Blog Archives - telugutaruni.weebly.com

తీపి అప్పం

5/30/2013

కావలసిన పదార్థాలు :
బియ్యం - కప్పు
కొబ్బరి తురుము - ముప్పావు కప్పు
అటుకులు - ముప్పావు కప్పు
బెల్లం తురుము - ఒకటిమ్బావు కప్పు
కొబ్బరి పాలు - ముప్పావు కప్పు
ఉప్పు - చిటికెడు
మిఠాయి రంగు - చిటికెడు
నెయ్యి - సరిపడా

తయారుచేసే పద్ధతి :

ముందుగా బియ్యం కడిగి రెండు మూడు గంటలు నానబెట్టాలి. తర్వాత నీళ్ళు వంపేసి దాంట్లో కొబ్బరి తురుము, అటుకులు కలిపి మెత్తగా రుబ్బాలి.
తరువాత ఈ మిశ్రమంలో కొబ్బరి పాలు, బెల్లం తురుము, ఉప్పు, మిఠాయి రంగు కలపాలి. ఇప్పుడు ఈ మొత్తం మిశ్రమాన్ని సుమారు పది గంటలపాటు పులియనివ్వాలి.
ఇప్పుడు ఈ పిండిని నెయ్యి రాసిన పొంగానాల ప్లేటులో వేసి కాల్చి తీయాలి.

మూలం : ఈనాడు ఆదివారం పుస్తకం

మూగర్ పులీ

5/30/2013

కావలసిన పదార్థాలు :
పెసర పప్పు - కప్పు
బియ్యప్పిండి - 2 టేబుల్ స్పూన్లు
బెల్లం తురుము - ముప్పావు కప్పు
చిలగడదుంపలు - 3
నెయ్యి - సరిపడా
యాలకుల పొడి - అరటీస్పూన్

తయారుచేసే పద్ధతి :

బాణలిలో పెసర పప్పును వేసి ముదురు రంగులోకి మారే వరకు వేయించాలి. తరువాత అందులోనే రెండు కప్పుల వేడి నీళ్ళు పోసి మెత్తగా ఉడికించాలి.
చిలగడదుంపలు ఉడికించి పొట్టు తీసి మెత్తగా మెదపాలి. ప్రెషర్ పాన్ లో 3 టేబుల్ స్పూన్ల నెయ్యి వేసి ఉడికించిన పెసర పప్పు వేసి కాసేపు వేయించాలి. తరువాత బియ్యప్పిండి, బెల్లం తురుము వేసి బాగా కలపాలి. బెల్లం కరిగే వరకు ఉడికించాలి. ఇప్పుడు చిలగడదుంపలు కూడా వేసి మిశ్రమం చిక్కబడే వరకు ఉంచి దించాలి.
ఇప్పుడు యాలకులపొడి చల్లి చల్లారనివ్వాలి. చల్లారిన తర్వాత చేతులకు నెయ్యి రాసుకొని మిశ్రమాన్ని కోలాకారంలో చేసుకోవాలి. వీటినే పులీలు అంటారు.
బాణలీలో నెయ్యి వేసి కాగాక ఈ పులీలను వేయించి తీయాలి.

మూలం : ఈనాడు ఆదివారం పుస్తకం

బీట్ రూట్ పాయసం

5/30/2013

కావలసిన పదార్థాలు :
బీట్ రూట్ - ఒకటి (పెద్దది)
పంచదార - కప్పు
పాలు - 4 కప్పులు
జీడిపప్పు - 10
యాలకుల పొడి - అరటీస్పూన్
నెయ్యి - 2 టీస్పూన్లు

తయారుచేసే పద్ధతి :

బీట్ రూట్ తొక్కు తీసి ఓ సారి కడగాలి. తర్వాత ప్రెషర్ కుక్కర్ లో పెట్టి ఉడికించాలి. బయటకు తీసాక మిక్సర్ లో వేసి మెత్తని ముద్దలా చేయాలి.
చిన్న బాణలిలో కొద్దిగా నెయ్యి వేసి జీడిపప్పు వేయించాలి.
మందపాటి బాణలిలో పాలు పోసి చక్కెర వేసి కరిగించాలి. ఇప్పుడు బీట్ రూట్ ముద్దను వేసి ఉడికించాలి. పాలు బాగా మరిగిన తర్వాత యాలకుల పొడి వేసి దించాలి. ఇప్పుడు నేతిలో వేయించిన జీడిపప్పు కూడా వేసి అందించాలి.

మూలం : ఈనాడు ఆదివారం పుస్తకం

బీట్ రూట్ హల్వా

5/30/2013

కావలసిన పదార్థాలు :
బీట్ రూట్ - అరకిలో (తురమాలి)
పాలు - అర లీటర్
కోవా - 100 గ్రా.
పంచదార - రుచికి సరిపడా
గసగసాలు - 2 టీస్పూన్లు
పిస్తా, బాదం - తగినన్ని

తయారుచేసే పద్ధతి :

స్టవ్ మీద పాన్ పెట్టి పాలు, బీట్ రూట్ తురుము వేసి కలుపుతూ ఉడికించాలి. బీట్ రూట్ పచ్చి వాసనా పోయేదాకా, పాలు అన్నీ ఆవిరై పోయేదాకా ఉడికించి కోవా, పంచదార వేసి ఉడికించాలి.
పంచదార కరిగిపోయి హల్వాలో కలిసిపోయిన తర్వాత గసగసాలు కూడా వేస్ కలపాలి. చివరగా ఇష్టమైతే కాస్త నెయ్యి, పిస్తా, బాదం పప్పులు వేసి కలిపి అందించాలి.

