Blog Archives - telugutaruni.weebly.com

పన్నీర్ పకోడి

9/29/2013

కావలసిన పదార్థాలు :
పన్నీర్ - అరకేజీ,
కారం - ఒకటిన్నర టీ స్పూన్స్,
ధనియాలపొడి - ఒక టీ స్పూన్,
శనగపిండి - 2 స్పూన్స్,
ఆమ్‌చూర్ - అర టీ స్పూన్,
గరం మసాలా - అర టీ స్పూన్,
పచ్చిమిరపకాయలు - 3,
నూనె, ఉప్పు - తగినంత
తయారు చేసే విధానం :
పన్నీర్‌ను చతురవూసాకారంలో చిన్న ముక్కలుగా కట్ చేసి పక్కన పెట్టుకోవాలి. పచ్చిమిరపకాయలను కట్ చేసి పేస్ట్ చేయాలి. ఇప్పుడు ఒక గిన్నెలో శనగపిండి వేసి అందులో ఉప్పు, కారం, ఆమ్‌చూర్, ధనియాలపొడి, గరం మసాలా, పచ్చిమిర్చి పేస్ట్ వేసి కలుపుకోవాలి. తర్వాత కొన్ని నీళ్ళు పోస్తూ ఉండలు కట్టకుండా కలపాలి. పిండి మరీ జారుగాకాకుండా చూసుకోవాలి. ఇప్పుడు కడాయిలో నూనె పోసి వేడి చేయాలి. నూనె కాగాక.. పన్నీర్ ముక్కలను శనగపిండి మిశ్రమంలో ముంచి వేయాలి. బంగారు వర్ణం వచ్చేవరకు కాల్చుకోవాలి. నోరూరించే పన్నీర్ పకోడి తినడానికి సిద్ధంగా ఉంటుంది.

పాలక్ పకోడి

9/28/2013

కావలసిన పదార్థాలు :
పాలకూర ఆకులు - 25
శనగపిండి - 10ఱగా.
బియ్యం పిండి - 2 స్పూన్స్
జీలకర్ర - అర టీ స్పూన్
వెల్లుల్లిపాయలు - 4
పచ్చిమిరపకాయలు - 2
బేకింగ్ సోడా - కొద్దిగా
కారం - ఒక టీ స్పూన్
ఉప్పు, నూనె - తగినంత

తయారు చేసే విధానం :
పాలకూర బాగా కడిగి కాడలను తీసేసి గాలికి ఆరబెట్టాలి. వెల్లుల్లిపాయలను, పచ్చిమిరపకాయలను పేస్ట్ చేసుకోవాలి. ఒక గిన్నెలో శనగపిండి, బియ్యం పిండి, ఉప్పు, కారం, బేకింగ్ సోడా, పచ్చిమిర్చి పేస్ట్, జీలకర్ర వేసి నీళ్ళు పోసి కలుపుకోవాలి. అయితే కలిపేటప్పుడు ఉండలు కట్టకుండా, నీళ్ళు ఎక్కువకాకుండా జాగ్రత్తపడాలి. కాసేపు ఈ మిశ్రమాన్ని పక్కకు ఉంచాలి. ఐదు నిమిషాల తర్వాత ఒకసారి మళ్ళీ కలపాలి. ఇలా చేయడం వల్ల పకోడీలు క్రిస్పీగా వస్తాయి. ఇప్పుడు కడాయిలో నూనె పోసి వేడయ్యాక ఒక్కో ఆకును తీసుకొని శనగపిండి మిశ్రమంలో ముంచి వేయాలి. లేత బంగారు వర్ణం వచ్చేవరకు కాల్చాలి. వేడి.. వేడి పాలక్ పకోడీ రెడీ!

