగా

కావలసిన పదార్థాలు :

పన్నీర్       -           100 గ్రా. 
గరం మసాలా  -        టీస్పూన్ 
ఉల్లిపాయలు     -       2 
టొమాటోలు     -      4 
క్యాప్సికం ముక్కలు -   కొద్దిగా 
తర్బూజ గింజలు   - 10 గ్రా.
అజినమెటో   -          అరటీస్పూన్ 
కొబ్బరి పొడి   -          2 టీస్పూన్లు 
అల్లం వెల్లుల్లి పేస్ట్ -     100 గ్రా.
పసుపు        -          కొద్దిగా 
నూనె           -         తగినంత 
ఉప్పు          -          తగినంత 
కారం           -          2 టీస్పూన్లు 
జీడిపప్పు పొడి -        10 గ్రా.  
మిరియాలు   -           10 
ఎండు మిర్చి  -            10 

తయారుచేసే పద్ధతి :

• ముందుగా పన్నీర్, ఉల్లిపాయ, టొమాటోలను ముక్కలుగా కట్ చేసుకోవాలి.
  
• ఎండు కొబ్బరి పొడి, జీడిపప్పు పొడి, తర్బూజ గింజలు, కొద్దిగా నీరు కలిపి మిక్సీలో వేసి మెత్తటి పేస్ట్ లా చేసుకోవాలి.
  
• స్టవ్ వెలిగించి బాణలిలో నూనె వేసి కాగిన తర్వాత ఉల్లి తరుగు వేసి బంగారు రంగు వచ్చేవరకు వేయించాలి. తర్వాత టొమాటో ముక్కలు, అల్లం వెల్లుల్లి పేస్ట్ వేసి బాగా కలపాలి.
  
• కారం, పసుపు, తగినంత ఉప్పు వేసి 5 నిముషాలు ఉడికించాలి. 
  
• ముందుగా తయారుచేసి ఉంచుకున్న ఎండు కొబ్బరి మిశ్రమాన్ని వేసి, కొద్దిగా నీరు పోసి రెండు లేక మూడు నిముషాలు ఉడికించి దించే ముందు కారం, గరం మసాలా వేసి కలుపుకోవాలి.
  
• చివరగా మిరియాలు, ఎండు మిర్చి, పన్నీర్ ముక్కలు వేసి కొద్దిగా ఉడికించి, క్యాప్సికం, టొమాటో ముక్కలతో గార్నిష్ చేసి వేడివేడిగా సర్వ్ చేయాలి.
  

మూలం : సాక్షి దినపత్రిక 

---