ఖీర్ మోహన్

కావలసిన పదార్థాలు :
పన్నీర్ తురుము  -        2 కప్పులు 
కోవా                   -        అర కప్పు
బాదం,పిస్తా,జీడిపప్పు, కిస్మిస్ -        అరకప్పు 
యాలకుల పొడి     -          అరటీస్పూన్



పాకం కోసం :
పంచదార         -            4 కప్పులు
మంచి నీళ్ళు    -             4 కప్పులు
కుంకుమ పువ్వు -           కొద్దిగా 
యాలకులపొడి  -             అరటీస్పూన్

తయారుచేసే పద్ధతి :

• నట్స్ అన్నింటినీ చిన్న ముక్కలుగా చేయాలి. కోవాలో నట్స్ ముక్కలు, యాలకుల పొడి కలిపి పక్కన ఉంచుకోవాలి.
  
• పన్నీర్ ను మెత్తగా చేసి కావలసిన ఆకారంలో అంటే గుండ్రంగా లేదా కోలాకారంలో గానీ చేయాలి. ఒక్కో ఉండ మధ్యలో గుంతలా చేసి నట్స్ మిశ్రమాన్ని అరటీస్పూన్ చొప్పున వేసి మూసేయాలి.
  
• మందపాటి గిన్నెలో పంచదార, మంచి నీళ్ళు పోసి మరిగించాలి. సుమారు పావు గంట సేపు మరిగిన తరువాత పన్నీర్ ఉండల్ని పాకంలో వేయాలి. ఇప్పుడు మూతపెట్టి సిమ్ లో మరో పదిహేను నిముషాలు ఉడికించి దించాలి. ఆరిన తర్వాత వడ్డించాలి.
  

మూలం : ఈనాడు ఆదివారం పుస్తకం   

---