మొక్కజొన్న బజ్జీ

9/27/2013

కావలసినవి :
బేబీకార్న్‌ పొత్తులు-8,
శనగపిండి-అరకప్పు
బియ్యప్పిండి-రెండు టీ స్పూన్లు,
వంటసోడా, పసుపు-చిటికెడు
ఉప్పు-తగినంత,
నూనె-వేయించడానికి సరిపడినంత
పచ్చిమిరపకాయలు-రెండు,
అల్లంముక్క-చిన్నది
వెల్లుల్లి రెబ్బలు-రెండు,
కొత్తిమీర-కొంచెం
వీటన్నిటిని మెత్తగా రుబ్బుకోవాలి.

తయారుచేసే విధానం :

శనగపిండిలో బియ్యప్పిండిని కలపాలి. తరువాత ఉప్పు, వంటసోడా, మసాలాముద్ద వేయాలి. తగినన్ని నీళ్లు పోసి మిరప లేదా అరటి బజ్జీ పిండిలాగ కలుపుకోవాలి.
బేబీకార్న్‌ ఒక్కొక్కటి రెండు లేదా మూడు ముక్కలు కోయాలి. ఆ ముక్కల్ని పిండిలో బాగా ముంచి తీసి నూనెలో ఎర్రగా వేయించాలి. ఈ బేబీ కార్న్‌ బజ్జీలను టమాటాసాస్‌ లేదా చిల్లీసాస్‌తో తింటే బాగుంటాయి.

చెక్కలు

9/25/2013

కావలసిన పదార్ధాలు:
బియ్యం పిండి - అరకిలో
ఉప్పు - తగినంత
పచ్చిమిరపకాయలు - రుచికి తగినన్ని (నూరినవి)
వెన్న - కావాలనుకుంటే
పచ్చి శనగ పప్పు - ఒక టేబుల్‌ స్పూన్‌ (నానబెట్టినవి)
నూనె - వేయించడానికి తగినంత
కరివేపాకు - ఒక కట్ట (తరిగినది)

తయారు చేసే విధానం:

బియ్యపు పిండి, ఉప్పు, నూరిన పచ్చి మిరపకాయలు, వెన్న, శనగపప్పు, కరివేపాకు అన్నింటినీ తగినంత నీళ్ళు వేసి కలపాలి. పిండి గట్టిగా ఉండాలి తప్ప జారుగా కాకూడదు. తర్వాత పిండిని ఒక అరగంట సేపు నాననివ్వాలి.
తర్వాత దానిని చిన్న చిన్న ఉండలుగా చుట్టుకొని ఒక పాలిథిన్‌ కవర్‌పై కాస్త నూనె రాసి చెక్కలను చేతులతో వత్తాలి.
పొయ్యి మీద బాణలిలో తగినంత నూనె పోసి చెక్కలను ముదురు గోధుమ రంగు వచ్చే వరకు వేగనివ్వాలి. వీటిని పిల్లలు ఇష్టంగా తింటారు. ఇవి నెలరోజుల వరకు నిల్వ కూడా ఉంటాయి.

మూలం : సూర్య దినపత్రిక

సమోసా రగడ

9/23/2013

కావలసిన పదార్థాలు
బఠాణీలు - 200 గ్రాములు,
ఉల్లిగడ్డ -1
మైదా - 100 గ్రాములు,
చాట్‌ మసాలా - 5 గ్రాములు
జీలకర్ర పొడి - 5 గ్రాములు,
కారం - 5 గ్రాములు
సేవ్‌ - 5 గ్రాములు,
బంగాళదుంప - 1
నూనె - సరిపడా,
ఉప్పు - తగినంత

తయారీ విధానం
బఠాణీలలో కొద్దిగా ఉప్పువేసి ఉడికించాలి. మైదా పిండిలో ఉప్పు, నీళ్లు కలిపి పూరీ పిండిలా కలుపుకోవాలి. దాన్ని చిన్న చిన్న ఉండలు చేసుకుని పూరీల్లా వత్తుకోవాలి. వాటిని త్రికోణాకృతితో మడిచి వేయించుకోవాలి. బంగాళదుంపను ఉడికించి మెత్తగా చేయాలి. ఉల్లిపాయ ముక్కలను నూనెలో వేయిచి, అందులో ఉడకించిన బఠాణీలు, బంగాళదుంప ముద్ద, ఉప్పు, కారం, జీలకర్ర పొడి, వేయించుకున్న పూరీలను పొడి చేసి వేయాలి. ఈ మిశ్రమాన్ని అడుగంటకుండా కలుపుతూ ఉండాలి. చివర్లో చాట్‌ మసాలా, సేవ్‌ చల్లుకోవాలి.