మూలం : ఈనాడు ఆదివారం పుస్తకం

ఖీర్ మోహన్

5/28/2013

కావలసిన పదార్థాలు :
పన్నీర్ తురుము - 2 కప్పులు
కోవా - అర కప్పు
బాదం,పిస్తా,జీడిపప్పు, కిస్మిస్ - అరకప్పు
యాలకుల పొడి - అరటీస్పూన్

పాకం కోసం :
పంచదార - 4 కప్పులు
మంచి నీళ్ళు - 4 కప్పులు
కుంకుమ పువ్వు - కొద్దిగా
యాలకులపొడి - అరటీస్పూన్

తయారుచేసే పద్ధతి :

నట్స్ అన్నింటినీ చిన్న ముక్కలుగా చేయాలి. కోవాలో నట్స్ ముక్కలు, యాలకుల పొడి కలిపి పక్కన ఉంచుకోవాలి.
పన్నీర్ ను మెత్తగా చేసి కావలసిన ఆకారంలో అంటే గుండ్రంగా లేదా కోలాకారంలో గానీ చేయాలి. ఒక్కో ఉండ మధ్యలో గుంతలా చేసి నట్స్ మిశ్రమాన్ని అరటీస్పూన్ చొప్పున వేసి మూసేయాలి.
మందపాటి గిన్నెలో పంచదార, మంచి నీళ్ళు పోసి మరిగించాలి. సుమారు పావు గంట సేపు మరిగిన తరువాత పన్నీర్ ఉండల్ని పాకంలో వేయాలి. ఇప్పుడు మూతపెట్టి సిమ్ లో మరో పదిహేను నిముషాలు ఉడికించి దించాలి. ఆరిన తర్వాత వడ్డించాలి.

మూలం : ఈనాడు ఆదివారం పుస్తకం

ఫ్రూట్ బాదం హల్వా

5/28/2013

కావలసిన పదార్థాలు :
బాదం - 100 గ్రా.
బొప్పాయి - ఒకటి (మీడియం సైజ్ )
అరటిపండ్లు - రెండు
ఆపిల్ పండ్లు - రెండు
కండెన్స్ డ్ మిల్క్ - 100 గ్రా.
పంచదార - 5 టేబుల్ స్పూన్లు
నెయ్యి - 3 టేబుల్ స్పూన్లు
చిక్కని మీగడ పాలు - అర లీటర్
జీడిపప్పు, కిస్మిస్ - కొద్దికొద్దిగా

తయారుచేసే పద్ధతి :

వేడినీళ్ళలో బాదం పప్పులు వేసి 15 నిముషాలు నాననివ్వాలి. తరువాత పొట్టు తీయాలి.బొప్పాయి పొట్టు కూడా తీసి సన్నగా తరిగి బాదం పప్పుతో పాటు కలిపి మెత్తగా రుబ్బాలి. తరువాత ఈ మిశ్రమంలో పావు లీటర్ పాలు పోసి కలిపి పక్కన పెట్టాలి.
మందపాటి బాణలిలో మిగిలిన పాలు పోసి మరిగించాలి. తరువాత సిమ్ లో పెట్టి బొప్పాయి,బాదం మిశ్రమాన్ని వేసి కలిపి ఓ రెండు నిముషాలు ఉంచాలి. ఇప్పుడు సన్నగా తరిగిన ఆపిల్, అరటి పండ్ల ముక్కలు వేసి కలుపుతూ ఉండాలి. మిశ్రమం చిక్కబడ్డాక పంచదార, కండెన్స్ డ్ మిల్క్ వేసి కలపాలి. తరువాత నెయ్యి కూడా వేసి ఉడికించాలి. మిశ్రమం బాగా చిక్కబడింది అనుకున్నాక దించాలి. చల్లారాక నేతిలో వేయించిన కిస్మిస్, జీడిపప్పు,బాదంతో అలంకరించి అందించాలి.

