All Categories - telugutaruni.weebly.com

ఫిష్ పకోడి

1/25/2014

కావలసిన పదార్థాలు:
చేపలు - 2
కోడిగుడ్లు - 2
కార్న్‌ఫ్లోర్ - 2 స్పూన్స్
కారం - ఒక టీ స్పూన్
నిమ్మరసం - 2 స్పూన్స్
కొత్తిమీర - ఒక కట్ట
ఉప్పు, నూనె - తగినంత

తయారు చేసే విధానం :

చేపలను బాగా కడిగి ముక్కలుగా కట్ చేసుకోవాలి.
కొత్తిమీరను సన్నగా తరుక్కోవాలి.
ఒక గిన్నెలో కోడిగుడ్లను బాగా గిలకొట్టి అందులో ఉప్పు, కారం, నిమ్మరసం, కొత్తిమీర వేసి బాగా కలపాలి. ఆ తర్వాత కార్న్‌ఫ్లోర్ వేసి మరికాసేపు కలుపుకోవాలి.
ఇప్పుడు కడాయిలో నూనె పోసి వేడయ్యాక ఒక్కో ముక్కను కార్న్‌ఫ్లోర్ మిశ్రమంలో ముంచి వేయాలి. బంగారు వర్ణం వచ్చే వరకు వేయించి తీయాలి. ఏదైనా చట్నీతో లాగిస్తే మరింత ఉంటాయి ఫిష్ పకోడీలు!

ఆలూ టిక్కా

1/7/2014

కావలసిన పదార్థాలు
బంగాళదుంపలు - 3
క్యారెట్‌, బీన్స్‌
క్యాలీఫ్లవర్‌ - 100 గ్రాములు
జీలకర్ర - 1 టీ స్పూన్‌,
మిరియాల పొడి - పావు టీ స్పూన్‌
పసుపు - అర టీ స్పూన్‌,
అల్లం - 50 గ్రాములు
చాట్‌ మసాలా - పావు టీ స్పూన్‌
కొత్తిమీర - 1 కట్ట,
పుదీనా - 1 కట్ట
ఉప్పు - సరిపడా,
కారం - తగినంత,
నూనె - తగినంత

తయారీ విధానం

బంగాళదుంపలను ఉడికించి మెత్తగా మెదపాలి.
క్యారెట్‌, బీన్స్‌, క్యాలీఫ్లవర్‌లను ఉడికించి వడగట్టి బంగాళ దుంప ముద్దలో కలపాలి.
అందులో జీలకర్ర, ఉప్పు, కారం, మిరియాల పొడి, అల్లం, కొత్తిమీర, పుదీనా కలపాలి.
ఈ మిశ్రమాన్ని చిన్న చిన్న ఉండలు చేసి కొద్దిగా అదమాలి.
వీటిని పెనంమీద నూనెతో కాల్చుకుని పైన చాట్‌ మసాలా చల్లాలి.

బేల్ పూరి

1/3/2014

కావలసిన పదార్థాలు
మరమరాలు - 100 గ్రాములు,
టమాటాలు - 10 గ్రాములు,
ఉల్లిగడ్డ - 1,
కొత్తిమీర - 1 కట్ట,
కట్టామీటా చట్నీ - టేబుల్‌ స్పూన్‌,
కారం - 3 గ్రాములు,
చాట్‌ మసాలా - 3 గ్రాములు,
నిమ్మరసం - 2 టేబుల్‌ స్పూన్లు,
సేవ్‌ - 20 గ్రాములు
ఉప్పు - తగినంత

తయారీ విధానం

ఉల్లిగడ్డ, టమాట, పచ్చిమిర్చి బాగా సన్నగా తరగాలి.
ఓ గిన్నెలో కట్టామీటా చట్నీ, ఉప్పు, కారం, చాట్‌మసాలా కలపాలి.
అందులోనే మరమరాలు, తరిగిన ఉల్లిపాయ, టమాటా, పచ్చిమిర్చి ముక్కలు, నిమ్మరసం వేసి బాగా కలిసేటట్టు తిప్పాలి.
చివర్లో సేవ్‌, కొత్తిమీర తరుగు చల్లుకుంటే చాలు.