రైస్ పకోడి

9/20/2013

కావలసిన పదార్థాలు :
అన్నం - 2 కప్పులు
శనగపిండి - అరకప్పు
జీలకర్ర - పావు టీ స్పూన్
ఉల్లిగడ్డ - 1
కారం - ఒక టీ స్పూన్
ఉప్పు, నూనె - తగినంత

తయారు చేసే విధానం :
ఉల్లిపాయలను సన్నగా కట్ చేసుకోవాలి. ఒక గిన్నెలో శనగపిండి, కారం, ఉప్పు వేసి కొన్ని నీళ్ళు పోసి కలుపుకోవాలి. పిండి కాస్త గట్టిగా ఉండేట్లుగా చూడాలి. దీంట్లో ఉల్లిపాయ ముక్కలు, అన్నాన్ని వేసి బాగా కలపాలి. ఇప్పుడు కడాయిలో నూనె పోసి కాగాక పిండిని ముద్దలుగా చేసి నూనెలో వేసి వేయాలి. బంగారు రంగు వచ్చే వరకు వేయించాలి. హాట్.. హాట్‌గా రైస్ పకోడీలు లాగించేస్తే బాగుంటాయి.

మూలం : నమస్తే తెలంగాణ దినపత్రిక

ఎగ్ చాట్

9/18/2013

కావలసినవి:
ఉడికించిన గుడ్లు - ఐదు,
ఉల్లిపాయ - ఒకటి (సన్నగా తరిగి),
టొమాటో - ఒకటి (సన్నగా తరిగి),
మొలకెత్తిన గింజలు - పావు కప్పు,
బంగాళాదుంప - ఒకటి,
కొత్తిమీర తరుగు - రెండు టేబుల్ స్పూన్లు,
గ్రీన్ చట్నీ - ఒక టీస్పూన్,
చింతపండు చట్నీ - ఒకటిన్నరటేబుల్ స్పూన్,
పచ్చిమిర్చి- మూడు (సన్నగా తరిగి),
కారం - అర టీస్పూన్,
ఉప్పు - రుచికి సరిపడా.

తయారీ:

గుడ్లను చిన్న ముక్కలుగా కోయాలి.
బంగాళాదుంపని ఉడికించి పొట్టు తీసి పొడిపొడిగా నలపాలి.
కొత్తిమీర మినహాయించి మిగతా పదార్థాలన్నింటినీ ఒక గిన్నెలో వేసి బాగా కలపాలి.
దీనిపైన కొత్తిమీరను అలంకరించి తినేయాలి.

ఎగ్ కట్ లెట్స్

9/16/2013

కావలసినవి:
ఉడికించిన గుడ్లు - నాలుగు,
శెనగపిండి - రెండు టీస్పూన్లు,
చిన్న ఉల్లిపాయ - ఒకటి (సన్నగా తరిగి),
తెల్లసొన - ఒక గుడ్డు,
పుదీనా, కొత్తిమీర తరుగు - ఒక్కో టేబుల్ స్పూన్,
పచ్చిమిర్చి - రెండు (సన్నగా తరిగి),
కారం - పావు టీస్పూన్,
ఉప్పు - రుచికి సరిపడా,
నూనె - వేగించడానికి సరిపడా.
తయారీ:
పెంకు తీసి గుడ్లను తురమాలి. ఈ తురుములో నూనె మినహాయించి మిగతా పదార్థాలన్నింటినీ వేసి కలిపి ముద్దలా చేయాలి. ఈ ముద్ద నుంచి పన్నెండు ఉండలు చేయాలి. ఒక్కో ఉండను ఒత్తి గుండ్రటి కట్‌లెట్‌ల్లా చేసి పక్కన పెట్టుకోవాలి. కళాయిలో నూనె వేడిచేసి తయారుచేసుకున్న కట్‌లెట్‌లను ముదురు ఎరుపు రంగు వచ్చే వరకు వేగించాలి. కరకరలాడే ఈ కట్‌లెట్‌ల పైన సన్నగా, చక్రాల్లా కోసుకున్న ఉల్లిపాయల్ని అలంకరించి, పుదీనా చట్నీతో వేడివేడిగా తింటే రుచిగా ఉంటాయి.

