All Categories - telugutaruni.weebly.com

స్ట్రాబెరీ కేక్

1/26/2014

కావలసిన పదార్థాలు :
వరిపిండి - 15(గా.
బటర్ - 5(గా.
కోడిగుడ్లు - 4
తేనె - 2 స్పూన్స్
బేకింగ్ పౌడర్ - ఒక స్పూన్
కుంకుమ పువ్వు - ఒక టీ స్పూన్
ఉప్పు - కొద్దిగా,
క్రీమ్ - 25(గా.
మపిల్ సిరప్ - ఒక స్పూన్
నిమ్మరసం - ఒక టీ స్పూన్
స్ట్రాబెరీస్ - 50(గా.
పిస్తా - 2(గా.

తయారుచేసే విధానం :

ఓవెన్‌ని 180 డిగ్రీల సెంటీ(గేడ్ వద్ద వేడి చేయాలి.
ఒక గిన్నెలో వరిపిండి, బటర్, రెండు కోడిగుడ్లు, తేనె, బేకింగ్ పౌడర్, కుంకుమ పువ్వు, ఉప్పు అన్ని బాగా మిక్స్ చేయాలి.
ఈ పిండిని కేక్‌పాన్‌లో వేయాలి. వేసేముందు పాన్‌కి కొద్దిగా బటర్ రాయాలి.
15 నుంచి 20నిమిషాల పాటు ఓవెన్‌లో బేక్ చేయాలి. బయటకు తీసి కాసేపు చల్లారనివ్వాలి.
ఇప్పుడు ఒక గిన్నెలో కోడిగుడ్డులోని తెల్లసొన, క్రీమ్, నిమ్మరసం అన్ని వేసి బాగా కలపాలి. దీంట్లోనే మపిల్ సిరప్‌ని కూడా వేయాలి. ఈ మిశ్రమాన్ని కేక్‌పైన పోయాలి.
పై నుంచి స్ట్రాబెరీలను చిన్న ముక్కలుగా కట్‌చేసి డెకరేట్ చేయాలి. పై నుంచి పిస్తాతో గార్నిష్ చేయాలి. అంతే.. తియ్యటి స్ట్రాబెరీ కేక్ మీ ముందుంటుంది.

ఆరెంజ్ కేక్

1/9/2014

కావలసిన పదార్థాలు :
బటర్ - 8 స్పూన్స్,
చక్కెర - పావు కప్పు,
కోడిగుడ్లు - 2,
నారింజపండ్లు - 2,
మైదా పిండి - 1 1/2 కప్పు,
బేకింగ్ పౌడర్ - 1 1/2 టీ స్పూన్స్,
బేకింగ్ సోడా - పావు టీ స్పూన్,
ఉప్పు - పావు టీ స్పూన్,
నారింజ రసం - అర కప్పు

తయారుచేసే విధానం :

ఓవెన్‌ని 350ఫారన్ హీట్ వద్ద ముందే వేడి చేయాలి.
నారింజలను ఒలిచి పెట్టుకోవాలి.
ఒక గిన్నెలో బటర్, చక్కెర వేసి బాగా బీట్ చేయాలి. దీంట్లోనే కోడిగుడ్లు, నారింజపండ్లు, మైదాపిండి, బేకింగ్ పౌడర్, బేకింగ్ సోడా, ఉప్పు వేసి బాగా కలపాలి. ఉండలు కట్టకుండా జాగ్రత్తపడాలి. తర్వాత నారింజ రసం పోసి కలుపుకోవాలి.
ఇప్పుడు కేక్‌పాన్ తీసుకొని ఈ మిశ్రమాన్ని అందులో పోయాలి. 35నిమిషాల పాటు బేక్ చేయాలి. తర్వాత పదినిమిషాలపాటు పాన్‌లోనే ఉంచి చల్లారనివ్వాలి.
నారింజ ముక్కలతో అందంగా డెకరేట్ చేసుకొని సర్వ్ చేయాలి.