రాగి పిండి బిస్కెట్స్‌

12/25/2013

కావలసిన వస్తువులు:
ఓట్స్‌- 100గ్రాములు,
రాగివిండి- 50గ్రాములు,
వాము - కొద్దిగా,
చక్కెర - 2 టేబుల్‌ స్పన్‌,
ఉప్పు - 1/2 టీస్పూన్‌
వెన్న - 1 టీస్పూన్‌

తయారుచేసే విధానం:
ఓట్స్‌ కాస్త్త వెన్న వేసి వేయించి పొడి చేసుకుని, అందులో రాగి పిండి వాము, ఉప్పు, చక్కెర వేసి కాస్తనీరు చిలకరించి పిండి కలిపి చపాతి లాగా రుద్ది షేప్‌లో కట్‌ చేసుకుని ఓవెన్లో 15ని పాటు 45 డిగ్రీల వద్ద బేక్‌ చేసుకుంటే మంచి కరకరలాడే టేస్టీ ఓట్స్‌ - రాగిపిండి బిస్కెట్స్‌ తయారవుతాయి. ఇవి చాల రుచిగా ఉంటాయి. ఓవెన్‌ లేనివారు కుక్కర్‌లో ఇసుక వేసి అందులో ఒక ప్లేట్ మీద బిస్కెట్స్‌ పెట్టి గ్యాస్‌కెట్‌ లేకుండ మూత పెట్టి సన్నని మంటమీద 15 నిలు వేడిచేసుకోవాలి. బిస్కెట్స్‌ రెడీ అవుతాయి.

మూలం : సూర్య దినపత్రిక

పనీర్ పాలకూర బాల్స్

12/19/2013

కావలసిన పదార్థాలు :
బ్రెడ్‌ముక్కలు-పది,
పాలకూర-కట్ట
అల్లం,పచ్చిమిర్చిముద్ద-అరచెంచా,
వెల్లుల్లి ముద్ద-అరచెంచా
గరంమసాలా-అరచెంచా,
నిమ్మరసం-చెక్క
ఉప్పు-రుచికి తగినంత,
పనీర్‌-150 గ్రా.

మారినేషన్‌ కోసం
నిమ్మరసం-చెంచా,
అల్లం,పచ్చిమిర్చి ముద్ద-అరచెంచా
వెల్లుల్లిముద్ద-అరచెంచా,
మిరియాల పొడి-పావుచెంచా
మొక్కజొన్న పిండి-తగినంత,
నూనె-వేయించడానికి తగినంత

తయారుచేసే విధానం

మొక్కజొన్న పిండి, నూనె కాకుండా మిగతా మారినేషన్‌ పదార్థాలు, పనీర్‌ను గిన్నెలోకి తీసుకుని కలిపి పెట్టుకోవాలి.
తరువాత పాలకూరను శుభ్రంగా కడిగి, సన్నగా తరిగి పెట్టుకోవాలి.
ఇప్పుడు బ్రెడ్‌ముక్కల చివర్లు తీసేసి అందులో అల్లం, పచ్చిమిర్చి, వెల్లుల్లి ముద్ద, గరంమసాలా, ఉప్పు, నిమ్మరసం అన్నీ కలిపి పెట్టుకోవాలి.
అందులో పాలకూర తరుగు, మారినేట్‌ చేసిన పనీర్‌ మిశ్రమాన్ని కొద్దికొద్దిగా చేర్చుతూ బాగా కలపాలి.
బాణలిలో నూనెపోసి పొయ్యిమీద పెట్టాలి. వేడయ్యాక మిశ్రమాన్ని ఉండల్లా చేసుకుని వేయించుకోవాలి.
బాగా వేగాక దించేస్తే పనీర్‌ పాలకూర బాల్స్‌ సిద్ధమయినట్టే. వీటిని చల్లటి సాయంత్రం వేళ టమాటాసాస్‌తో కలిపి తింటే బాగుంటాయి.

ఎగ్ బాల్స్

12/15/2013

కావలసినవి:
ఉడికించిన గుడ్లు - నాలుగు,
గుడ్డు - ఒకటి,
బ్రెడ్ క్రంబ్స్ - వందగ్రాములు,
వెల్లుల్లి - నాలుగు,
పచ్చిమిర్చి - రెండు (సన్నగా తరిగి),
ఉప్పు - ఒక టీస్పూన్,
నూనె- వేగించడానికి సరిపడా.

