మామిడి లడ్డు

కావలసిన పదార్థాలు :
మామిడి పండ్లు    -         రెండు 
పంచదార పొడి     -          150 గ్రా.
యాలకుల పొడి   -           పావుటీస్పూన్
నెయ్యి                -          అరకప్పు 
శనగ పిండి          -          300 గ్రా.
జీడిపప్పు  + ఎండు ద్రాక్ష -   పావు కప్పు 

తయారుచేసే పద్ధతి :

• మామిడి పండ్ల రసం తీసి పక్కన పెట్టుకోవాలి. 
  
• స్టవ్ మీద బాణలిలో నెయ్యి వేసి కాగాక, శనగ పిండిని వేసి దోరగా వేయించుకోవాలి. 
  
• వెడల్పాటి పళ్ళెంలో వేయించిన శనగ పిండి, పంచదార పొడి, యాలకుల పొడి వేసి బాగా కలిపి, ముందుగా తీసి పెట్టుకున్న మామిడి రసాన్ని చేర్చి బాగా కలుపుకోవాలి.
  
• చేతికి కాస్త నెయ్యి రాసుకుంటూ, ఈ మిశ్రమాన్ని లడ్డుల్లాగా చేసుకోవాలి. 
  
• వేయించిన జీడిపప్పు, ఎండు ద్రాక్షలను అక్కడక్కడ అలంకరిస్తే చాలు. ఎంతో రుచికరమైన లడ్డు తయారైనట్లే..
  

మూలం : సాక్షి దినపత్రిక 

---