మూలం : ఈనాడు ఆదివారం పుస్తకం

కోవా నువ్వుల లడ్డు

5/28/2013

కావలసిన పదార్థాలు :

కోవా - 2 కప్పులు
నువ్వులు - ఒకటిన్నర కప్పులు
పంచదార పొడి - రుచికి సరిపడా
కుంకుమ పువ్వు - చిటికెడు
బాదం,పిస్తా - సరిపడా

తయారుచేసే పద్ధతి :

మందపాటి గిన్నెలో కోవా వేసి తక్కువ మంట మీద లేత బంగారు వర్ణంలోకి మారేవరకు వేయించి దించి చల్లార్చాలి.
తరువాత విడిగా మరో బాణలిలో నువ్వులు వేసి వేయించి మరీ మెత్తగా కాకుండా పొడి చేయాలి.
ఈ పొడిని వేయించి ఉంచిన కోవాలో కలపాలి. మిశ్రమం కాస్త వేడి తగ్గి గోరువెచ్చగా ఉన్న దశలోనే పంచదార పొడి వేసి బాగా కలిపి ఉండలు చుట్టాలి. వీటికి కుంకుమపువ్వు, బాదం, పిస్తా పప్పుల్ని అలంకరించి అందించాలి.

మూలం : ఈనాడు ఆదివారం పుస్తకం

ఆపిల్ పాయసం

5/28/2013

కావలసిన పదార్థాలు :

ఆపిల్ పండ్లు - 2
కండెన్స్ డ్ మిల్క్ - 200 గ్రా.
పాలు - 2 కప్పులు (కాచి చల్లార్చి ఫ్రిజ్ లో పెట్టినవి)
బాదం,పిస్తా,కుంకుమ పువ్వు - రుచికి సరిపడా

తయారుచేసే పద్ధతి :

ముందుగా కండెన్స్ డ్ మిల్క్ లో పాలు కలపాలి.
ఆపిల్ పండ్ల తోకకు తీసి గ్రేటర్ తో సన్నగా తురిమి పాలమిశ్రమంలో కలపాలి.
చివరగా బాదం,పిస్తా పప్పుల్ని సన్నగా తురిమి వేయాలి. కుంకుమ పువ్వు చల్లి అందించాలి. తాగే తీపిని బట్టి కాస్త పంచదార కూడా కలుపుకోవచ్చు.

మూలం : ఈనాడు ఆదివారం పుస్తకం

ఖర్జూర పాయసం

5/27/2013

కావలసిన పదార్థాలు:
పండు ఖర్జూరాలు - పది
పాలు - అర కప్పు
గోధుమ రవ్వ - అర కప్పు
చక్కెర - పావు కప్పు
టూటీ ఫ్రూటీ - అర కప్పు
సపోటా పండ్లు - నాలుగు
నెయ్యి - పావు కప్పు
తయారు చేసే పద్ధతి:

ఖర్జూరాలను సన్నగా తరిగి కొద్దిగా మంచినీళ్లు పోసి ఐదు నిమిషాలు ఉడికించి తీసి అందులో చక్కెర కలిపి గ్రైండ్ చేసి పెట్టుకోవాలి. గోధుమ రవ్వలో ఒక కప్పు నీళ్లు పోసి పది నిమిషాల పాటు నాననివ్వాలి. పాలు మరుగుతుండగా నానబెట్టిన గోధుమ రవ్వవేసి అడుగంటకుండా కొద్దిసేపు కలపాలి. అందులో ఖర్జూరం గుజ్జు, సపోటా పళ్ల గుజ్జు కలిపి చివరగా టూటీ ఫ్రూటీ, నెయ్యి వేసి దించుకుంటే సరి, నోరూరించే ‘ఖర్జూర పాయసం’ రెడీ!

మూలం : నమస్తే తెలంగాణ ఆదివారం పుస్తకం

సోరక్కాయ పాయసం

5/27/2013

కావలసిన పదార్థాలు :

సోరక్కాయ కోరు - రెండు కప్పులు
బాస్మతి బియ్యం - కప్పున్నర
పాలు - అర లీటర్
చక్కెర - ఒక కప్పు
నెయ్యి - అరకప్పు
చిరంజి పప్పు - పావు కప్పు
జీడిపప్పు - పది
కిస్మిస్ - పది
పచ్చి కొబ్బరి కోరు - రెండు చెంచాలు
రోజ్ వాటర్ - ఒక కప్పు
కుంకుమ పువ్వు - చిటికెడు

తయారుచేసే పద్ధతి :

సోరక్కాయ తురుములో నీళ్లు పిండేసి మూకుడులో కొద్దిగా నెయ్యి వేసి కాగాక తురుమును దోరగా వేయించాలి. బాస్మతి బియ్యాన్ని మిక్సీలో వేసి రవ్వలా గ్రైండ్ చేసి నెయ్యిలో వేయించాలి. గిన్నెలో పాలు పోసి మరిగించాలి. పాలు మరుగుతుండగా సోరక్కాయ కోరు, బియ్యం రవ్వ, చక్కెర, జీడిపప్పు, చిరంజి పలుకులు వేసి సెగ తగ్గించి కలియపెడుతూ ఉడికించాలి. తర్వాత కిస్మిస్, యాలకుల పొడి, పచ్చి కొబ్బరి కోరు, రోజ్ వాటర్, కుంకుమ పువ్వు వేసి మరో రెండు నిమిషాలు ఉడికించి దించాలి. ఈ పాయసాన్ని వేడిగా తింటేనే రుచిగా ఉంటుంది.

మూలం : నమస్తే తెలంగాణ ఆదివారం పుస్తకం