తయారీ:
ఒక గిన్నెలో కోడిగుడ్డు సొన కార్చి అందులోనే బ్రెడ్ క్రంబ్స్, వెల్లుల్లి, పచ్చిమిర్చి ముక్కలు, ఉప్పు వేసి కలపాలి.
ఆ తరువాత ఈ మిశ్రమాన్ని నాలుగు సమభాగాలుగా చేయాలి.
చేతులకి నూనె పూసుకుని ఒక్కో భాగాన్ని గుండ్రంగా ఆలు పాటీల్లా చేయాలి. ఒక్కో పాటీ మధ్యలో ఉడికించిన గుడ్డుని ఉంచి గుడ్డు బయటకి కనిపించకుండా దాని చుట్టూరా ఆ మిశ్రమం సర్దాలి.
పైపూత ఎండిపోకుండా ఉండేందుకు వీటిని గిన్నెలో ఉంచి మూతపెట్టాలి. అన్ని గుడ్లకి పూత పూయడం అయ్యాక కళాయిలో నూనె వేడిచేసి గుడ్లను ముదురు ఎరుపు రంగు వచ్చే వరకు వేగించాలి. ఎగ్ బాల్స్ రెడీ.

గోబీ పకోడీ

12/5/2013

కావలసిన పదార్థాలు :
కాలీఫ్లవర్ - 1,
మిరియాల పొడి - 2 స్పూన్స్,
శనగపిండి - 4 స్పూన్స్,
కార్న్‌ఫ్లోర్ - ఒక స్పూన్,
పచ్చిమిరపకాయలు - 2,
వెల్లుల్లిపాయలు - 3 రెబ్బలు,
జీలకర్ర - ఒక టీ స్పూన్ ,
ఇంగువ - అర టీ స్పూన్,
పసుపు - ఒక టీ స్పూన్,
కారం - ఒక టీ స్పూన్,
కొత్తిమీర - ఒక కట్ట,
ఉప్పు, నూనె - తగినంత

తయారు చేసే విధానం :

కాలీఫ్లవర్‌ని చిన్న ముక్కలుగా కట్ చేసి అందులో మిరియాలపొడి, ఉప్పు వేసి కలపాలి.
పచ్చిమిరపకాయలను, వెల్లుల్లిపాయలను మిక్సీ చేయాలి. దీన్ని కాలీఫ్లవర్‌లో కలుపుకోవాలి.
దీంట్లో శనగపిండి, కార్న్‌ఫ్లోర్, జీలకర్ర, ఇంగువ, పసుపు, కారం, కొత్తిమీర, ఉప్పు వేసి కలపాలి.
ఇప్పుడు కడాయిలో నూనె పోసి ఒక్కో ముక్కను నూనెలో వేసి బాగా వేయించి తీయాలి. వేడి.. వేడి పకోడీ మీ ముందుంటుంది.

సర్వపిండి

11/21/2013

కావలసినవి:
బియ్యప్పిండి - 3 కప్పులు;
నువ్వుపప్పు, పల్లీలు, ఉల్లికాడల తరుగు - పావు కప్పు చొప్పున;
ఉల్లితరుగు - అర కప్పు;
వెల్లుల్లి తరుగు - టీ స్పూను;
కొత్తిమీర తరుగు - 2 టేబుల్‌స్పూన్లు;
కరివేపాకు తరుగు - టేబుల్ స్పూను;
పచ్చిమిర్చి తరుగు - టీ స్పూను;
ఉప్పు - తగినంత;
కారం - కొద్దిగా;
నూనె - డీప్ ఫ్రైకి సరిపడా;
పుట్నాలపప్పు, నానబెట్టిన శనగపప్పు, క్యారట్ తురుము - పావు కప్పు చొప్పున;
ధనియాలు, అల్లం రసం - టీ స్పూను చొప్పున.

తయారి:

నువ్వుపప్పు, పల్లీలను విడివిడిగా సుమారు గంటసేపు నానబెట్టాలి. ఉల్లితరుగును మిక్సీ పట్టాలి (మరీ మెత్తగా అవ్వకూడదు) ఒక పెద్ద పాత్రలో బియ్యప్పిండి, నానబెట్టి వడకట్టిన నువ్వుపప్పు, పల్లీలు, ఉప్పు, పచ్చిమిర్చితరుగు, కారం, వెల్లుల్లితరుగు, ఉల్లికాడల తరుగు, కరివేపాకు తరుగు, కొత్తిమీర తరుగు, ఉల్లితరుగు, పుట్నాలపప్పు, నానబెట్టిన శనగపప్పు, క్యారట్ తురుము వేసి బాగా కలపాలి.
కొద్దిగా నీరు జత చేసి పిండి గట్టిగా ఉండేలా కలపాలి.
పిండిని చిన్న ఉండలా చేతిలోకి తీసుకుని, నూనె రాసిన ప్లాస్టిక్ కవర్ మీద చేతి వేళ్లతో పల్చగా అద్దాలి.
ఇలా మొత్తం పిండినంతా తయారుచేసుకుని పక్కన ఉంచుకోవాలి. బాణలిలో నూనె వేడయ్యాక, ఒత్తి ఉంచుకున్నవాటిని ఒకటొకటిగా వేస్తూ బాగా వేగిన తరువాత తీసేయాలి.

