డబుల్ కా మీఠా

కావలసిన పదార్థాలు :
బ్రెడ్ స్లైసులు      - 6; 
పాలు                - ఒకటిన్నర కప్పులు; 
పంచదార          - ఒక కప్పు; 
కిస్‌మిస్            - పావు కప్పు 
నెయ్యి               - రెండు కప్పులు; 
కుంకుమపువ్వు - కొద్దిగా
బాదంపప్పులు   - 10; 
ఏలకులపొడి             - అర టీ స్పూను
వేయించిన జీడిపప్పు - అర కప్పు; 
పచ్చికోవా                 - కప్పు

తయారుచేసే పద్ధతి:

• ఒక పాత్రను స్టౌ మీద ఉంచి, పాలు, ఏలకుల పొడి (సగం), కుంకుమపువ్వు వేసి 20 నిముషాలు ఉడికించాలి.
  
• స్టౌ మీద పాన్ ఉంచి అందులో కొద్దిగా నెయ్యి వేసి కరిగాక బ్రెడ్‌ముక్కలను గోధుమరంగు వచ్చేవరకు వేయించాలి.
  
• మరొక పాత్రలో పంచదార, నీరు, రెండు ఏలకులు దంచిన పొడి వేసి తీగ పాకం వచ్చాక అందులో పాల మిశ్రమం, బ్రెడ్ ముక్కలు వేసి దగ్గర పడేవరకు ఉడికించాలి.
  
• పచ్చికోవా, నెయ్యి వేసి రెండు నిముషాలు ఉడికించి దించేయాలి.
  
• జీడిపప్పు, బాదంపప్పు, కిస్‌మిస్‌లతో గార్నిష్ చేయాలి.
  

మూలం : సాక్షి దినపత్రిక

---