మామిడి బర్ఫీ

కావలసిన పదార్థాలు :
మామిడి పండ్లు    -         రెండు (పెద్దవి)
పంచదార            -          500 గ్రా.
యాలకుల పొడి   -           టీస్పూన్
నెయ్యి                -          6 టీస్పూన్లు  
గోధుమ పిండి       -          125 గ్రా.
శనగ పిండి          -           125 గ్రా.
                                                                  పచ్చి కొబ్బరి తురుము -     కప్పు 
                                                                  జీడిపప్పు            -           పావు కప్పు 

తయారుచేసే పద్ధతి :

• మామిడి పండ్లను బాగా కడిగి, రసం తీసి పక్కన పెట్టుకోవాలి. 
  
• స్టవ్ మీద బాణలిలో టీస్పూన్ నెయ్యి వేసి కాగాక, గోధుమ పిండి, శనగ పిండిని వేసి మాడు వాసనా రాకుండా వేయించుకోవాలి. 
  
• ఒక పాత్రలో కొద్దిపాటి నీరు తీసుకొని పంచదార వేసి స్టవ్ మీద ఉంచి ముదురు పాకం వచ్చేవరకు కలపాలి.
  
• తర్వాత శనగ పిండి, గోధుమ పిండిని వేసి బాగా కలిపి, యాలకుల పొడి కూడా చల్లాలి.
  
• స్టవ్ కట్టేసి, ముందుగా తీసి పెట్టుకున్న మామిడి రసం, కొబ్బరి తురుమును చేర్చి మరో సరి కలపాలి. నెయ్యి రాసిన వెడల్పాటి పళ్ళెంలోకి ఈ మిశ్రమాన్ని మార్చాలి. 
  
• జీడిపప్పు పలుకులతో గార్నిష్ చేసుకోవాలి. 
  
• చల్లారుతుండగా మనకు కావలసిన ఆకారంలో కట్ చేసుకుంటే రుచికరమైన మామిడి బర్ఫీ రెడీ అయినట్లే. 
  

మూలం : సాక్షి దినపత్రిక 

---