ఎగ్ మంచూరియా

9/15/2013

కావలసినవి:
ఉడికించిన గుడ్లు - నాలుగు (పొట్టుతీసి),
సోయా, టొమాటో, చిల్లీ సాస్‌లు - ఒక్కో టేబుల్ స్పూన్,
బటర్ - రెండు టేబుల్ స్పూన్లు,
ఉల్లికాడలు - రెండు (సన్నగా తరిగి),
లవంగాలు - మూడు,
ఉప్పు - రుచికి సరిపడా.

తయారీ:
గిన్నె వేడిచేసి అందులో బటర్ కరిగించాలి. తరువాత సోయా, టొమాటో, చిల్లీ సాస్‌లతో పాటు లవంగాలు, గుడ్లు వేయాలి. గుడ్లను మధ్య మధ్యలో నెమ్మదిగా తిప్పుతూ ఐదునిమిషాలకు పైగా ఉంచాలి. గుడ్లు రంగు మారగానే బయటికి తీసి ఒక ప్లేట్‌లో పెట్టి పైన ఉల్లికాడల ముక్కలు చల్లి అలంకరించాలి. ఈ మంచూరియాని ఫ్రైడ్ రైస్ లేదా నూడిల్స్‌తో కలిపి తింటే మజాగా ఉంటుంది.

మొక్కజొన్నకర్రీ 65

9/12/2013

కావలసినవి
బేబీకార్న్‌ ముక్కలు-నాలుగు కప్పులు
శనగపిండి-ఒక కప్పు,
మైదాపిండి-ఒక కప్పు
ఉప్పు, కారం - తగినంత,
టమాటాసాస్‌-మూడు చెంచాలు
వెల్లులిరెబ్బలు-నాలుగు,
సన్నగా తరిగిన ఉల్లికాడ ముక్కలు-అరకప్పు
బీన్స్‌ ముక్కలు-పావు కప్పు,
కరివేపాకు-రెండు రెమ్మలు,
కొత్తిమీర -కొద్దిగా
నూనె-రెండు టేబుల్‌స్పూన్లు

తయారుచేసే విధానం
బేబీకార్న్‌ ముక్కల్ని ఉప్పు వేసిన నీళ్లలో ఉడికించి నీళ్లు వంపి వేయాలి. ఇప్పుడు మరో పాత్రలో శనగపిండి, మైదాపిండి తగినంత ఉప్పు, కారం వేసి నీటిని చేర్చి పిండిలా కలపాలి. ఇందులో బేబీకార్న్‌ ముక్కల్ని ముంచి కాగుతున్న నూనెలో వేయించాలి. మరొక పాత్రలో నాలుగు చెంచాల నూనె వేసి కరివేపాకు, వెల్లుల్లి తాలింపు పెట్టాలి. అందులో వేగిన బేబీకార్న్‌ ముక్కల్ని వేయాలి. తర్వాత వాటికి టమాటాసాస్‌ కొత్తిమీర తురుము చేర్చాలి. దీనికి ముందుగా ఉల్లికాడలు, బీన్స్‌ముక్కలు కూడా వేయాలి. వీటన్నిటిని ఐదునిమిషాల పాటు వేయిస్తే బేబీకార్న్‌ 65కర్రీ సిద్ధమవుతుంది.