గోబీ మంచురియా

11/16/2013

కావలసిన పదార్థాలు :
కాలీఫ్లవర్ - 1,
మైదా - 3/4 కప్పు,
అల్లం వెల్లుల్లి పేస్ట్ - 1 1/2 స్పూన్స్,
కార్న్‌ఫ్లోర్ - ఒక స్పూన్,
ఆలుగడ్డ - 1,
ఉల్లిగడ్డ -1,
అజినామొటో - పావు టీ స్పూన్,
పచ్చిమిరపకాయలు - 2,
టమాటా సాస్ - 2 స్పూన్స్,
సోయాసాస్ - 2 స్పూన్స్,
కొత్తిమీర - అర కట్ట,
నూనె, ఉప్పు - తగినంత

తయారు చేసే విధానం :

గోబీని కడిగి చిన్న ముక్కలుగా కట్ చేయాలి.
ఒక గిన్నెలో మైదా, కార్న్‌ఫ్లోర్, ఉప్పు, నీళ్లు పోసి కలిపి పేస్ట్‌లా చేయాలి. ఇందులో కొద్దిగా అల్లం వెల్లుల్లి పేస్ట్ వేసి కలపాలి.
కడాయిలో నూనె పోయాలి. కలిపి పెట్టుకున్న మిశ్రమంలో గోబీ ముక్కలను ఒక్కొక్కటిగా ముంచి నూనెలో బంగారు రంగు వచ్చే వరకు వేయించి పక్కన పెట్టాలి.
ఇప్పుడు మరో కడాయిలో కొద్దిగా నూనె పోసి అల్లం, వెల్లుల్లి పేస్ట్, ఉల్లిగడ్డ, పచ్చిమిరపకాయలు వేసి బాగా వేగనివ్వాలి. ఇందులో అజినామొటో, సోయాసాస్, టమాటా సాస్ వేసి కలపాలి.
ఐదు నిమిషాల తర్వాత వేయించుకున్న గోబీని ఇందులో వేసి మరికాసేపు కలియబెట్టాలి. చివరగా కొత్తిమీర వేసి దించేయాలి. గార్నిష్ చేసిన గోబీ మంచురియా మీ నోరూరించక మానదు!

టమోటా బజ్జీ

11/15/2013

కావలసిన పదార్థాలు :

టమోటాలు : నాలుగు
బంగాళ దుంపలు : రెండు
ఉల్లిపాయ : ఒకటి,
కరివేపాకు : ఒక రెబ్బ
ఆవాలు, జీలకర్ర : ఒక టీ స్పూను
కారం : రెండు టీ స్పూన్లు
పచ్చిమిరపకాయలు : రెండు
పసుపు : చిటికెడు
శెనగపిండి : రెండు టేబుల్‌ స్పూన్లు
మొక్కజొన్న పిండి : రెండు టేబుల్‌ స్పూన్లు
వరి పిండి : ఒక టేబుల్‌ స్పూను
ఉప్పు : తగినంత
వంట సోడా : చిటికెడు
నూనె : సరిపడా

తయారు చేయు విధానం:

ముందుగా బంగాళా దుంపలతో కూర వండి పెట్టుకోవాలి. తర్వాత టమోటాల్ని శుభ్రంగా కడిగి మధ్యలో గాటు పెట్టి గుజ్జంతా తీసేయాలి. అందులో బంగాళ దుంప కూర పెట్టి పక్కన పెట్టుకోవాలి. మరో గిన్నెలో శెనగపిండి, వరిపిండి, మొక్కజొన్న పిండి, ఉప్పు, కారం, సోడా, సరిపడా నీళ్లు పోసి జారుగా కలుపుకోవాలి. ఇందులో ఆలు కూర కూర్చిన టమోటాల్ని ముంచి కాగుతున్న నూనెలో వేసి వేగించి తీసేయాలి.