Blog Archives

పనీర్ చిల్లీ వేపుడు

4/26/2013

కావలసిన పదార్ధాలు :

పనీర్                             :            250 గ్రా.
చిల్లీ గార్లిక్ సాస్               :            కొద్దిగా
క్యాప్సికం తరుగు            :            అరకప్పు
రెడ్ క్యాప్సికం తరుగు      :            అరకప్పు
ఉల్లి తరుగు                    :            కప్పు
సోయాసాస్                    :            కొద్దిగా
అజినమెటో (చైనా సాల్ట్) :            కొద్దిగా
ఉల్లికాడల తరుగు          :            కొద్దిగా

తయారి విధానం :

               ముందుగా పనీర్ ను పెద్దపెద్ద ముక్కలుగా తరిగి పెట్టుకోవాలి.తర్వాత ఒక బాణలి లి నెయ్యి లేదా నూనె వేసి స్టవ్ మీద ఉంచి కాగాక పనీర్ ముక్కలు వేసి లేత గోధుమరంగు వచ్చే వరకు వేయించాలి. క్యాప్సికం, రెడ్ క్యాప్సికం ముక్కలు వేసి రెండు నిముషాలు వేయించాలి. ఇప్పుడు సోయాసాస్, అజినమెటో, చిల్లీ గార్లిక్ సాస్, ఉప్పు వేసి కలపుకోవాలి. చివరగా పనీర్ వేసి కలుపుకోవాలి. ఒక టూత్ పిక్ కి పనీర్, ఉల్లికాడలు, క్యాప్సికం, ఉల్లిపాయ ముక్కలు గుచ్చి సర్వ్చేస్తే చాలా బాగుంటుంది.

మూలం : సాక్షి

0 Comments

క్యాలీఫ్లవర్ వేపుడు

4/24/2013

0 Comments

కావలసిన పదార్ధాలు :

ఉల్లిపాయ            :           1
క్యాలీఫ్లవర్           :            ఒక పువ్వు
కొబ్బరి తురుము :            మూడు టేబుల్ స్పూన్లు
నూనె                  :            రెండు టేబుల్ స్పూన్లు
ఇంగువ               :            పావు టీస్పూన్
పసుపు               :            కొద్దిగా
కారం                  :            టీస్పూన్
పచ్చిమిర్చి          :            3
ఉప్పు                 :            తగినంత

పోపు కోసం
ఆవాలు              :             టీస్పూన్
జీలకర్ర               :             టీస్పూన్

తయారి విధానం :

             స్టవ్ మీద బాణలి ఉంచి అందులో కొద్దిగా నూనె వేసి కాగాక ఆవాలు, జీలకర్ర వేసి వేయించాలి. కొద్ది సేపటి తరవాత ఉల్లితరుగు, కరివేపాకు వేసి కొద్దిగా బంగారు వర్ణంలోకి వచ్చాక తరిగి ఉంచుకున్న క్యాలిఫ్లవర్ వేసి వేయించాలి. కాసేపటి తర్వాత కొద్దిగా ఇంగువ, పసుపు, కారం, పచ్చిమిర్చి తరుగు వేసి వేయించాలి. అన్నీ బాగా కలిపి మెత్తగా అయ్యే వరకు కలుపుతూ ఉండాలి. చివరగా కొద్దిగా కొబ్బరి తురుము వేసి ఒక్కసారి మొత్తం కలిపి దించేయాలి.

మూలం : సాక్షి

0 Comments

సొరకాయ కూటు

4/22/2013

0 Comments

కావలసిన పదార్ధాలు :

పచ్చి శనగ పప్పు       :        కప్పు (నీటిలో ఓ గంట పాటు నానపెట్టాలి)
సొరకాయ ముక్కలు   :        ఒకటిన్నర కప్పు
పసుపు                     :        చిటికెడు
కొబ్బరి పొడి               :        చిన్న కప్పు
పచ్చిమిరపకాయలు   :       మూడు లేదా నాలుగు
జీలకర్ర                      :        అర టీస్పూను
ఆవాలు                     :         టేబుల్ స్పూను
ఎండుమిరపకాయలు :      రెండు లేదా మూడు
ఇంగువ                     :       చిటికెడు
కరివేపాకు                 :         కొద్దిగా
నూనె                       :         తగినంత

