బొప్పాయి హల్వా

కావలసిన పదార్థాలు :
బొప్పాయి పండు ముక్కలు - ఒక కప్పు,
పంచదార - మూడు టేబుల్ స్పూన్లు,
పాలు - 50 మిల్లిలీటర్లు,
నెయ్యి - ఒక టీస్పూన్,
జీడిపప్పులు - నాలుగు.



తయారుచేసే పద్ధతి :

• బొప్పాయి ముక్కల్ని మెత్తటి గుజ్జులా చేసుకోవాలి.
• కళాయిలో నెయ్యి వేడిచేసి జీడిపప్పులు వేగించి పక్కన పెట్టాలి. తరువాత అందులోనే బొప్పాయి గుజ్జు వేసి వేగించాలి.
• గుజ్జు ఎరుపు రంగుకు రాగానే పంచదార వేసి బాగా కలిపి పాలు పోసి మంట పెంచి ఉడికించాలి. మధ్యమధ్యలో కదుపుతుండాలి.
• మిశ్రమం చిక్కపడగానే స్టవ్ మీద నుంచి కళాయి దింపి జీడిపప్పుతో అలంకరించి తినేయడమే.

---