నువ్వుల బొబ్బట్లు

కావలసిన పదార్థాలు :
తెల్ల నువ్వులు      -               2 కప్పులు 
బెల్లం తురుము     -              2 కప్పులు 
యాలకుల పొడి     -              ఒకటిన్నర టీస్పూన్లు 
జాజిపువ్వు పొడి    -              పావుటీస్పూన్
మైదా పిండి          -               ఒకటిన్నర కప్పులు 
నూనె లేదా నెయ్యి  -              వేయించడానికి సరిపడా 
ఉప్పు                  -              రుచికి సరిపడా 

తయారుచేసే పద్ధతి :

• మైదా పిండిలో ఉప్పు, కొద్దిగా నెయ్యి వేసి కలపాలి. తరువాత తగినన్ని నీళ్ళు పోసి, పూరీ పిండిలా కలిపి తడి బట్ట కప్పి ఉంచాలి.
  
• బాణలిలో నువ్వులు వేసి బంగారు వర్ణంలోకి వచ్చేవరకూ వేయించాలి.
  
• నువ్వులు చల్లారిన తరువాత బెల్లం తురుము వేసి రెండూ కలిపి మిక్సీ లో వేసి మెత్తగా చేయాలి. లేదా రోట్లో దంచినా మంచిదే.
  
• తరువాత యాలకుల పొడి, జాజిపువ్వు పొడి కూడా కలిపి ఉంచాలి.
  
• మైదా పిండిని చిన్న ఉండలుగా చేసుకొని పూరీలా వత్తి అందులో నువ్వుల మిశ్రమం పెట్టి బొబ్బట్లు మాదిరిగా వత్తాలి. ఇలాగే అన్నీ చేసుకొని నూనె లేదా నెయ్యి వేస్తూ పెనం మీద కాల్చి తీయాలి.
  

మూలం : ఈనాడు ఆదివారం పుస్తకం 

---