మినీ కాజా

కావలసిన పదార్థాలు :
మైదా పిండి           -           కప్పు 
నూనె                   -            వేయించడానికి సరిపడా 
నెయ్యి                  -            2 టేబుల్ స్పూన్లు 
బేకింగ్ పౌడర్         -            పావు టీస్పూన్ 
పంచదార             -            కప్పు 
బియ్యప్పిండి         -            3 టీస్పూన్లు 

తయారుచేసే పద్ధతి :

• మైదా పిండిలో బేకింగ్ పౌడర్, తగినన్ని నీళ్ళు పోసి చపాతీ పిండిలాగా కలుపుకోవాలి.
  
• పంచదారలో సుమారు ముప్పావు కప్పు నీళ్ళు పోసి లేతపాకం రానిచ్చి పక్కన పెట్టుకోవాలి.
  
• బియ్యప్పిండిలో కరిగించిన నెయ్యి వేసి కలిపి పక్కన ఉంచాలి.
  
• చపాతీ పిండిని ఉండలుగా చేసుకొని పలుచని రొటీలాగా చేసుకోవాలి. ఇప్పుడు బియ్యప్పిండిని రోటిమీద పరిచినట్లుగా చల్లాలి.
  
• తరువాత రోటీని చాపలా చుట్టాలి. తరువాత దీన్ని అంగుళం వెడల్పులో ముక్కలుగా కోసి వీటిని వేళ్లతో కొద్దిగా నొక్కాలి. ఇలాగే అన్నీ చేసి నూనెలో వేయించి తీసి పాకంలో వేసి ఓ 20 నిమిషాలు ఉంచ తీయాలి.
  

మూలం : ఈనాడు ఆదివారం పుస్తకం 

---