తయారీ విధానం :

           ముందుగా కొబ్బరి పొడి, పచ్చి మిరపకాయలు, జీలకర్ర మూడింటిని కొద్దిగా నూనె పోసి ముద్దగా నూరుకోవాలి. ఇప్పుడు మందపాటి గిన్నె లేదా బాండిలో కప్పు నీరు పోసి నానపెట్టి పెట్టుకున్న శనగపప్పు, సొరకాయ ముక్కలు వేసి ఉడికించుకోవాలి. కుక్కర్లో అయితే ఒకటి రెండు విజిల్స్ రాగానే దింపేసుకోవాలి. ఆ నీరు ఒంపకుండా అందులోనే రుబ్బి పెట్టుకున్న కొబ్బరి ముద్ద, ఉప్పు, పసుపు వేసి కూర ముద్దగా అయ్యేంత వరకు ఉడికించాలి. ఇప్పుడు మరొక గిన్నెలో నూనె వేసి ఆవాలు, జీలకర్ర, మినపప్పు, ఎండుమిరపకాయలు, ఇంగువ వేసి వేయించుకోవాలి. చివరగా ఇంగువ కూడా జతచేసి ఈ తిరగమోతను ఉడుకుతున్న సొరకాయ కూటుకు జతచేయాలి. చివరగా కరివేపాకు, కొత్తిమీర, చల్లి దించేయాలి. ఇది చపాతీల్లోకి చాల రుచిగా ఉంటుంది.

మూలము : నవ్య

0 Comments

బీరకాయ, గసగసాల కూర

4/22/2013

0 Comments

కావలసిన పదార్ధాలు :

బీరకాయలు                :       పావుకేజీ
ఉల్లిపాయ                    :      పెద్దది (తరిగి పెట్టుకోవాలి )
పచ్చి మిరపకాయలు   :       రెండు (ముక్కలుగా చేసుకోవాలి )
పసుపు                      :       చిటికెడు
కారం                         :        సరిపడ
ధనియాల పొడి           :        కొద్దిగా
మెంతుల పొడి            :        చిటికెడు
గసగసాలు                 :         రెండు
ఉప్పు                       :          రుచికి సరిపడ
నూనె                       :         తగినంత
ఆవాలు                    :         స్పూను
జీలకర్ర                     :         స్పూను
మినపప్పు               :         టేబుల్ స్పూను
ఎండుమిరపకాయలు:      రెండు లేదా మూడు
వెల్లుల్లి                     :         ఆరు లేక ఏడు రెమ్మలు
కరివేపాకు                :         కొద్దిగా

తయారీ విధానం :

        ముందుగా గసగసాలు కొద్దిగా వేడి చేసి పొడి చేసి పక్కన పెట్టుకోవాలి. మందపాటి గిన్నె లేదా బాండి తీసుకొని అందులో నూనె వేసి కాగిన తర్వాత ఆవాలు, జీలకర్ర బాగా వేయించుకోవాలి.      ఇవి వేగిన తర్వాత ఉల్లిపాయ ముక్కలు వేసి బంగారు రంగులో వచ్చే వరకు వేయించుకోవాలి. ఇప్పుడు వెల్లుల్లి రెమ్మలు, పచ్చి మిరపకాయలు, కరివేపాకు వేసుకొని మరికొద్ది సేపు వేయించుకోవాలి.   ఇప్పుడు బీరకాయ ముక్కలు, ఉప్పు, కారం పొడి వేసి సన్నని సేగన మగ్గించుకోవాలి.   ముక్కలు ఉడికిన తర్వాత ధనియాల పొడి, మెంతి పొడి, గసగసాల పొడి వేసి మరికొద్ది సేపు వేయించుకోవాలి.    ఇది వేడి వేడి అన్నం లేదా చపాతిలోకి చాలా రుచిగా ఉంటుంది.

మూలము : నవ్య

0 Comments

పనీర్ చిల్లీ వేపుడు

క్యాలీఫ్లవర్ వేపుడు

సొరకాయ కూటు

బీరకాయ, గసగసాల కూర

Author

Categories

Archives