బీట్ రూట్ పాయసం

కావలసిన పదార్థాలు :
బీట్ రూట్        -          ఒకటి (పెద్దది)
పంచదార         -         కప్పు 
పాలు              -         4 కప్పులు 
జీడిపప్పు        -          10
యాలకుల పొడి -          అరటీస్పూన్ 
నెయ్యి             -          2 టీస్పూన్లు 



తయారుచేసే  పద్ధతి :

• బీట్ రూట్ తొక్కు తీసి ఓ సారి కడగాలి. తర్వాత ప్రెషర్ కుక్కర్ లో పెట్టి ఉడికించాలి. బయటకు తీసాక  మిక్సర్ లో వేసి మెత్తని  ముద్దలా చేయాలి.
  
• చిన్న బాణలిలో కొద్దిగా నెయ్యి వేసి జీడిపప్పు వేయించాలి.
  
• మందపాటి బాణలిలో పాలు పోసి చక్కెర వేసి కరిగించాలి. ఇప్పుడు బీట్ రూట్ ముద్దను వేసి ఉడికించాలి. పాలు బాగా మరిగిన తర్వాత యాలకుల పొడి వేసి దించాలి. ఇప్పుడు నేతిలో వేయించిన  జీడిపప్పు కూడా వేసి అందించాలి.
  

మూలం : ఈనాడు ఆదివారం పుస్తకం

---