గుమ్మడి రవ్వ కేసరి

కావలసినవి
ఉప్మా రవ్వ - 1 కప్పు
పంచదార - 3/4 కప్పు
గుమ్మడికాయ తురుము -  3/4 కప్పు
నెయ్యి - 5 చెంచాలు
యాలకుల పొడి - 1  టీ.స్పూ.
ఎల్లో కలర్ - చిటికెడు
జీడిపప్పు - 10-15  (అలంకరణకు)

తయారు చేసేదిలా

• పాన్‌లో రెంచు చెంచాల  నెయ్యి వేడి చేసి రవ్వను  దోరగా వేయించుకోవాలి.
• ఒక  గినె్నలో మూడు కప్పుల  నీరు మరిగించి  గుమ్మడికాయ తురుము  వేసి చిన్న మంటమీద  ఉడికించాలి. గుమ్మడికాయ బాగా ఉడికిన తర్వాత  గరిటతో మెదపాలి. (గుమ్మడి  ముక్కలను మిక్సీలో మెత్తగా  గ్రైండ్ చేసి కూడా  వాడుకోవచ్చు).
• ఇందులో  వేయించిన రవ్వ మెల్లగా  వేస్తూ ఉండలు కట్టకుండా  వేగంగా కలుపుతూ ఉండాలి.
• తర్వాత పంచదార,  యాలకుల పొడి, మిగిలిన  నెయ్యి వేసి కలపాలి. మొత్తం  మిశ్రమం ఉడికి దగ్గర పడ్డ  తర్వాత నెయ్యి రాసిన పళ్లెంలో వేసి సమానంగా  పరిచి జీడిపప్పుతో  అలంకరించాలి. చల్లారిన  తర్వాత ముక్కలుగా కట్  చేసుకోవాలి.

---