సాబూదాన్ క్యారట్ పాయసం

12/20/2013

కావలసినవి:
సగ్గుబియ్యం (సాబూదాన్) - అరకప్పు,
పాలు - ఏడు కప్పులు,
పంచదార - 2 కప్పులు,
క్యారట్ తురుము - కప్పు,
బాదంపప్పులు - పావు కప్పు (దోరగా వేయించి పొడి చేయాలి),
ఏలకుల పొడి - టీస్పూను,
కుంకుమపువ్వు - చిటికెడు,
నెయ్యి - రెండు టేబుల్ స్పూన్లు,
జీడిపప్పు, కిస్‌మిస్ - గార్నిషింగ్‌కి సరిపడా

తయారి:

సగ్గుబియ్యాన్ని శుభ్రంగా కడిగి కప్పు నీటిలో సుమారు అరగంటసేపు నాననివ్వాలి
పాలను మరిగించాలి
సగ్గుబియ్యంలో తగినంత నీరు పోసి ఉడికించి ఎక్కువగా ఉన్న నీటిని ఒంపేయాలి
బాణలిలో నెయ్యి వేసి కరిగాక, క్యారట్ వేసి పచ్చివాసన పోయేవరకు వేయించి తీసేయాలి అదే బాణలిలో మరి కాస్త నెయ్యి వేసి జీడిపప్పు, కిస్‌మిస్‌లు వేయించి తీసేయాలి
ఒక చిన్న పాత్రలో టీ స్పూను పాలు, కుంకుమపువ్వు వేసి కలపాలి
మరుగుతున్న పాలలో ఉడికించిన సగ్గుబియ్యం, వేయించి ఉంచుకున్న క్యారట్ తురుము, ఏలకులపొడి, కుంకుమపువ్వు పాలు వేసి బాగా కలిపి ఐదు నిముషాలు ఉంచాలి
వేయించి ఉంచుకున్న జీడిపప్పులు, కిస్‌మిస్‌లు వేసి కలిపి దించేయాలి.

ఆమ్లా ఖీర్

12/17/2013

కావలసిన పదార్థాలు :
ఉసిరికాయలు - 5,
పాలు - 2 కప్పులు,
చక్కెర - అర కప్పు,
బాదం పప్పు - 10,
జీడిపప్పు - 10,
కిస్‌మిస్ - 5,
యాలకుల పొడి - ఒక టీ స్పూన్,
తేనె - చిన్న కప్పు

తయారు చేసే విధానం :

ఉసిరికాయలను కడిగి.. ఉప్పు వేసి ఉడికించాలి. ఆ తర్వాత చిన్న, చిన్నముక్కలుగా కట్ చేసి తేనెలో వేసి గంటపాటు నానబెట్టాలి.
కొన్ని వేడినీళ్ళల్లో జీడిపప్పు, బాదం పప్పును వేసి నానబెట్టాలి. కాసేపటి తర్వాత వీటిని పేస్ట్ చేసి పక్కన పెట్టుకోవాలి.
ఇప్పుడు పాలల్లో చక్కెర వేసి వేడిచేయాలి. దీంట్లో బాదం పేస్ట్‌ని వేసి మరగనివ్వాలి.
పాలు చిక్కగా అయ్యేంతవరకు అలాగే ఉంచాలి.
ఇప్పుడు తేనెలో నానబెట్టిన ఉసిరికాయ ముక్కలను, యాలకుల పొడిని వేసి సన్నని మంట మీద మరికాసేపు ఉండనివ్వాలి. అంతే.. తియ్య, తియ్యని ఆమ్లా ఖీర్ సిద్ధం!

చిలగడదుంప హల్వా

12/11/2013

కావలసినవి:
మీడియం సైజ్ చిలగడదుంపలు - మూడు,
తక్కువ కొవ్వు ఉన్న పాలు - ముప్పావు కప్పు,
పంచదార - ఒక టేబుల్‌స్పూన్,
యాలకల పొడి - పావు టీస్పూన్,
కుంకుమపువ్వు - కొద్దిగా (వీటిని ఒక టేబుల్‌స్పూన్ పాలలో కలిపి ఉంచాలి), బాదం, పిస్తా, జీడిపప్పులు - రెండు టేబుల్‌స్పూన్లు (సన్న ముక్కలుగా తరిగి), నెయ్యి - ఒక టీస్పూన్.

