పాంచ్‌మేలా దాల్

కావలసిన పదార్థాలు :
శెనగపప్పు, పెసరపప్పు, మినపప్పు, మసూర్ దాల్ (ఎర్రపప్పు) - అన్నీ ఒక్కో కప్పు చొప్పున
వెల్లుల్లి రెబ్బలు  -      ఎనిమిది (కచ్చాపచ్చాగా కొట్టాలి)
అల్లం               -      కొద్దిగా (సన్నగా తరగాలి)
పెద్ద ఉల్లిపాయ   -      ఒకటి (సన్న ముక్కలుగా తరగాలి)
టొమాటోలు      -      నాలుగు (తరగాలి)
జీలకర్ర            -       ఒకటిన్నర టీస్పూన్
పచ్చిమిర్చి       -        ఐదు (సన్నగా తరగాలి)
కారం              -        అర టీస్పూన్
ఎండుమిర్చి      -       ఒకటి
పసుపు            -      చిటికెడు
వంటనూనె        -       మూడు టీస్పూన్లు
తాజా కొత్తిమీర   -       కొద్దిగా (తరగాలి)
ఉప్పు             -       రుచికి సరిపడా

తయారుచేసే పద్ధతి : 

• పప్పులన్నిటినీ శుభ్రంగా కడిగి లోతైన గిన్నెలో వేసి ఆరు కప్పుల నీళ్లు, కాస్త ఉప్పు, పసుపు వేసి ఉడికించాలి. పప్పులు అడుగంటకుండా, ఉండలు కట్టకుండా మధ్యమధ్యలో కలుపుతూ పావుగంటసేపు ఉడికించాలి. 
  
• ఈ లోగా తాలింపుకి సిద్ధం చేసుకోవాలి. పెద్ద గిన్నెలో నూనె వేడి చేసి అందులో జీలకర్ర, అల్లం, వెల్లుల్లి, పచ్చిమిర్చి ముక్కలు ఆ వరసలో వేసి కొన్ని నిమిషాలు వేగాక టొమాటో ముక్కలు వేయాలి. కొద్దిగా బ్రౌన్ రంగుకి వచ్చాక ఉప్పు, పసుపు, కారం వేసి ఓ మాదిరి మంట మీద ఉడికించాలి. తర్వాత పప్పు మిశ్రమాన్ని వేసి నెమ్మదిగా కదపాలి. పైన కొత్తిమీర చల్లి అలంకరించాలి. వేడివేడిగా తింటే బాగుంటుంది.
  

మూలం : సూర్య దినపత్రిక 

---