కోవా నువ్వుల లడ్డు

కావలసిన పదార్థాలు :


కోవా                -            2 కప్పులు
నువ్వులు         -            ఒకటిన్నర కప్పులు
పంచదార పొడి   -            రుచికి సరిపడా
కుంకుమ పువ్వు -           చిటికెడు 
బాదం,పిస్తా         -          సరిపడా 

తయారుచేసే పద్ధతి :

• మందపాటి గిన్నెలో కోవా వేసి తక్కువ మంట మీద లేత బంగారు వర్ణంలోకి మారేవరకు వేయించి దించి చల్లార్చాలి.
  
• తరువాత విడిగా మరో బాణలిలో నువ్వులు వేసి వేయించి మరీ మెత్తగా కాకుండా పొడి చేయాలి.
  
• ఈ పొడిని వేయించి ఉంచిన కోవాలో కలపాలి. మిశ్రమం కాస్త వేడి తగ్గి గోరువెచ్చగా ఉన్న దశలోనే పంచదార పొడి వేసి బాగా కలిపి ఉండలు చుట్టాలి. వీటికి కుంకుమపువ్వు, బాదం, పిస్తా పప్పుల్ని అలంకరించి అందించాలి.

మూలం : ఈనాడు ఆదివారం పుస్తకం   

---