తయారీ:

చిలగడదుంపల్ని శుభ్రంగా కడిగి కుక్కర్‌లో నాలుగు విజిల్స్ వచ్చే వరకు ఉడికించాలి.
తరువాత వాటిని బయటకు తీసి పొట్టుతీసి మెదిపి పక్కన పెట్టాలి.
నాన్‌స్టిక్ పాన్‌లో నూనె వేడిచేసి మెదిపిన చిలగడదుంపలు వేసి మూడు నిమిషాలు వేగించాలి.
తరువాత పాలు, పంచదార, యాలకలపొడి, పావుకప్పు నీళ్లు పోసి సన్నటి మంట మీద రెండు నిమిషాలు ఉంచాలి.
(ఈ మిశ్రమం పొడిపొడిగా కాకూడదు.) చివర్లో కుంకుమపువ్వు, పప్పులు వేసి కలిపితే హల్వా రెడీ.

ఉసిరి పాయసం

12/1/2013

కావలసినవి:
ఉసిరికాయలు - ఐదు,
పాలు - రెండు కప్పులు,
బాదం, జీడిపప్పు, ఎండుద్రాక్షలు - ఒక్కోటి పది చొప్పున,
యాలక్కాయ పొడి - చిటికెడు,
జాజిపొడి - కొద్దిగా,
తేనె, నెయ్యి - తగినంత

తయారీ:

ఉసిరికాయల్ని కడిగి ఆవిరికి ఉడికించాలి. తరువాత గింజలు తీసి ముక్కలుగా కోసి వాటిని తేనెలో గంట పాటు నానపెట్టాలి.
బాదం, జీడిపప్పుల్ని నీళ్లలో నానపెట్టి మెత్తటి గుజ్జులా చేయాలి.
పాలను కాగపెట్టి బాదం, జీడిపప్పుల గుజ్జు, పంచదార వేయాలి. ఇది బాగా ఉడుకుతున్నప్పుడు తేనెలో నానపెట్టిన ఉసిరి ముక్కల్ని వేయాలి. కొన్ని నిమిషాల తరువాత స్టవ్ మీద నుంచి గిన్నె దింపేయాలి.
తరువాత యాలక్కాయపొడి, జాజికాయ పొడి వేయాలి. చివర్లో నెయ్యి వేడిచేసి ఎండుద్రాక్షల్ని వేగించి పాయసంలో వేసి బాగా కలిపి తినేయడమే.
వగరుగా, పుల్లగా ఉన్న ఉసిరికి పాలు, పంచదార కలవడం వల్ల వచ్చే రుచి మిగతా పాయసాలతో పోలిస్తే కాస్త వెరైటీగా ఉంటుంది.

చూర్ణ లడ్డూలు

11/11/2013

కావలసిన పదార్థాలు
శనగపిండి : నాలుగు కప్పులు,
పంచదార : రెండు కప్పులు,
నూనె లేదా వనస్పతి : వేయిండానికి,
జీడిపప్పు : అరకప్పు,
యాలకులపొడి : అరస్పూన్‌.

తయారు చేసే విధానం :

శనగపిండిలో నీళ్లుపోసి, బజ్జీల పిండిలా కలుపుకోవాలి. దాన్ని బూందీగరిటతో నూనె లేదా వనస్పతిలో బూందీలా వేసి వేయించి తీయాలి. చల్లారిన తరువాత పొడి చేసుకోవాలి.
మీక్సీలో వేసి పంచదారను పొడి చేసుకోవాలి.
వేయించిన జీడిపప్పు, కిస్‌మిస్‌లు, యాలకుల పొడి వేసి పాలతోగానీ, నీటితోగానీ తడి చేసుకుంటూ చక్కగా లడ్డూలు చుట్టుకోవాలి. రుచిగా వుంటాయి.

పెసర లడ్డూలు

11/5/2013

పెసర లడ్డూలు తయారుచేయడానికి కావలసినవి..

