కొబ్బరి కోరు చపాతీ

కావలసిన పదార్థాలు :
గోధుమ పిండి      -              250 గ్రా.
చక్కెర               -              150 గ్రా.
యాలకులు         -              5
పచ్చికొబ్బరి        -              3 చిన్న ముక్కలు 
ఉప్పు                -               తగినంత 





తయారుచేసే పద్ధతి :

• చపాతీ అనగానే ఇదేదో నూనెతో చేసే వంట అనుకుంటే పొరపాటే. అయితే దీనిలో మచ్చుకైన నూనె కనిపించదు. 
  
• మొదట గోధుమ పిండిలో తగినంత ఉప్పు, నీళ్ళు చేర్చి పిండిలా కలుపుకొని అర గంట పాటు నానబెట్టాలి. తర్వాత చిన్న చిన్న ఉండలుగా చేసుకొని చపాతీల్లా చేసుకోవాలి. 
• ఇప్పుడు స్టవ్ మీద బాణలి పెట్టి అందులో నీటిని మరగపెట్టి అందులో ఒక్కొక్కటిగా ఈ చపాతీలను వేయాలి. ఇవి బాగా ఉడికిన తర్వాత నీటిలో తేలుతాయి. ఆ తర్వాత నీటిలో నుంచి వాటిని వేరుచేసి, ఆరబెట్టిన తర్వాత వాటిపై పచ్చి కొబ్బరి తురుము, చక్కెర, యాలకుల పొడిని చల్లుకొని తింటే ఎంతో రుచిగా ఉంటాయి. 
  

మూలం : సాక్షి దినపత్రిక 

---