సేమ్యా లడ్డు

కావలసిన పదార్థాలు :
సేమ్యా                 -             కప్పు 
పంచదార             -             ముప్పావు కప్పు 
యాలకులు           -             3 
నెయ్యి                  -            అరకప్పు 
జీడిపప్పు             -             పది 



తయారుచేసే పద్ధతి :

• మొదట యాలకుల్ని పొడి చేయాలి.
  
• బాణలిలో టేబుల్ స్పూన్ నెయ్యి వేసి జీడిపప్పు వేయించి పక్కన పెట్టాలి.
  
• తరువాత అందులోనే సేమ్యా వేసి బంగారు వర్ణంలోకి వచ్చేవరకూ వేయించాలి.
  
• మిక్సీలో పంచదార వేసి పొడి చేయాలి. తరువాత చల్లారిన సేమ్యా కూడా వేసి పొడి చేయాలి. ఇప్పుడు ఈ రెండు పొడులనూ కలపాలి.
  
• ఇందులో కరిగించిన నెయ్యి, యాలకుల పొడి వేసి కలిపి లడ్డుల్లా చుట్టి వేయించిన జీడిపప్పును అతికించాలి.
  

మూలం : ఈనాడు ఆదివారం పుస్తకం 

---