పెసరపప్పు 2 కప్పులు
పల్లీలు - 1 కప్పు
పంచదార - 2 కప్పులు
నెయ్యి - 1 కప్పు
పాలు - 1/4 కప్పు
జీడిపప్పు, బాదాం - 1/4 కప్పు

తయారుచేసే విధానం :

పాన్ వేడి చేసి పల్లీలు వేయించుకోవాలి. చల్లారిన తర్వాత మిక్సీలో మెత్తగా పొడి చేసుకోవాలి. అదే పాన్‌లో అరకప్పు నెయ్యి వేడి చేసి పెసరపప్పు కమ్మటి వాసన వచ్చేవరకు వేయించుకోవాలి. పూర్తిగా చల్లారిన తర్వాత మిక్సీలో వేసి మెత్తగా పొడి చేసుకోవాలి. పంచదార కూడా పొడి చేసి పెట్టుకోవాలి. ఒక గిన్నెలో వేయించిన పెసరపప్పు పొడి, పల్లీ పొడి, పంచదార పొడి, యాలకుల పొడి, సన్నగా తరిగిన లేదా బరకగా పొడి చేసుకున్న జీడిపప్పు, బాదాం, మిగిలిన నెయ్యి వేసి బాగా కలపాలి. తర్వాత కావలసిన సైజులో ఉండలు చేసుకోవాలి.

కొబ్బరి, ఖర్జూరం లడ్డు..

10/24/2013

కొబ్బరి, ఖర్జూరం లడ్డుకు కావలసినవి..
కొబ్బరి పొడి - 2 కప్పులు
ఖర్జూరం - 1 1/2 కప్పు
జీడిపప్పు - 10
బాదాం పప్పు - 10
కిస్మిస్ - 10

ఈ లడ్డూలు నిముషాల్లో తయారు చేసుకోవచ్చు. ఖర్జూరం గింజలు తీసేసి మిక్సీలో వేసి పొడి చేసుకోవాలి. ఇందులో కొబ్బరి పొడి వేసి మళ్లీ తిప్పాలి. మొత్తం కలిశాక ఒక గిన్నెలోకి తీసుకోవాలి. ఇందులో చిన్న ముక్కలుగా కట్ చేసుకున్న జీడిపప్పు, బాదాం పప్పు, కిస్మిస్, యాలకుల పొడి వేసి కలిపి ఉండలు చేసుకోవాలి. అంతే..

అటుకుల లడ్డు

10/22/2013

కావలసిన పదార్థాలు
అటుకులు : 2 కప్పులు,
పచ్చికొబ్బరి తురుము : కప్పు,
యాలకులు : స్పూన్‌,
బెల్లం : 2 కప్పులు,
కిస్‌మిస్‌ : 2 స్పూన్లు,
పాలు : 1/2 కప్పు,
జీడిపప్పు : స్పూన్‌,
నెయ్యి : వేయించడానికి సరిపడ.

తయారు చేసే విధానం
ముందుగా అటుకులను శుభ్రంగా ఏరి వాటిని మిక్సీలో వేసి కాస్త గరుకుగా పట్టుకోవాలి. తర్వాత కొబ్బరిని, బెల్లాన్ని తురిమి పెట్టుకోవాలి. స్టౌ వెలిగించి పాన్‌ పెట్టి అందులో నెయ్యి వేసి వేడయ్యాక అందులో జీడిపప్పు, కిస్‌ మిస్‌లను దోరగా వేయించాలి. తర్వాత పాలను గిన్నెలో పోసి వేడిచేసి అందులో తురిమిపెట్టుకున్న బెల్లాన్ని వేసి కలపాలి. బెల్లం పూర్తిగా కరిగిపోయేంత వరకు ఉంచి తర్వాత పాలను, కొబ్బరి తురుమును అటుకుల మిశ్రమంలో వేసి బాగా కలిపి వేడిగా ఉన్న సమయంలోనే లడ్డూలు చుట్టాలి. చివరగా వీటిపై మెల్లగా జీడిపప్పు, కిస్‌ మిస్‌లను అద్దాలి.