అటుకుల కేసరి

కావలసిన పదార్థాలు :
అటుకులు         -         పావుకేజీ 
చక్కెర              -         పావుకేజీ 
నెయ్యి              -         100 గ్రా.
పాలు               -          పావు లీటర్ 
జీడిపప్పు, కిస్ మిస్  -    పావుకప్పు 
యాలకుల పొడి  -           అరచెంచా 
కేసరి రంగు        -           చిటికెడు 
పచ్చ కర్పూరం   -           చిటికెడు 


తయారుచేసే పద్ధతి :

• అటుకుల్ని ముందుగా నీళ్ళల్లో నానబెట్టుకోవాలి. ఆ తర్వాత నీటిని వంపేసి అటుకుల్ని ఓ పళ్ళెంలోకి తీసుకొని ఆరబెట్టాలి. ఇప్పుడు స్టవ్ మీద బాణలి పెట్టి, చెంచా నెయ్యి వేడి చేసి, అటుకుల్ని వేయించుకొని పెట్టుకోవాలి. తరువాత మరో చెంచా నెయ్యి వేసి జీడిపప్పు, కిస్ మిస్ లను కూడా వేయించి తీసి పక్కన పెట్టుకోవాలి. 
  
• ఓ గిన్నెలో పాలు తీసుకొని మరిగించి మంట తగ్గించి అటుకులు, చక్కెర వేయాలి. అటుకులు చక్కెర బాగా కలిసాక ముందుగా వేయించి పెట్టుకున్న జీడిపప్పు, కిస్ మిస్ లు, యాలకుల పొడి, కేసరి రంగు, పచ్చ కర్పూరం కలపాలి. ఆ తరువాత మిగిలిన నెయ్యిని కొంచెంగా వేస్తూ కలుపుతూ ఉండాలి. కేసరి దగ్గర పడుతున్నప్పుడు స్టవ్ కట్టేసి ఓ గిన్నెలోకి తీసుకుంటే చాలు. వేడివేడి అటుకుల కేసరి సిద్దం.
  

మూలం : ఈనాడు వసుంధర 

---